بسم الله الرحمن الرحيم
السلام عليكم ورحمة الله وبركاته
دعواتكم أخواتي للطفل محمد ( عمره 10 سنوات )
أمس صار له حادث سيارة قوي جداً
أدخلته بغيبوبة .. ودخل العناية المركزة وبعدها توفى
محمد هو ابن جيراننا .. دايما يجي يلعب بنتي ولاء .. توه قبل يومين كان عندنا يلعب لولو بالمرجيحة .. ماني مصدقة انه خلاص راااااح
ما شاء الله عليه بيصلي في المسجد مع اخوانه الصغار كل الصلوات وحافظ فوق الخمس أجزاء من القرآن
قبل لا ينزل الشارع امه منعته من اللعب مع الأولاد بالكورة .. وطلبت منه يراجع السورة اللي حافظها قبل لا ينزل
وراجعها وسمعها لأمه .. وقالت له أمه روح ألعب ولما ترجع البيت حأسمعها لك ثاني
وراحوا يلعبوا قدام العمارة يعني الشارع مو خطير
بعدين قالوا يبغوا ينفخوا الكورة من محل بنشر .. وراحوا على الشارع العام
كان عددهم خمسة .. وواقفين على الرصيف عشان يقطعوا الشارع
وبعدين محمد استعجل وكان يبغى يقطع الشارع بسرعة
جري بيقطع الشارع بس كان في سيارتين مسرعاااات
طبعا السيارتين مسكت فرامل .. بس واحد قدر يوقف سيارته والثاني ما قدري وصدم محمد
طبعا من ساعتها ما تحرك محمد
كانت عيونه نازلة من دموع وخشمه في دم خفيف
وجات امه واخوانه في الشارع يهزوه ويكلموه .. بدون اي رد طبعا
جات الاسعاف واخذتهم .. وقالوا عنده كسر في الجمجمة
وحطوه في العناية المركزة .. وبعدها توفى
الله يصبر امه بس
أنا رحت لها ما قدرت اشوف ملابسه وكتبه وشنطته
تذكرت يوم يجي يذاكر ولا يلعب مع لولو
مو قادرة استحمل
ادعوا له وادعو لأمه بالصبر
امه حالتها تقطع القلب .. محمد اكبر اولادها
واخوانه الصغار يبكوا بكا يقطع القلب
دعواتكم
دعواتكم
دعواتكم
الله يصبرها يا رب
رد مع الاستدلال
[/CENTER]
الروابط المفضلة