السلام عليكن حبيباتي
لك الحمد ياربي كما ينبغي لجلال وجهك وعظيم سلطانك
الحمد لله بكرم ربنا وفضله ومنته عليا انا ولدت وجبت احلى حاجة في حياتي وهي
أبي(بضم الالف وفتح الباء) ولجين(بضم اللام وفتح الجيم)
وده بمعجزة من عند ربنا لأني لما وصلت لآخر التامن كان الضغط عندي علي شوية واليوريك اسيد زاد فالدكتورة قلقت وقالت اخاف استنى اليوريك اسيد يزيد اكتر وممكن يعمل تسمم حمل لاقدر الله فحستنى بس تدخلي التاسع واولدك ان شاء الله عشان احسن الاطفال ينزلو بدري شوية وصحتهم كويسة احسن ماينزلو في معادهم وصحتهم فيها حاجة لاقدر الله............ودخلت المستشفى بعد مادخلت يومين بس في التاسع وده كان قبل العملية بيوم عشان احجز مكان واولد تاني يوم ان شاء الله وفضلو يقيسولي الضغط كل شوية وكان معقول الحمدلله..............واذ فجأة يعلى جدا وادوني ادوية وبرضه عالي مش عايز ينزل وكل ده والدكتورة متابعة معاهم بالتليفون وتقولهم يعملو ايه بالضبط........وولدت تاني يوم الصبح وجبت احلى واغلى حاجة في حياتي..........
فسبحان الله لو كنت اتأخرت يوم واحد كان ممكن يحصل حاجة لاقدر الله.......لك الحمد ياربي كما ينبغي لجلال وجهك وعظيم سلطانك..........
جزى الله خيرا اختي تاما اللي بتطمن عليا باستمرار وتبلغكم اخباري وتطلب منكم تدعولي.........ربنا يقومها بالسلامة هي وكل اخواتي هنا في المنتدى وعقبال الجميع ياااااااااااااااااارب............
(ياريت تقولولي رأيكم في الأسماء)
الروابط المفضلة