السلام عليكم كيف حالكم واش راكم ....لكم اشتاق أيكم و أثوق لمواضيعكم أفتقدكم و الله .


واشنو نسيتوني ...

أنايا ....ناعو ..جيت نطل عليكم ..مرحبا بيا يويويويوييييي كاش قطوات ....كاش جديد قالولي الاخت نسرين دايرة حالة بالجديد .....تحياتي لها بالتوفق
لا أجد الكلمات التي أعبر فيها عن مدى شوقي لكم و عن مدى حزني بعيدة عنكم ...
بنات كل واحدة بأسمها ....كلكم توحشتكم بزااااااااااااااااااااااااااااااف و ربي عالم
حالتي حالة سماطة بلا النت و الفراغ قاهرني و الوحدة معدبتني بصح عايشة و الحمد لله... و تمر الايام
اليوم درت التحاليل ...مش حامل ما تطمعوش هههه تحاليل الغدة الدرقية عادي راني مليحة و انتهزت الفرصة جيت للسيبر نسلم عليكم
نورة ألف مبروك الشفاء و الله لما خبرتني أمال بكيت من الفرحة حبيبة قلبي
نشكر أمال شكر خاص لأنها دائمة التواصل معي بالهاتف و تنقل لي أخباركم و الأخت زينب و المخضرمة و لاميس لي نساتني مع الأول كات تبيبي و درك التمسمير قتلها علابالي التروسو ههه الله معاكم
نسرين مريامة أم بتينة زمرد الأوراسية لوليا لاميس المهاجرة الشمس المنيرة نورة لينا العزيزة كلكم.........ما نسيتكمش .....كامل كامل
الله يطلعكم يا حوامل بخير و الله يزوج العازبات و الله يرزق المحرومات و لي يحوسو على خدمة ربي يفتح البيبان في وجوههم و المتغربات ربي يرجعهم لبلادهم بخير و مبروك على سلمى الزواج و الله فرحتلها بزاف ....و المريض ربي يشافيه أنتم نعمة الأسرة أحبكم أحبكم بالاك كاش نهار نرجع راهي الدعوة معلقة و راني ديما نسأل عليكم و ندكركم و الله وا شنو مش كما كي كنت معاكم بصح علاش ما لقيتش عنوان ما حليتوش بيت وين راكم ....
هيا سلامي ليكم حبي و وفائي نواعم التي لا و لا تنساكم أبدا ....أمممممممممممممممممممممممممممح بوسة كبيرة لكل من تقرا هدا الموضوع...

شوفو البنات راني في السيبر و الحشمة قاتلتني ...راني شريت الخبز و السردين و التشينة هههه السردين داير حالة بالريحة راني رايحة عند لوستي و العشية نولي لداري توحشتكم بزاف بزاف
راجلي يتمسخر بيا يقولي هدا الشهر نرجع النت ....وعود كادبة يسكتني برك راني نهار طول ساكتة
قتلني الروتين يا جماعة إيه يا دنيا ديما في بالي علابالكم
لينا واش راكي حبيبتي أمال تبلغني سلامك ليا توحشتك يا ببونة و الله ...
واش نقوللكم
تهلاو في روحكم راكم كاملين في بالي
نحبكم بزاف

راكم راقدين ..........نوضو ....علاش علاش.....ماكاش حتى واحدة....
يا خسارة
المهم تهلاو في بعضاكم.....
السلام عليكم في الملتقى بإدن الله....

اهليييين نا عاو
سعداء نحن بعودتك رؤغم انك نسيتينيس احنا عمرنا ما نسيناك
البيت انتاعنا راه رجع في ركن الالعاب والترفيه
عودة ميمونة
وان شاء الله دايمة

وعليكم السلام يا اخت ناع و