::
::
السـلام عليكم ورحمة الله وبركـاته
مسـاكم شعر > لاعاد تتابعين شاعر المليون تكفين
بما أن الجو متكهرب حالياً ..وكلـ(ن) خنت حيلي متشبث في كتابه < طبعـاً أقصد البنات أمـا العيـال
ماظنتي >على بـالهـا كلن مثل أخوانهـا
وبمـا أن الحوار هالسنه ماصلحوا شي عن الإختبارات قلت بما أنني فاضيه أسد ثغره وأتفلسف شوي
<< بس بالله وش رايكم فيني وأنـا أقول أسد ثغره .؟ تحسون أني مثقفه
حبايبي .. ,
أيـام الإختبارات ولياليها وسـاعاتـهـا ودقايقهـا وثوانيهـا <مسكت خط
أحـس لهـا طعم ونكهه غير
على أنتس تروحين مواصـله ومن زود التعب والإرهـاق تحسين أن عروق عيونتس جايهـا شد عضلي << لاعـاد تشبهييين تكفيييين
بس مع هذا طعمهـا غير وعرعر غير على قولة خلف بن مشعان
< مالهـا دخـل أدري
وتكثر فيهـا الأكشـنـات والطقوس الغريبه
أنـا عني كنت أطول أظافري أيام الإختبارات
عشـان أتسلى فيهـا اذا خلصت الأسئله ( آكلهـا ) << الله يقرفتس براااااااااااااااااااااااااااا
لا وكله كوووم واذا اكلتي المراقبه بعيونتس كووم والله من جد الله يعينهن ..
.! <حتى النمش اللي في بلوزتهـا تطلعينه من زود التدقيق
وتمر لحظات الإنتظـار في القاعه وأنتِ على أحر من الجمر .. مستعجله على جمعة خوياتس هذي جايبه قهوه والثانيه حـلا والثالثه ترمس نعناع والرابعة حلاو بقر
والخامسه ( بفك
)ومو بعيده وحده منهن جايبه حزمـة كراااث << يـاحـلاااوة الجلســـه
لكن تتفاجأيـن اذا طلعتي واكتشفتي أنهم فتشوا هاللي مايستحون على وجيههم ( الإداره ) وخذوا كل هالعزبة
إلا عـلى طـاري البفك أبي حد يفتيني أنـا أبوي أعطاني بفكين (جمع بفك
) قال واحد منـهم اعطيه شهد ( أختي الصغيره ذات السبع سنوات وفي روايه سنين ) وأنـا صراحتن ماقاومته أكلتهم ولاعلمت شهد وربي أحس بطني يوجعني كل ماتذكرت أني أكلت مال حرام
أفتوني يانـاس
خخخخخخخخخخخخخخخخخخخخخخخخخخخخخخخخخخخخخخخخخخخخخ خ
الروابط المفضلة