نبدأ نتكلم عن أول يوم رمضان
فى العاده اول يوم رمضا بتكون الاسواق مزدحمه وبتكون العائلات كلها متجمعه على سفره واحده واهم ما يميز مائدة الافطار المصريه الخشاف وهو عباره عن بلح ومكسرات واراسيا يعنى بيكون شامل الياميش واغلب المصريين بيكونو اول يوم رمضان عاملين محشى او كفته وطبعا طبق السلطه والمخلل ضرورى جدا مع الافطار واكيد اللحمه طبعا ولازم يكون كل بيت مصرى فيه كنافه او قطايف وبتكون الشوارع ممتلئه بموائد الرحمن ولما بيضرب مدفع الافطار بتلاقى كل الاطفال فى الشارع بيفرقعو صواريخ وبمب ولما الاذ1ن يأذن بيكون الشارع فاضى الا من بعض الناس القليله التى لم تستطيع الوصول لمنازلها قبل الأذان واحلى حاجه فى مصر ان اى حد بيجى يزعق او يتخانق مع حد الناس كلها بتتجمع ويقولهم رمضان كريم وحصل خير وبيتصالحو علشان فضل شهر رمضان وبعد الفطار طبعا بيبدأ المصريين فى الذهاب لصلاة القيام وبتكون المساجد ممتلئه بالمصلين وبعد الصلاه الاصحاب يبدأو يتجمعو ويقعدو يقرأو قرآن أو يشوفو تفسير بعض الايات وساعة السحور بيجى المسحراتى اللى طبعا كل الاطفال بيستنوه بالفوانيس علشان يمشو معاه
وكمان فى حاجات كتير فى مصر ومظاهر جميله للاحتفال بشهر رمضان
فى انتظاركو يا مصريات
تابعونا
الروابط المفضلة