انا اسفه جدا على العنوان الغلط انا كان اصدي Path مش pass انا عدلته بس مع كده ظاهر العنوان غلط برده. معلش انا مش كنت مركزه .
ال open path draw tools هما اساسا 3 ادوات بس في اداتين مخطلتين مابين ال close path draw tools و ال open مضافين ليهم.
ال3 ادوات الاساسيين هم :
1-line segment tool
2-Arc tool
3-Spiral tool
الاداتين التانيين هم :
4- Rectanguler grid tool
5-Polar grid tool
جميع الادوات بنرسمها عن طريق الضغط و السحب و في بعض الاختصارات عشان تساعدنا على الرسم.
1-line segment tool :
Shift : بيرسم الخط بزاوية 45.
و بضغطه واحده من الماوس من غير سحب بيظهر مربع حواري بنحدد فيه قيم طول الخط و زاويته .
2-Arc tool (قوس):
up arrow : بيزود نص القطر radius بتاع القوس .
down arrow : بتقلل نص قطر القوس .
X : بيقلب القوس .
C: بيقفل القوس .
و بضغطه واحده على الماوس بيظهر مربع حواري بنحط فيه ابعاد القوس اللي احنا عايزينه .
3-Spiral Tool (حلزوني او لولبي ) :
up arrow :بيزود اجزاء للشكل الحلزني اللي احنا بنرسمه .
Down arrow : بيقلل اجزاء منه .
Ctrl: بيقلل مساحته .
و برده بضغطه واحده بالماوس بيظهر مربع حواري بنعط فيه قيم الشكل الحلزوني اللي احنا عايزينه .
4-Rectangular grid tool (شبكه جوه مستطيل ) :
alt : لو عايزين نرسمه من المنتصف .
space bar : لو عايزين ننقله و احنا لسه بنرسمه .
up arrow : بيزود عدد الصفوف .
down arrow : بيقلل عدد الصفوف .
right arrow : بيزود عدد الاعمده .
left arrow : بيقلل عدد الاعمدة .
X : بتخلي الاعمدة تميل الي ناحيه الشمال مش تخليهم متساويين .
C : بتخلي الاعمده تميل الي ناحية اليمين و مش بتخليهم متساويين .
F : بتخلي الصفوف تميل الي الاعلى .
V : بتخلي الصفوف تميل للاسفل .
و ممكن نحدد عدد الاعمده و لصفوف الي احنا عيزنها و طولها و عرضها عن طريق ادخال القيم في المربع الحواري اللي بيظهر لما بنضغظ بالماوس مره واحده .
5-Polar grid tool (شبكه على شكل دائري ) :
up arrow : بيزود عدد الدوائر .
down arrow : بيقلل عدد الدوائر .
left arrow : بيقلل عدد الاقسام .
right arrow : بيزود عدد الاقسام .
F و V : بيخلي الاقسام و الدواير مش قد بعض بيخليها تميل .
و ممكن عن طريق ضغطه واحده ندخل القيم اللي احنا عايزنها في المربع الحواري اللي هيظهر .
يارب يكون الدرس عجبكوا .
و لو انتوا عايزين تعرفوا عن ال closed path shapes tools شوفوا الدرس اللي فات :
http://www.lakii.com/vb/a-47/closed-...erator-814705/
الروابط المفضلة