بسم الله الرحمن الرحيم ..
.. السلام عليكم ورحمة الله وبركاته ..
بصراحة هذي المشاركة هي السبب الرئيسي لمشاركتي في المنتدى مع اني متابعة قديمة ومعجبة بالمنتدى ...
اتمنى منكم سعة الصدر .. وتقرون مشكلتي من البداية وتحاولون تستوعبونها وتساعدوني ..
المهم انا تزوجت في سن صغيرة .. وصار لي الحين 10 سنوات زواج .. خلال هالعشر سنوات صار عندي 3 اطفال وحاليا حامل .. وطبعا مع الاولاد الوحدة تهمل بنفسها اشوي .. بس انا اهملت بنفسي لدرجة كبيرة .. مع اني قبل كنت متابعة للموضة ..انا بصراحة اجمل وحدة في خواتي بس مبهدلة لدرجة ان خواتي ينتقدوني على هالشي ..
وبصراحة الشي هذا مو سببه الاولاد بس .. السبب الثاني اني ما ألقى اهتمام من زوجي بشكلي .. يعني اخذت لبس جديد والا لبست لبس عندي من 10 سنوات عنده نفس الشي .. غير اني لو لبست ( طبعا متسلفة الملابس من خواتي ) ما يبدي اي اهتمام .. والمكياج والذهب ما عندي منهم حتى قطعة صغيرة حالي حال المتزوجات .. كل شي ما عندي منه غير قطعة وحدة .. حذاء واحد .. شنطة وحدة .. وشيلة وحدة .. وطبعا اللون اسودكأني رايحة عزا ..
الا يضايقني اكثر ان الاهمال هذا واصل لاولادي .. صحيح نشتري لهم ملابس حلوة وكشخة ..نادرا .. لدرجة ان هالملابس تصير معدومة معدومة بكل معنى الكلمة وبعدين نشتري غيرها .. يكسرون خاطري ..
والانتقاد من اخواتي بالاخص شغالي على اهمالي .. دائما يقولون عني متخلفة وكل مسوية نفسي اقل من غيري ..المشكلة انهم ما يدرون عن وضعي المادي المأساوي
وسوء التنظيم الا يعاني منه زوجي ..
الحمد لله زوجي راتبه زين .. صحيح ان علينا قروض بس عندنا اجار يساعدنا .. لكن اهتمام زوجي بأشياء على حساب اشياء ثانية هو سبب المشكلة الاكبر .. يعني يهتم بمشترى الاكل وكأنه داخلين على مجاعة .. وما كفاه الديون الا عليه راح اشترك في جمعية بمبلغ كبير .. واذا اسأله ويش بتسوي في المبلغ اذا استلمته يقول ما ادري .. خل نعيش نفسنا الحين
ما لي مصروف شخصي ولا اولادي .. بس الاولاد ما يقصر عليهم .. واستحي اطالبه بمصروف لي .. اخاف يظن اني طماعة ومسرفة وما اراعي لظروفه .. بس هالوضع مضايقني ..
احس روحي اقل من غيري .. وتركت الزيارات لاني ما عندي شي سنع البسه ,, وما عندي فلوس اشتري هدايا لو كانت في مناسبة ..
احس شبابي وجمال بروح وبعدني في التبهدل .. خاطري اكشخ .. خاطري ألبس لو خاتم او سلسلة .. خاطري اغير شنطتي .. مثل باقي الناس ..
لا تفكرون اني طماعة اطالع الا احسن مني.. بس صدق الوضع مأسااااااة ..
انتظر تقترحون علي وتعطوني شوركم ...
الروابط المفضلة