1- قمة اللقافه اذا كنت قاعد تتكلم بالتيلفون ويمك واحد من ربعك ولما تسكر التيلفون يقولك منو هذا وشنو السالفه....
ياااااااااخي انت شكوووو
2- قمة اللقافه اذا كنتي طالعه انتي مع رفيجتج ووحده كل شوي تدق عليكم ها وين بتروحون وين بتعشون.....
خووووو مانبيج معانه بعد ليش اللزقه
3- قمة اللقافه اذا كنتوا مسوين جو دراسي بالبيت ويتصل عليكم خالكم ويقول ترى بنتعشى اليوم عندكم مع اليهال....
عز الله اخترب الجو
4- قمة اللقافه اذا انت ياي تبي تشبك بالنت ومتحمس تبي تشوف منو اكو عندك بالمسنجر واييك واحد من ربعك يقولك ابي اجيك على ايميلي
....ياااااعمري طيييير
5- قمة اللقافه اذا كنت راد من الدوام حدك زهقان من الحر والزحمة وتلاقي نسيبك صافط تحت المضله مالتك..
شفيييييييه بونسب
6- قمة اللقافه اذا كنت قاعد بالحمام وانتوا بكرامه ومريح على الاخر واييك واحد ويطفي عليك الليت ويمشي.......
يعني ليش ليش بالله
7- قمة اللقافه اذا كنتِ شاريه شغله ومستانسه فيها وتجيجك وحده ملقوفه تكسر مجاديفك تقولك يااااااه في ارخص منها عاد ، قصوا عليك......
عفيه من طلب رايج
8- قمة اللقافه اذا كنتي شاريه عطر يديد ومستانسه فيه وتييج وحده ملقوووووفه وتقولج وييييييع شنو هذا أشم ريحة مستشفى ....
يا بابا من طلب رايج
9- قمة اللقافه اذا قلت حق الربع منو يبي عشا ترى بنطلب وواحد يقول لالا انا شبعان ولما يوصل العشا يتليقف ويسف ( يبلع ) البطاط مالكم كله ....
يعني مستحي الاخ
10- قمة اللقافه اذا قعد واحد بروحه بالدوانيه ومالقى شغل غير إنه يقعد يتعبث بالستلايت لين يعفسه على بو انه بيسوي خير وبيعدل المحطات ( طبعاً ستلايت المجد ...خخخخ يعني إسلامي )
13- قمة اللقافه أن يتسلط عليك واحد كل يوم يتصل 10 مرات من تلفون البيت على جوالك و وما عنده سالفه غير ( إي شخبارك ، أمممم شمسوي ،، آآآ شلونك ،،،، امممممم شعلومك ) ....
يا حبيبي دق من جوالك تكفه يبا
14- قمة اللقافه اذا واحد معروف عنه ان عينه حاره وشاف عندك شي حلو ويقولك شوف يا تعطيني اياه ولا ترى بصكك بعين....
شكوووووووووووو
15- قمة اللقافه اذا كنت قاعد تعدل غترتك في منضره المسيد بعد الصلاة واييك واحد طنطل يوقف جدامك يعدل غترته....
يالحبيب سديت الأفق علينا
16- قمة اللقافه اذا ربعك بيسون دقه فيك ويحطونك في دبه سيارتك ويصكون عليك ويطلع مفتاح السياره في جيبك......
شماله اللقافه بالله
17- قمة اللقافه اذا تعرفتوا على عايله بالسفر وكل يوم الا يبون يطلعون معاكم وكل ما شريتوا شي شروا مثلكم....
اي مو فجوا شوي عن الناس
18- قمة اللقافه اذا وحده من الاهل كل ما تشوفك تسألك ها فلانه متى التخرج وجم معدلج لين تخليك تتحسفين إنج قلتيلها إنج بالجامعه.....
بس عاد شقيتني بالكورس الواحد 30 مره قلتلج! ، ترا والله ببجي المره الثانيه لو سألتيني
19-قمة اللقافه اذا كنت قاعد بالدوانيه وواحد من الربع ملقوف ياخذ تيلفونك من غير ما يستأذن يبي يشوف الصور والمسجات
20- قمة اللقافه اذا سياره فيها بنات واقفين عالاشاره وواحد كل شوي يجدم سيارته ،يعني شوفوني، لين يدعم السياره اللي جدامه
21- قمة اللقافه اذا صار حادث بالشارع الثاني والشارع اللي انت فيه واقف مايتحرك كله عشان يشوفون شنو صاير لين يصير حادث ثاني على هالشارع
22- قمة اللقافه اذا توج متزوجه والاوادم كل شوي ها يافلانه مافي شي بالطريج؟ ترى الحجي كثر....
تكفوووون خلوني بحالي آنه وزوجي كيفنا
23- قمة اللقافه اذا قاعدين تبنون بيتكم والناس كل شوي ها ليلحين ما سكنتوا....
اي فهموا السالفه مافي بيزات بعد شنو
25- قمة اللقافه اذا كنتي ناويه تشترين فستان لمناسبه معينه وودج تكونين مميزه وقلتي الفكره لوحده من صديقاتج فراحت واشترت نفس الفستان قبلج وخربت عليج .....
امحق صديقه
27- قمة اللقافه اذا تبي تقولين سالفه وتقاطعج وحده ملقوفه وتقول السالفه بدالج....
تحسين ان حالك وحال الكنبه اللي قاعده عليها واحد
28- قمة اللقافه اذا كنت قاعد تقرا الجريده ومنهمك فيها وتبي تقلب الصفحه ولا اللي يمك يقولك صبر صبر قاعد اقرا لا تقلب.....
اي مو صار لها ساعه مقطوطه ماقريتها الحين صارت حلوه
29- قمة اللقافه اذا كنت نايم وحد الاحلام السعيده واييك واحد ويحط كلينكس بخشمك او اذونك يعني يمزح معاك.....
اعتقد بتدعي عليه دعوه قويه بقلبك
30- قمة اللقافه اذا كنت انت ويا واحد طالبين عشا وقاعدين تاكلون ويدش عليكم واحد وتقولوه تفضل والاخ مايصدق خبر ويتفضل صج.....
خوووووو مجامله يا الحبييييييييب
31- قمة اللقافه اذا قاعده على جهازج تكتبين بالمنتدى وتقعد وراك وحده ملقوفه وتغث عيشتك لاتكتبين جذي وكتبي جذي
32- قمة اللقافه اذا كنتوا قاعدين شله بمطعم الجامعه ويكم وحده قاعده بروحهه وقاطه اذونهه على سوالفكم ولي قلتوا سالفه تضحك قامت تتبوسم جنهه ماتدري.....
صج قوات عين
33- قمة اللقافه اذا عندك سياره الماني وصافط براس العاير بالفريج وشاب الليت اللي على الجنب والجيران يغثونك كل شوي طاقين الباب ليت السياره شاب وليت السياره شاب...
ايش هالبلشه
34- قمة اللقافه اذا كنتي شاريه جنطه اصليه واتيج وحده ملقوفه وتقولك اذا الجنطه اصليه وريني الكرت مال الكفاله....
عفيه انتي شعليج
36- قمة اللقافه اذا عندكم عرس وادق عليكم وحده تصير لكم من بعيد تقول ابي بطايق زياده .....
حمدي ربج عازمينج بعد
37- قمة اللقافه اذا كل ما تشترين شي وحده من رفيجاتج تقولج من وين شاريته وتروح تشتري نفسه
40- قمة اللقافه ان الوحده تصور نفسها ورفيجاتها بتيلفونها وأهم قاطين حجاباتهم ولي انباق التيلفون قعدت تبجي دم.....
شللي حادج
41- قمة اللقافه اذا كنت متغدي ذاك الغدا السنع وحاط راسك ونايم الساعه 2 الظهر ويشكل عليك الجرس راعي البيبسي ويكون الانتركم خربان يعني لازم تنزله وآخر شي يقولك : مش عاوزين بيبسي ....
اعتقد ودك تحذفه بالبطل على راسه
42- قمة اللقافه اذا دق على جوالج واحد فاضي بنص الليل ويقولج الووووووووو هذا مو تيلفون أحمد ......
أي أحمد عسى الله لا يحمد عقباك انشاءالله
45- قمة اللقافه اذا كنت شاري اغراض مو من جمعيتكم والكاشير يقولك جم رقم الصندوق تقوله ماكو وينط اللي وراك يقول رقم صندوقهم
46- قمة اللقافه اذا غطا البنزين مال سيارتك خربان ومفتوح تعال شوف عاد مليون واحد يدق لك هرن ويأشرلك على الغطا انه مفتوح ....
اي مو درينا عااااااد
47- قمة اللقافه اذا كان عندكم عزيمه في بيتكم وعندكم جاره ملقوفه تقوم تتصل عليكم وتقول عسى ماشر شعندكم ، جنهه ما تدري ( يعني تبي تقولج ليش ما عزمتونيييي ؟ ).......
اوووووووووووف ودي ابط راسها
48- قمة اللقافه اذا وحده اتنقز من مكان لي مكان ومن مطعم لي مطعم ومن سوق لي سوق وكل يوم مهوله بعمرها كل هذا عشان ادور لها على ريل.....
اي انثبري ابيتكم ونطري نصيبج
49- قمة اللقافه اذا فتحت محل والله وفقك ويالك واحد ملقوف وعينه حاره يسألك جم اجارك وجم اجار العمال وجم تربح كل شهر .......
اي قول بصكك بعين وفكني
51- قمة اللقافه اذا كنت داق على احد بالموبايل وفجأة انقطع الاتصال بينكم وكل واحد يقعد يدق على الثاني ويطلعله مشغول.....
اي انطر ياخي اللي داق اهوا اللي بيدق عليك
53- قمة اللقافه لما تكون نازل بمطار بعض الدول وكل واحد يبي يشيل جنطتك من كل صوب وتصك هوشه ويتذابحون على جناطك ونت قاعد تنطر .....
اعتقد انك ودك ترجع الديره
55- قمة اللقافه اذا حطيت حالتك بالمسنجرمشغول ويتسلط عليك واحد كل شوي يسإلك :إنت شقاعد تسوي ؟؟ بشنو مشغول ؟؟.....
ياخي افهم مشغووووول تكفه مشغوووول
56- قمة اللقافه لما تكونين متفقه مع زوجج إنكم تقضون نهاية الإسبوع بفندق من باب التغيير وتتسلط عليكم إخته ( ها، وين رايحين؟ ) و ( ليش الخساير ؟ ) و(شالسبب ؟) و ( متى تردون ؟ ) و ( خلكم بالبيت أريح لكم ) لين يهون زوجج ويأجل الفكره ...
ودج تقتلينها لوما إنه حرام
57- أخير قمة اللقافه أن يقوللي واحد ( ليش يا كويتي طوفت بعض الأرقام في موضوعك هذا) .......
يعني إلا نقول ( غير صالح للنشر )
وآخر الأخير
قمة الإحباط أنه ما يعجبكم الموضوع
الحمدلله على السلامه نسيت لا أقولكم أن الموضوع هذا ( نص نص )
يعني
50% ملطوش
50% مني
مع التحفظ على بعض التصرفات وردود الأفعال المخالفه لحسن الجوار وكرم الأخلاق ورد الإساءة بالإحسان
مع تحيات أخيكم كويتي
كتبت بواسطة عسل الجنه
....
الروابط المفضلة