البيت الفلسطيني في الجمعة المباركة

**ام هباااااش** · 06-07-2007, 01:47 PM

السلام عليكم اخواتي في الله
يسعدني ويشرفني جدا انا اكون بينكم
يا رب تجعل جمعتنا مباركة على ذكرك يا رب

**ام هباااااش** · 06-07-2007, 01:50 PM

السلام عليكم
يا رب يكون الجميع بالف خير
معقولة اغيب يوم ارجع ما لاقي البيت؟؟؟؟؟؟؟؟؟
والله استغربت واتشغلت عليكم يا رب يكون المانع الخير
احبكم في الله
اعذروني هذه الايام بكون شوي مشغولة بس متى تسمح الفرصة
ادخل

موضوع البيت العادات والتقاليد في كل شيء
كل وحدة تبدي رايها
سوى السلبي او الاجابي وبكل سراحة

**جنة الطيور** · 06-07-2007, 02:37 PM

مرحبااااااااااااااااا يا وردو مبارك البيت
يا عمري كيفك شزو اخبارك ليه مبارح ما طلعتي انا كنت عم اقرا سورة الكهف وعم ادرج انا وولادي قلت ادخل اشوف مين موجود
كيفك وردة وحشتينييييييييييييييييي كتير شو اخبارك

**ام هباااااش** · 06-07-2007, 02:40 PM

اهلين حبيبتي
انا قراتها الفجر والحمد الله
انت كيفك والله وحشتيني مووووووووووووت
هذه الايام راح اكون شوي مشغولة مع زوجي لانو
راح يناقش رسالتو يوم 14 الشهر
ادعيلي يا جنة
والله ما صدقت لما شفت اسمك
حتى الاخوات في احد والبيت لقيتو مقفول
طمنيني عليك بالله

**ام أيهم** · 06-07-2007, 02:43 PM

هلا والله حبيبتي وردة وين هالغيبة ...
البيت هالايام صاير ممل وما في حدا بيفوت كتير ..
انتي مو موجودة ..وسيسي الله يسهل عليها ...
وأم صائب زهقانة .. ما في غير انا وام مالك ..
وام ادم .. ومرور سريع لباقي الاخوات ..
وام بلال عندها ضيوف..
أميرة امبارح اجت بس انا ما كنت موجودة ....
والعروس ندى امبارح عرسها الله يهنيها
ومين كمان ضل؟؟؟؟؟؟؟؟
اااه ام المجد بتطلطل كل وين ووين؟؟؟
هاي كل اخبارنا............
هههههههههههههههههههههههههههههه
التقرير خلص...
وردة لا تنسي اليوم الجمعة...

**جنة الطيور** · 06-07-2007, 02:43 PM

وردة كيفك كيف كانت عزيمتك والله يا وردة اليوم راح انفلج من ابني ما عم يحفظ سورة الاخلاص اتصوري مع انو زكي وبيحفظ كلشي الا هاي لما بدي خفظوا ياها بيدور على الف حجة شي تمي عم يوجعني وشي نعسان والله راح طق منه

وهدد بتسلم عليكون كتيييييييير واشتا قتلكون كتير بس الانترنيت عاطل عندها وعندها بنت حماها وزوجها
وبتقول لام ايهم تتصل فيها
وكيفك ياام ايهم وكيفك يام صائب وكيفك ياام مالك وكيف الكل وام ادم وام بدر

**جنة الطيور** · 06-07-2007, 02:45 PM

اهلين بوردة انا تمام الله يسرلو لزوجك هانت انت يارب الله يوفقه ويطلع تمام التمام يارب يا وردة
واكيد راح ادعيلك من كل قلبي
وانا تمام والله بخير وولادي ببوسوكي من هون ومن هون

ام ايهم عددتهون كلهون انا مو من العيلة لان هههههههههههههههههههههه
ام ايهم كيفك انا نسيتنيني مو عليكي خير

**ام أيهم** · 06-07-2007, 02:46 PM

هلا والله جنة شو وينك ؟؟؟
صحيح كنت بدي اسالك انتي وين بالمانيا هلأ؟؟؟؟
انا آسفة نسيتك من الاحصائية ..ينساكي الموت

**ام أيهم** · 06-07-2007, 02:48 PM

كتبت بواسطة جنة الطيور

اهلين بوردة انا تمام الله يسرلو لزوجك هانت انت يارب الله يوفقه ويطلع تمام التمام يارب يا وردة
واكيد راح ادعيلك من كل قلبي
وانا تمام والله بخير وولادي ببوسوكي من هون ومن هون

ام ايهم عددتهون كلهون انا مو من العيلة لان هههههههههههههههههههههه
ام ايهم كيفك انا نسيتنيني مو عليكي خير

والله آسفة وحقك علي حبيبة قلبي جنة انتي الاصل

**ام هباااااش** · 06-07-2007, 02:50 PM

اهلين حبيبتي رووووووووووووووز
والله انا مشغولة شويهذه الايام
ومشتاقة لجمعتنا كتير بس والله الدنيا تلاهي
ويا رب يجمعنا في الخير يا رب
كيفك انت وكيف البنات؟؟؟

جنة حبيبتي طولي بالك شوي
وبعدين باذن الله راح يحفظها
انت بس تعاليلو بطرق مختلفة
او سجليها ع الموبايل
واعطيه اياه هو راح يسمع ويكرر
وربي يهديه حبيبتي
اما العزومة الحمد الله والله كانت كتير تشرف
وانا من طبعي بحب الطبخ كتير الا الحلويات مو اصحاب انا وهي
ههههههههههههههههههه
يعني بالصدفة من فترة جربت تشيز كيك وطلعت طيبة
وسوتها تاني يوم العزومة ههههههههههههههههههه
انت شو اخبارك؟؟

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: البيت الفلسطيني في الجمعة المباركة

أدوات الموضوع

العرض