السلام علكيم الغاليات

امس كنت منزلة هالموضوع ,,

http://www.lakii.com/vb/showthread.php?t=500600

وتلبية للرغبات وتمنياتي للجميع بالاستفادة حبيت انزل درس عن كيفية صنع مثل هالعلب ,,

******************************

والسموحة لو كانت الصور مب واضحة بس لان الموبايل وحليله من كثر الطيحات خرف :bad:

واكيد انا جاهزة لاسئلتكم وملاحظاتكم وانتقاداتكم البناءة وشكرا مقدما على تعاملكم الطيب :001:

طريقة العمل :

اول شي نرسم خمس مربعات بهاي الطريقة ,, واحسن شي للمبتدئين انهم يرسمون المرب اللي في النص ومنه يكملون باقي المربعات اللي على الجوانب ,, القياس تقريبا ( الطول في العرض = 4سم * 4سم )



***************

ثاني شي بنفس الطريقة اللي في الصورة ( تحت ) نرسم على جوانب المربعات المكان اللي راح نحط فيه الصمغ عسب نقدر نلصق المربعات ببعض ان شاء الله



المسافة تقريبا من نص سم الى واحد سم يعني حسب شوفوا المناسب وسووه ان شاء الله ..

******************

ثالث شي نحدد نقطة المنتصف في كل مربع وبما ان قياس المربعات عندي 4 سم العرض فالمنتصف يكون عن 2سم ان شاء الله ,,

ننزل 1سم من نقطة المنتصف لي تحت وفي خط متوزازي للخط اللي فوق نرسم خط طوله 2 سم بنفس الشكل اللي في الصورة ,, ( تحت )

فوق في الخط الاساسي من كل نهاية طرف نحط نقطة بعد نص سم عقب نوصل بني كل نقطة والخط الثاني اللي رسمناه مثل الشكل اللي في الصورة ونسوي نفس الشي في باقي المربعات اللي على الجنب اما المربع الوسطاني هذا القاعدة طبعا ما تسوون فيه شي

في الخط الثاني اللي رسمناه نحدد عليه نقطة المنتصف وننزل تحت تقريبا 1 سم ورسم مربع قياسه ( الطول في العرض = 1,5 سم ) انا كاتبه اسم بس هو المفروض 1,5 السموحة وفقط في مربع واحد لان في هالمربع راح ندلخ مسكة المبخرة عقب



***********************

نرسم مرة ثانية خمس مربعات بنفس الطريقة الاولية بس القياسات تكون مختلفة ولكم مطلق الحرية تكون اكبر اصغر بكيفكم حسب ما تحبون ,, بالنسبة لي سويت القياس ( الطول في العرض 3,5 سم * 3.5 ) عقب في الصور بتلاقون مكتوب 3 سم بس ها غلط هو 3.5 سم

لكن لا تضيفون المكان اللي بنحطي عليه الصمغ بس رسموا الاخمس مربعات وبس

*************************

عقب ما رسمتوا الخمس مربعات .. ومثل ما قلت لكم الطول في العرض عندي كان 3,5 نضيف على عرض المربعات الاربعة من فوق بس 1سم من كل طرف يعني يصي عندكم 3,5 + 1+ 1 =5,5 سم عرض كل مبربع من فوق شرات الصورة ( تحت ) واكيد نفس الشي تسوونه في باقي المربعات الثلاث ,,



بعد ما تخلصون لا تنسون ترسمون على الجوانب الاجزاء شرات المربع الاولاني اللي راح نصمغ فيه الطراف بعضها ببعض

*************************

عقب وفي مربع واحد بس مو مشكلة اي مربع المهم مب القاعدة طبعا نحسب نص عرض المربع من فوق ونحط نقطة وننزل 1 سم ونرسم مربع صغيرون مساحته شرات اللي في المربع الاول 1,5 سم * 1,5 سم شرات الصورة ( تحت )



*************************

الحين يا دور مسكة المبخرة وهاي اسهل شي ترسمون مستطيل طوله 7,5 سم ليش واشمعنى 7,5 سم لان طول المربع الاول 4 سم + طول المربع الثاني 3,5 سم = 7,5 سم بس لو تبون اقل او اكثر براحتكم لكن ها الطول احسن يوم تمسكونه عقب اسهل واريح

والعرض يكون 4 سم ليش 4 سم لان المستطيل له اربع اضلاع ونحن نبا عرض كل ضلع منه المفروض يكون 1 سم ..

عقب ما نرسم المستطيل شرات الصورة ( تحت ) على جانب واحد من المستطيل المكان اللي راح نحط عليه الصمغ عسب نلزق المستطيل مع بعض

اما على طرفي المستطيل من ناحية العرض نضيف تقريبا 1,5 سم من كل طرف شرات الصورة ( تحت ) وتكون مساحتها كالتالي الطول 1,5 سم والعرض 1سم وليش الطول اكثر من العرض لان هاي هي المساحة اللي راح ندخلها في المربعات الصغيرونه اللي سوينها قبل في الشكلين الماضيين عسب نثبت مسكة المبخرة بطريقة انيقة وحلوة واهم شي بطريقة ثابته تكون معاها ,,,



**************************

واخر خطوة نقصص الثلاث اشكال بهاي الطريقة وانتبهوا عن تغلطون في القياسات او شرات ما صار وياي للاسف المقص عندي ما شاء الله يديد وصحته قوية وكان راح ينقع لي الرسم كله بس تداركنا الموضوع



بتلاحظون ان في ناحية مب مقصوصة لان المقص قلت لكم نقع لي الرسمة بس الحمد لله مرة على خير بس انتوا طبعا تقصون عادي

نتابع في الرد الثاني ان شاء الله ..


>>>


>>>

>>>

يتبع >>>>>>>>>

تابع الدرس :

هاي شكل الورقة المقواه الخاصة بصناعة العلب بعد ما قصينا عليها اشكال الباترونات السابقة



*******************************

سوري سوري من وزد وناستي بالشغل نسيت اصور لكم هالخطوة عموما هي ان شاء الله سهلة ,,

وهي خطوة تلزيق الاطراف ويا بعض في كل شكل وين الزيادة اللي خلينها عسب نحط اللزق عليها نلصق عادي ..

مسكة المبخرة نلصق عادي ويطلع عندنا مستطيل له 4 اوجه ومفتوح الاطراف و الخطوط اللي رسمناها على الزيادة من كل طرف الـ 1,5 سم نقصصها بيصير عندنا اربع مستطيلات صغيرة يعني شرات ما نقصص الاوراق وتطلع عندنا شراشير :sheer:

******************************

عقب نييب اول شكلين ومن وين القاعدتين نلصقهم في بعض نفس هالشكل ( تحت )




**********************

ونييب مستطيل المسكة وشوي شوي ندخل اطرافه المشرشرة :sheer: داخل اول مربع ( وننتبه يوم نلصق المربعين فوق بعض ان المربعين يايين في نفس الاتجاه ) ونلصقه بها الشكل ( تحت )



*************************

والطرف الثاني في المربع الثاني اللي تحت شرات الصورة ( تحت ) وعلى فكرة عسب تقدون تدخلونه بسهولة لازم المستطيل وحليلة ينعفص من النص شرات الصورة القبلية عقب تركيب كل الاجزاء يعني عادي مو مشكلة ,, واكيد نفس الشي نلصق ..



**********************

ولأنكم كنتوا طالبين مني اراويكم الشغل بعد التزيين صراحة حاولت ازين بس بطريقة بسيطة لاني مب وايد شاطرة في التزيينات الصراحة بس ان شاء الله يعجكم

ها الشكل النهائي ...



********************

ان شاء الله يكون الدرس مفهوم والطريقة سهلة ,, واي استفسارات .. انتقادات ... ملاحظات .. حياكم ::ang:: والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

انا بدرس بالخطوات وبحاول افهم
شكرا لك غاليتي

بارك الله في جهودك
واشكرك استجابتك لطلبنا

دمتى مبدعه

كتبت بواسطة لبنانية بجدة

انا بدرس بالخطوات وبحاول افهم
شكرا لك غاليتي

السلام عليكم الغالية

ان شاء الله تفهمين فديتج ولو في اي شي صعب عليج خبريني وان شاء الله اقدر افهمج اكثر عنه ,, والله يوفقج وييسر لج الخير ان شاء الله دنيا واخره

@ اختكم في الله @

ام ناصر

كتبت بواسطة Rana363

بارك الله في جهودك
واشكرك استجابتك لطلبنا

دمتى مبدعه

السلام عليكم الغالية

الله يبارك بحياتج ان شاء الله ,, تسلمين حبيبتي,, والحين ان شاء الله ببدأ في الدرس الثاني الخاص بالشكل الثاني من المباخر في الموضوع الماضي ,,

والله يوفقج وييسر لج الخير ان شاء الله دنيا واخره

@ اختكم في الله @

ام ناصر

جزاكى الله خيرا على الابداع
نورتى الركن بتواجدك بيننا

شكرا عزيزتى عمل جميل ومجهود اجمل
الله يعطيك الصحه

السلام عليكم الغاليات

مشكوووووووورات على تواجدكم المميز في الموضوع ,, وان شاء الله دوم اكون عند حسن الظن فيني والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

ما شاء الله عمل رائع
تسلم ايدك ياقمر
بارك الله فيكي ...دمتي مبدعه