ليلة الحنة عندنا هنا فى مصر
بتكون ليلة جميلة جدا
فالفرحة بتكون فى البيت كله


و طبعا بتكون ليلة مميزة لكل عروسة
فى الليلة دى بيجتمع اصحاب و صديقات العروسة و اقاربها و جيرانها و معارفها من البنات و النساء و يحيطوا بها و يغنولها الاغانى الشعبية المرتبطة بهذه الليلة و الموجودة فى الفولكلور الشعبى عندنا
و خاصة اغنية

يا حنا يا حنا يا حنا يا قطر الندى


و بيتم تقديم الضيافة للمدعويين من الاكلات و المشروبات
و بتختلف انواع الاكلات من عائلة لاخرى
منهم ما بيستعد لاعداد الطعام قبلها بليلة
و بيكون الاكل ( بيتى ) يعنى من صنع ايديهم
و منهم مابيشترى الاكل جاهز من المطاعم
و منهم ما بيكتفى بتقديم بعض الاكلات الخفيفة مثل المعجنات الجاهزة


و بعد ذلك بتحمل ام العروسة صينية عليها الحناء
و بيختلف طريقة وضع الحناء على الصينية
فممكن وضعها داخل الصينية بشكل عادى او من الممكن صنع منها بعض الاشكال

و الصورة دى انا مصوراها بنفسى
كنت فى حنة واحدة معرفة
و بجد عاجبنى طريقة وضعها







و زى ما ظاهر فى الصورة كدة
تم تزيين االصينية بفرع من الزرع الاخضر الزينة
و الزينة الملونة
و اللى موجود على الحنة دة بيبقى صابون ملون مبشور
يوضع على الحنة ليعطيها منظر جميل
و من اعلى يتم وضع الشموع الملونة


و دى صورة اخرى
مصورها بنفسى فى حنة تانية
و هنا تم تزيين الصينية بالبالونات الملونة












و فى بعض العائلات تقوم بتأجير سيدة سودانية
تأتى لتحنية العروسة و البنات الموجودين
وترسم لهم النقوش بالحنة
بس دة مش بيحصل فى الغالب
لان هذه السيدة بيتم تأجيرها بمبالغ عالية








تابعونى

الحنة ممكن عمل منها نقوش على الجسم و ممكن تكون حنة للشعر
و لكل منها ادواته الخاصة





طريقة عمل قرطاس الحنة








و دى بعض اشكال و رسومات للحنة
و فى رأى الشخصى
كل ما كانت الرسمة بسيطة و رقيقة كل ما كانت أجمل و أشيك











أتمنى يكون الموضوع عاجبكم ان شاء الله

ما شاء الله
موضوع رائع يا غدغودة ياقمر

موضوع رائع جدا
اول صورة فكرتها تورته لما شرحتيها فهمتها
شكرا لك

موضوع جميل ومنسق غاليتى
وفكره التورته الحنه فكره رهيبه
بارك الله فيك

جميلة جدا اختي غدغودة الله يعطيك العافية

رائعة ماشاء الله عليك الله يفتح عليك غدو

جميل جدا..... وعقبال كل البنوتات يارب....

ما شاء الله موضوع في منتهي التميز والابداع
تسلم ايدك يافراشه المنتدي
بس ممكن اضيف حاجه ليوم الحنه
ممكن العروسه تتفق مع اقاربها واصحابها انهم يلبسوا لبس معين
ويعملو شو جميل مع بعض مثلا ( يلبسوا جلبيه نانسي وعليها المنديل او يلبسوا مثل جزر هواي الي عباره عن قبعه من الورد والجيب القصير او مثلا زي قريبه لي عملتها لبست بدله رقص ولبست الجلبيه ولبست الملايه اللف والبرقع كانت كل شويه تغير فكان شو يجنن واتفقت معانا اننا نلبس لبس معين فكان في منتهي الجمال )
فده يعطي شكل من التغير للحنه بس طبعا بنات بس
عقبال كل بنات المسلمين اجمعين يارب وانا معاكم

جزاكي الله كل خير

ما شاء الله موضوع جميل جدا وبالنسبه للحنانه السودانيه بالنسبه لي مثلا مش هتكون ازمة عشان أهل بابا سودانين يعني ان شاء الله مش هتكلف كتير والدعوة عاااااامه وهتبقى لمه بس ادعولي ربنا يعجل بالخير وعقبال كل البنات ...جزاك الله خيرا..