السلام عليكم اخواتي في منتدى لك

ان شاء الله راح افتح موضوع اسمه قضيه للنقاش

يكون الموضوع يستعرض قضيه معينه من اختيار الصبايا

اللي عندها فكره او موضوع حابه نتناقش فيه في اي مجال
نشوف السيئات والحسنات وافكار جديده نصائح او فضفضه

حسب الموضوع المطروح من الموضيع اللي ممكن نناقش فيها

1- الفرق بين غلطة الشاب وغلطة الفتاة

هاد الموضوع الاول اخترته انا لما نخلص ان شاء الله منه اللي حابه تطرح شي جديد

تطرحه ونناقش فيه

لا تطفسوني يلا بدي اشوف رايكم في الموضوع وردود ساخنه

وتذكروا انه الاختلاف في الرأي ...لا يفسد للود قضية

بارك الله فيكي ام ادم للموضوع
فعلا شيق وجميل ان شاء الله يتفاعل الجميع معه

اهلا ام مالك ان شاء الله تشاركينا في النقاش

كتير انا وجوزي نتناقش في الموضوع هاد وبخليني اعصب

انه ليش غلطة البنت وصمة عار عليها وعلى اللي خلفوها

اما غلطه الشب هاد اذا اعتبرناها غلطه تعتبر روشنه ونه شب موديرن ؟؟؟؟؟؟؟؟؟؟؟؟؟؟؟؟؟؟؟

السلام عليكم
تسلمي حبيبتي ام ادم
لكن حبيبتي احنا كعرب هذه القضية بتلف
في دائرة مقفولة لاننا مهما درسنا وتعلمنا وتثقفنا
اصولنا العربية والاسلامية تحكم علينا انو البنت بنت والولد ولد
يعني الرجل لما بيغلط ما بيخسر ولا شيء
انا البنت اااااااااااااااخ بتخسر كل كل كل كل شيء
بحبكم في الله

يمكن لانه الاعتقاد السائد بين الناس انه البنت اذا غلطت لسمح الله رح يبين عليها
"وانتوا عارفين القصد"
لكن الشب بظل شب وما بتفرق عليه
بس طبعا هاد شيء غلط لانه مش هيك بتنقاس المسأله لازم نفكر بالدين والاعراف والعادات
يعني اذا بنت او شب الغلط بضل غلط والفضيحه على التنين

اهلا صبايا

هلاء شو عقاب الزاني )في الاسلام

وشو عقاب الزانيه مو نفس العقاب الجلد مئه جلده للغير محصن والرجم حتى الموت اذا للمحصنين

ليش نيجي احنا نغير العقاب

يعني البهدله واكم كف للشب والقتل للبنت وين العدل

طيب بلاش في الزنا متل ما قالت ام مالك لانه ببين عليها

مو بالضروره الزنا يا ام مالك

اي شي اذا صداقه على الانتر نت او صداقه بالجامعه او حب

اذا البنت عملت اي شي تعبر غلط وهوه برايي انا غلط لاني ما بسمح لبنتي بهيك اشياء

بس لييييييييييييييييش الشب مسموح له يعمل نفس الغلط

انا معك كمان بهذا الشيء
بس في كتير علاقات بالجامعات بتصير وخلينا نسميها" زماله"
بتكون جدا برئيه وفي اطار المسموح وطبعا وبكل صراحه لازم نعترف انه البنت هي الاساس
اذا سمحت للشب بالتمادي او كانت صاينه لنفسها وتربايتها جدا محترمه

والله موضوع رهيب
هيك مجتمعنا شو بدنا نعمل صحيح العقاب بالاخره واحد
بس بالدنيا في حدا بسال بماضي الرجال بسالو عنه وعن وضعه وبحكو خلص بكره بتزوج وبتغير وبتغاضو عن لموضوع
اما البنت بسألو عن ممشاها واذ صار ما صار بضلو يعايرها حتى لو اشي بسيط
وبضلهم يحكو الرجال ما بيعيبو الا جيبته
مع انو سوري( ديل الكلب ما بنعدل حتى لو حطو بقالب) الا قليل منهم

وينكم بشوفكم نمتوا
شو رأيكم نغير موضوع النقاش
ويكون سلطة الرجل في البيت لاي حد ممكن انها توصل
ومشاركته للقرارات مع زوجته

اعطوني رأيكم ؟؟؟؟؟؟؟؟؟؟

لكن حبيبتي احنا كعرب هذه القضية بتلف
في دائرة مقفولة لاننا مهما درسنا وتعلمنا وتثقفنا
اصولنا العربية والاسلامية تحكم علينا انو البنت بنت والولد ولد
يعني الرجل لما بيغلط ما بيخسر ولا شيء
انا البنت اااااااااااااااخ بتخسر كل كل كل كل شيء

كلام ام هباااااااااااااااااااااااااااش عين الحق

فعلا البنت بنت و الولد ولد و الله المستعان

يعني احنا لنا حدود

و انا سعيدة اني بنت مش ولد علي الرغم من الحرية للولد في كل شئ

بس حدود البنت بتغليها و بتخلها زي الجوهرة

و انا حابة دة


تسلمين