السلام عليكم ورحمة الله وبركاته...
كيفكم يابنات؟ أخباركم إيه؟
راح أدخل لكم ألحين في الموضوع...
أنا المفروض ألحين مو بصف 2متوسط المفروض إني ألحين مخلصة الثانوية هذي السنة لكن عشان ظروفي ماسمحت لي أكمل وقفت ثلاثة سنوات من الدراسة وبعدين رجعت أكمل وألحين طفشت من الدراسة أبغى أدرس في التحفيظ ولكن لأستطيع لأن ماما بتقولي خلصي 2متوسط وبعدين أدخلي 3متوسط وبعدين بعدما تخلصي من المتوسط خلاص لاتكملي دراسة ولسا مشوار ييني ويين سنة 3متوسط لأني أنا ألحين عايدة سنة 2متوسط وأقول لأمي أبغى أبطل وحجلس أحفظ القرآن أزين لي راحت قالت لي لا كملي إلين ثالث ياليت يابنات تقولوا لي على طريقة تقنع أمي إنها تخليني أبطل من الدراسة
وبعدين أحس ثاني متوسط صعبة مررررة
ياليت يابنات اللي تدخل موضوعي تقول إش أسوي..
وجزاكم الله الجنة أجمعين ...

والله بعض الأحيان أبكي عشان ماأبغى أكمل

وقولوا يابنات جدة على تحافيظ مدارس عشان أروح لها أزين لي
أهم شيء تكون جميع الدروس عندهم عشان أتخرج من عندهم بسهولة..

يابنات الله يخليكم أنا أبغى المشكلة هذي تنحل

وياليت إلي ساكنة في جدة في الجنوب تقول لي على مدارس زينة بس تكون مدارس تحفيظ

الله يهنيها وبسعدها الي تقول لي على مدرسة تحفيظ..

يا قلبي أنت ليه ياشذى ماتكملين على الأقل المتوسطة

بعدين صدقين مامتك تبغالك الخير

والله أنا زيك قسماً بالله منجد ما أحب المدرسة

بس لمن فكرت بعقلي قلت ليش أنا أقل من الناس

وإذا قصدك عشان تحفظين قرآآآن ترى هذي مررة سهلة

أدخلي التحفيظ في العصريا قلبي

وأنا أقولك أسمعي كلام مامتك أحسن لك وشدي حيلك

والله يوفقك ويكتبلك اللي فيه الخير

ويسهل لك دراستك ,أن شاء الله تكملين دراستك وتتخرجين من الثانوية بعد مو من المتوسطة

أتمنى أكوون أقنعتك يا قلبي

أتمنى أكون رفعت من معنوياتك شوية

أختك البسمة المنيرة

البسمة المنيرة
جزاكِ الله خيراً
لوسمحتِ هل إنتِ من سكان جدة ؟
وهل تعرفي مدارس تحفيظ كويسة ؟
إذا عندكِ أفيديني والأخوات الله يساعدهم إذا عندهم يفيدوني ..
وشكراً لكِ يالبسمة المنيرة على الرد..

والله يا قلبي أنا من سكان جدة بس

بالنسبة للتحفيظ والله ما أقدر أفيدك لأني ما أعرف تحفظ مررة راااااااااائع

أتمنى أن تعذريني

تحياتي

أختك البسمة المنيرة

شكراً لكِ

أنتظر إجابات الأخوات لعلي أجد منهم الإجابة ..

السلام عليكم
اهلا اختي شدى الجوري
ليش هبيبتي تبغي تبطلي الدراسة
يعني اذا انتي مكثتي في البيت شو رح تسوي
رح تندمي بعدين اختي و يا ما ناس مانو مثلك بطلو و بعدين ندمو انا اعرفهم و الله العظيم
بس ندمو يوم لا ينفع الندم
فكري منيح اخيتي و حاولي انك تشدي الهمم
ما في شيء صعب على الانسان طالما هو متوكل على رب العالمين
ادعيه لكي تنجحي
و بعدين حفظ القران مش مشكلة
يمكن تدرسي و تحفظي القران في نفس الوقت
و الله مو صعبة يعني هذه تجربتي انا شخصيا
بس اسمحيلي ما اعرف اماكن تحفيظ لاني لست من السعودية انا من الجزائر
اتمنى نسمعي نصيحة امك فهي اكيد تريد لكي كل الخير

اختك الفقيرة الى الله امة الله من الجزائر الحبيبة

جزاكِ الله خيراً..