السلام عليكم ورحمة الله وبركاته
طبعا إحنا كلنا لسه طالعين من رمضان ولسه جوانا شحنه إيمانيه والحمد لله فياريت اللى همتها ضعيفه مثلى تنضم لينا ونشجع بعض على العمل الصالح والإستمرار فيه ونتبادل الأفكار اللى تعلى همتنا بس بشرط بالتدريج يابنات عشان أهم شئ الإستمراريه ومش مهم الكم واللى تدخل معانا لازم تتوفر فيها هذه الشروط واللى ما تقدر لا تدخل معانا
1- التخلص من صفة الغل والحقد والحسد وإستعينى بالله
2- التخلى تماما عن شرح ووصف مشكلاتك الزوجيه عالنت وإذا كان ولابد وحاسه نفسك متضايقه فيكون ذلك عن طريق الرسائل الخاصه مع بنت انتى تثقى فيها
3- اللى هتدخل معانا لابد وأن تكون أمينه وصادقه مع نفسها ومع غيرها من الأخوات ولا تتحدث عن أى أخت من الأخوات لا عالعام ولا الخاص
4- إياكى والغيبه والنميمه على الأخوات واحرصى دائما على ان تكونى ذات نيه صافيه محبه للخير للجميع بدون استثناء
5- عدم الكلام فى أحاديث جانبيه تخرجنا عن الموضوع الأساسى وهو كيفيه الوصول إلى الجنه
6- كونى عونا لأخواتك إذا طلبت منك المساعده ولا تمنى عليها بعد ذلك بمساعدتك إياها واعلمى انك تتاجرين مع الله وأن الله رقيب عليكى
7- التخلص من العقد النفسيه قبل ماتدخلى معنا مثل الكبر والعياذ بالله والتفاخر وإعطاء النفس أكبر من حجمها
8- لاتبخلى بأى معلومه ممكن تفيدنا فى تحقيق هدفنا
9- الإشتراك لكل الأخوات المسلمات من جميع الدول العربيه
10- الإشتراك غير موقوف على فئه بعينها ولكن حتى اللى مش محجبه وعندها همه لبس الحجاب بس محتاجه تشجيع تدخل معانا فورا بدون تردد
وأخيرا أتمنى من الجميع الإشتراك لما فى ذلك من الخير الكثير الذى سيعود علينا بالنفع إن شاء الله ونرجو من الله أن يتقبل هذا العمل منا يا أخوات خالصا لوجهه الكريم
الروابط المفضلة