صباح الخير يا خواتي العزيزات
طبعا أنا عارفة إنه هذا المكان مو مناسب أقول فيه كلامي وإنه أم سهيل يمكن تنقله بس قلت معليش لأنه الكلام موجه لكم يا أحلى خوات
جاني عتاب من بعض الخوات العزيزين علي بإني ما صرت أسأل عنهم وإنهم كانو مجرد صديقات لفترة معينة وانه وانه وانه (طبعا هي عارفة إني أقصدها ) وطبعا انا عارفة انها عاتبتني من محبتها لي
بس علشان أبين لكم مدى حبي لكم وعارفة إني مقصرة معاكم بس والله هذي ظروفي (شغل وزوج وبنت وماعندي مسنجر في الشغل) مع كذا بدخل لهذا القسم مع إني لا حامل ولارح أولد بس علشانكم والله بدخل ، علشان أتطمن على حبيباتي ، ومو صحيح إنكم صداقة عابرة ولو كان صحيح كان شفتوني انتقلت للأمومة والطفولة وأنا مابدخل هناك غير ملتقى تجمع الأمهات والباقي كله هنا ، فالعذر والسموحة منكم ولا تحسبوني قليلة أصل ، يعني إنه كان لي مصلحة وطلعت ، لا والله ، الله العالم قد إيش بحبكم وقد إيش أبغا أعرف أخباركم ، بس الخميس والجمعة من يومي حامل وانا قليل جدا أدخل المنتدى لأنهم أيام راحتي وبحاول أعوض بباقي الأيام.
وحتى والله نونة مشغولة مع اطفالها ، وبعض الأحيان بعرف أخبارها من هنا ، لكن هذي الحياة ومو معناها إنه قلة صداقتي أنا وهي لا والله ، يمكن العكس صرنا متماسكين مع بعض اكثر بس لكل واحد ظروفه وبرضو أبغاكم تعذروها لأنها مسكينة مو ملحقة
العذر والسموحة منكم يالغاليات ولا أبغا أحد يزعل مني وخصوصا إلي أرسلتلي الرسالة بعد ما سألتها عن سبب تغير معاملتها معي ، هذا أنا كتبت هالكلام علني علشان تعرف معزتها عندي وعلشان برضو ما أبغا أحد يزعل مني
حابة أبلغكم إنه هذا الشهر يمكن يقل دخولي لإني ماخذة اجازة عن الشغل وان شاء الله رح أسافر فاعذروني يالغاليات
أحبكم من كل قلبي والله العالم
وما بعد عتاب إلا محبة
الروابط المفضلة