درس: ' *&%{ كســر الأطــار باستخدام القنــاع الســريع }%&* '

السلام عليكم . .
الصراحه حتى انا ما فهمت العنوان , مع اني انا اللي كاتبه . .



بسم الله . .
نبي نسوي اليوم , صوره, فيها ريشه , وطرف الريشه طالع بره الصوره . .
وهذا ما يدعى بكسر الاطار . .


اخترت انا هذي الصوره , واللي بنشتغل عليها . .



-----------------------------------------------------------------------------------------------
نفتح الفوتوشوب , ونختار صورة الريشه . .
طبعا لما نفتح اي صوره , راح تفتح على انها "خلفيه" او "Background" . .
لازم نحولها الى لير "Layer" او "شفيفه" . .
عن طريق دبل على الشفيفه . .
زي كذا . .



ونسميها اي اسم , سميتها هنا "ريشه" . .
ونضغط OK . .
بتصير زي كذا . .



---------------------------------------------------------------------------------------------

من صندوق الادوات , نختار "Rectangular Marquee Tool" . .
زي كذا . .



نروح للصوره , ونختار جزء منها , انا اخترت الجزء هذا . .



هالمربع بيكون الاطار اللي اخترته , وطرف من الريشه بيكون خارج الاطار, مثل ماراح نشوف بالأخير . .

----------------------------------------------------------------------------------------

من صندوق الادوات , بنختار "Quick Mask Mode" . .
يعني القناع السريع . .

اللي محدد بالأحمر . .



نرجع لصورتنا , بنشوف ان الجزء الخارجي من المربع اللي حددنا , صار لونه احمر. .
(انشالله يكون واضح , لأن خلفيه الصوره قريبه للون الاحمر)
واي شي ضلله الماسك او القناع بالاحمر, هو اللي راح ينقطع او ينحذف من الصوره . .
زي كذا . .



-----------------------------------------------------------------------------------------

اوكي , ألحين نبي طرف ريشتنا , ما نبي نحذفه . .
الحل عندي . .

نختار الريشه من صندوق الادوات . .



ونختار المقاس اللي يريحنا واللي نقدر نتحكم فيه بسهوله . .
بروح اجرب على الريشه . .



ما يصير كذا . .
الريشه تضلل بالاحمر , واللي نعرفه ان الاحمر هو اللي بينحذف . .
بعد الحل عندي. .


نضغط حرف "x" . .
طيب, وش اللي صار, يوم ضغطنا "x" بنلاحظ بصندوق الادوات ان الالوان انعكست . .
زي كذا . .



نروح نجرب بريشتنا العزيزه . .



ما شاء الله تبارك الله . .
صارت تمسح التضليل الأحمر. .


---------------------------------------------------------------------------------------

اوكي . .
الحين بنمسح التضليل عن طرف الريشه , اللي نبغاها خارج الاطار . .
يبيلها شوي دقة عشان تطلع النتيجه اوكي . .

الحين مسحت عن الريشه اللون الاحمر. .
بس شغل اي كلام , شسوي؟ ؟ . .
طلعت عن الريشه وخربت كل شي . .
اروح بيتنا ؟ ؟




تو الناس . .
نعطيها "x" مره ثانيه . .
بتنعكس الالوان مره ثانيه , وترجع مثل اول . .



الحين نقدر نضلل بالأحمر , ونرقع اللي خربناه . .



اذا خلصنا , وتأكدنا ان كل شي اوكي . .
بتصير النتيجه زي كذا . .



كل شي تمام . .
خلصنا ؟ ؟. .

لا تو الناس . .

نروح لصندوق الأدوات . .
ونضغط "Standard Mode" . .
زي كذا . .



نشوف صورتنا . .
صار الجزء اللي ما كان مضلل بالأحمر , محدد . .
زي كذا . .



الحين نوح للصندوق اللي فيه الـ "Layers" او "الشفائف" . .
نلقى تحت زر . .
اللي هو زر "Add Layer Mask" . .
(طبعا بمجرد وضع الفاره عليه يظهر اسمه بصندوق اصفر)
زي كذا . .



اذا ضغطنا عليه , بيطلع مربع اسود وابيض , شكله مثل الشكل المحدد بالصوره جنب كلمة "ريشه" . .
ما علينا من كل هذا . .
نروح لصورتنا . .
نلقاها صارت زي كذا . .



وخلاص. .
هذا اللي نبي نوصل له . .


وعليكم التطبيق . .

-----------------------------------------------------------------------------------------

هذا تطبيقي المتواضع . .
طبعا اي كلام , بس عشان اوصل لكم الفكره . .





واعذروني على سوء الشرح , واي سؤال انا حاضر. .

مشكور
الدرس حلو
ومفيد

الصور مب ضاهره

يعطيكم العافيه على المرور . .
اختي سوي تحديث للصفحه وانشالله بتظهر . .

يعطيك العافيه اخوي على الشرح

والصور ضهرت

مشكورة اخي على الدرس الرائع...

إنشاء الله إذا قدرت اسوي تطبيق...

الله يجزاك الجنة...

بسم الله الرحمن الرحيم
رائع جدا جدا
بارك الله فيك وتستاهل وسام التميز.

ادور هالدرس من زمان

جزاك الله خير

مذهل حقاً !

بارك الله فيك أخي الكريم

ماتظهر الصور