عندك بنطلون جينز قديم؟

السلام عليكم و رحمة الله و بركاته

اخواتى الكرام

انا بقى كنت برتب الدولاب بتاعى و لاقيت بنطلون جينز قديم
وفضلت افكر اعمل فيه ايه....
و بعدين فكرت ان كلنا طبعا بنحتار نرتب الايشاربات بتاعتنا ازاى فجاتلى الفكرة دىىىى


حامل للأيشاربات من الجينز و الكروشيه


اولا جبت البنطلون و قصيت رجليه من تحت الحجر

ثانيا ثبت اول رجل فى شماعة بالشكل دة




ثالثا قصيت الرجل الثانية الى شرائح و زينتها بالكروشيه من الاجناب



رابعا قسمت كل شريحة الى اقسام لوضع الايشارب و ثبتهم كدة



و دة شكلها من قريب من فوق و من تحت





و دة شكلها بعد لما حطيت الايشاربات فيها



و طبعا ممكن تكررى دة فى الخلف كمان بنفس القماش او بالكروشيه و ممكن تضيفى جيوب للأكسسوارات و الشرابات


يا رب تكون عجبتكوا



تحياتى

منى

ماشاء الله عليكى يا منى والله فنانة ومبتكرة
وفعلا عندك حق وممكن كمان انا اعملها للشوربات علشان الولاد علشان تبقى مع بعض
تسلمى وتسلم ايدك

شكرا يا غادة ربنا يخليكى
اه فعلا و معندكيش فكرة دى وفرت مكان فى الدولاب و شكلها مرتب اوى
انتى عارفة هرجله الايشاربات و الشربات
ان شاء الله تنفذيها احسن من كدة كمان.

رووعة فكرة مذهلة تسلمي تحياتي لك

عن جد فكرة مبتكرة وروعة
يعطيكي الف عافية يارب

الحاجة أم الإختراع

متشكرين أوي ياحبيبتي على الفكرة الحلوة

رائعه وفكره جميله سلمتى من كل مكروه

الفكره والتنفيذ روعه .... بارك الله فيك

ماشاء الله عليكى بجد انت فناااااااااااااااااااااانه مبتكره
جزاكى الله كل خير يارب

رووووووووووووووووووووووعه يا مانشووووووووووووو
بجد تسلم دماغك وايديكى
فكرة عمليه جداااااااااااااا