بصراحه حاولت اسوي طريقه الاخت شمس الحق بس عقدني التدرج لاني ماعرفله ودورت دروس الدمج في منتديات ثانيه والحمدالله لقيت بس حبيت انقلها بطريقتي وصوري لان الدرس كان فيه صورة فتاة كبيره ومنها اتدرب واستفيد وانشالله تعجبكم هالطريقه السهله .

بسم الله نبدا

1- نفتح ملف جديد ( طوله طول اقصر صوره ... وعرضه عرض اعرض صوره ) وانا اخترت 500 في 215 بيكسل

2- نفتح الصورتين اللي بنشتغل عليهم ( طبعا ماعندي صور وايد بجهازي هذا لانه يديد وكل صوري الحلوه بجهازي القديم فمشيت حالي بهالصورتين اللي نزلتهم من المنتدى لاني المفروض انزل صور فيها تناسق اكثر .. يعني بالعربي الفصيح مشوها حقي )

3- نسحب صورة الخلفيه للملف الجديد ( السماء )

4- نسحب الصوره الثانيه ونضعها بالمكان اللي نبيه ( الطفله )

5- نختار الصورة الثانيه ( الطفله ) من قائمة layers
6- ونضغط على قائمة normal
7- ونختار luminosity
كما في الصورة

8- نجعل صورة الطفله شفافه وذلك عن طريق تغيير القيم في
opacity
fill
طبعا تغيرين بالقيمة لحد ماتوصل لدرجة من الشفافيه تناسب الخلفيه وهالشي راجعلج
من ناحيتي اخترت في اوباسيتي 61% وفل 44%

9- طبعا راح تكون فيه زوائد على حدود صورة الطفله راح تخرب الشكل ولازم نمسحها عن طريق الممحاة ( طبعا الكل يعرف مكانها ) نمسح الزوائد عادي وماراح تنمسح صورة الخلفيه


الحين راح على هالشكل النهائي ونقدر نكتب عليه الي نبي

واعذروني على كثر الصور بس ماقدرت ارفع الصور وبيني وبينكم مو مضمونه المواقع لان اكثر الصور تختفي بعد فتره

انشالله يكون عجبكم الدرس وياليت نشوف تطبيقاتكم

نزلت صورة غلط بالرد السابق ولما مسحتها وبنزل الصورة الصحيحه قالولي حجم الملف كبير مع انه مو كبير ولا شي
وحجمه نفس حجم الصور اللي فوق

========================
الملف الذي تحاول تحميله كبير جدا.الحد الاقصى هو 51200 بايت.

=========================

المهم بصغره والله يستر ( عرفت السبب مو مهم حجم الصوره المهم انه مايكون بامتداد gif )
بس والله ظلم مايصير نعدل الا خلال 30 ثانيه لاني كنت بعدل صورة
opacity & fill

مشكوووووورة على الدرس
أنا شخصياً أدمج ولكن بطرق مختلفة ..
إنشاء الله بحاول أطلعكم عليها لو لقيت وقت

بارك الله في جهودك ..

العفو اختي هند وشاكره لج مرورج
وهذي اول مره اسوي فيها درس
عقبال مااسوي درس بالفوتوشوب بخطوه وحده بس
ياليت نشوف طريقتج وتكون سهله

كان ودي اضيف اطار بس للاسف ماعرفت مع اني لقيت درس الاطار بس كان صعب لاني غرزت بخطوه sid

ولا يهمج

أنا أحط لج درس الإيطار بطريقتي وبشرح مبسسسسسسسسسط جداً + درس الدمج
بس باكر إنشاء الله

تسلمييييييييييين حبيبتي هند الله ريحرمنا منج
انا بانتظارج

الله يعطيكِ العافية ... مجهود طيّب ...

الدّمج له طرق كثيرة ... و كلّ طريقة لها استخداماتها

*-*-*-*-*-*

أرسلت بداية بواسطة MiSsQ8

المهم بصغره والله يستر ( عرفت السبب مو مهم حجم الصوره المهم انه مايكون بامتداد gif )
بس والله ظلم مايصير نعدل الا خلال 30 ثانيه لاني كنت بعدل صورة
opacity & fill

30 دقيقة

و صور gif يقبلها المنتدى ... لكن أكيد المشكلة مِن الحجم