بسم الله الرحمن الرحيم

كيفكم وكيف احوالكم الحقيقه انا اول مره اشارك بموضوع فى هذا القسم
وبقالى فتره مش عارفه فكره ولكن لاقيت موضوع مهم خصوصا فى هذا الزمن الصعب
ان معظمنا ليس لديه طموح فى الحياه عايش وخلاص لا يسعى وراء اى نجاح سواء لاثبات ذاته او لاثبات انه قادر على النجاح لمن يعيشون حوله وللحقيقه انا واحده من هؤلاء
و لكنى الان عندى قدره وطاقه هائله عايزه استغلها ومش عارفه
وياريت تشاركونى وتكووووووووووون دردشه ممتعه
يعنى اتمنى ان اعرف ما هى دراستك
ماهو عمرك
ماهى وظيفتك
هل تحب وظيفتك ام انها فرضتك عليك كمصدر للمال لا غير
ماهى حالتك الاجتماعيه
ماهى طموحاتك فى الحياه
هل كان لديك حلم وتحقق
هل كان لديك حلم ولم تستطيع تحقيقه وهل يأست منه ام اشتدت عزيمتك على تحقيقه


طبعا الدردشه لا تقتصر على الاسئله السابقه ولكن يمكنك ان تقول ما تشاء
وشكرا لاهتمامكم

ولتكن منى البدايه
انا عمرى 24 سنه واعيش فى مصر فى المنصوره
وانا عازبه
خريجة كلية الطب البيطرى
لا اعمل ولكنى ابحث عن عمل منذ سنتين
اولا جربت انى اشتغل مندوبة دعاية فى شركة ادويه ولكنى لم احب المجال
فهو صعب جدا ولا يصلح للبنت خصوصا التاخير لان ساعات ممكن ينتهى العمل الساعه الواحده بعد منتصف الليل بالاضافه الى المضايقات
والصراحه انا وجدت نفسى مش لبقه وكمان خجوله نوعا ما
والان بحاول ابحث عن صيدليه اتدرب فيها وبعد كده اعمل فيها بالاضافه الى انى بعمل دبلومه فى التحاليل يعنى ممكن افتح معمل تحاليل

اما بالنسبه للحلم الذى لم يتحقق فانا كنت اتمنى ادخل كلية طب اسنان ولكن للاسف المجموع خذلنى<الحمد لله>
اما عن طموحاتى فانا اتمنى ان اكون ام فى يوم من الايام وان اجد عمل مريح استطيع ان انجح فيه واثبت ذاتى
وآسفه على الاطاله

أهلا بك عزيزتى vet_basbosa

ومرحبا بك معنا مفيدة و مستفيدة

راح أشارك بموضوعك اللطيف ولكن فى ركن الإخاء و الترحيب
بتكون الدردشة أحلى و أجمل...
تعالى معى إلى هناك

يعنى اتمنى ان اعرف ما هى دراستك
ماهو عمرك
ماهى وظيفتك

دراستى دبلوما علم الطفل المبكرة
عمرى مانى صغيرة ولانى كبيرة حرزى فزرى قديش يعنى؟؟؟
وظيفتى زوجة و أم وأخت فى غربة

هل تحب وظيفتك ام انها فرضتك عليك كمصدر للمال لا غير
ماهى حالتك الاجتماعيه

نعم أحبها جامد ولو إنى بتمنى آخذ إجازة بعض المرات
متجوزة مع بتقدير إمتياز مع مرتبة الشرف...

ماهى طموحاتك فى الحياه
هل كان لديك حلم وتحقق

طموحاتى فى هذه الحياة أن أرى أشبالى ملتزمين بالدين و الأخلاق
وأن يحسن ربى ختامنا
وأن يجعلنا من أهل الجنة ويبشرنا بذلك...

هل كان لديك حلم ولم تستطيع تحقيقه وهل يأست منه ام اشتدت عزيمتك على تحقيقه

نعم كان عندى حلم أن أدرس و أكمل الجامعة....
وحققت جزء منه فى دراستى فى الكلية بعد أن أنجبت شبلى الثالث
ولكن مسؤوليتى أكبر من الدراسة و لذلك لم أكمل الجامعة و أكتفيت بالكلية...

أنا سعيدة بأسألتك
وبشكرك

انا عمرى 25سنه واعيش فى مصر بردوا فى المنصوره
انا مخطوبه
معايا بكالوريوس تجاره
لا اعمل ولاكنى احاول ان اعمل ولاكن فى المكان المناسب يعنى انا اشتغلت مره محاسبه فى شركه ديكور لاكن خطيبى بيغير موت ووصلنى إنى اسيب الشغل عشان ولد عندوا 10سنين تخيلى بأ لما اشتغل فى مكان فيه شباب هيعمل ايه عشان كدا بدور على شغل يكون فى بنات بس
اما الحلم الذى تحققوالحمد لله الحمد لله بجد انى حلمت احلام كتير والحمد لله تحققت اولها انى كان نفسى اقابل حد احبوا ويحبنى ذى اللى كان فى خيالى يعنى انسان صورتوا فى بالى وشخصيتوا فى بالى والحمد لله ابلت خطيبى واحنا فى الجامعه والحلم التانى انى اتخطب ليه ودا كان مستحيل لأنوا كان لسه طالب وانا كذالك والحمد لله اتخطبنا وانا مكنتش مسدأه نفسى.
اما الحلم اللى متحققشى انى يتكتب كتابى على خطيبى على الاقل يوم عيد ميلادى يوم30\6 واتجوز ابل رمضان اللى جاى ودا للأسف صعب تحقيقه واتأكدت انوا مستحيل وطبعأّ الحلم اللى نفسى يتحقق اننا على الاقل يتكتب كتابنا ابل شهر رمضان دا الحلم اللى انا بحلم بيه ويارب يتحقق .
اما طموحاتى .....عاوزه ارضى ربنا اوى وعاوزه احبوا اكتر ما انا بحبوا وكمان عاوزه ربنا يباركلى فى خطيبى ولما نتجوز نبأ من اولياء الله الصالحين ونفسى اشوف خطيبى دا فى احسن حاجه فضل وراه لحد لما يبأ حاجه كبيره اوى اوى ونفسى اربى اولادى لله وفى الله يعنى اطلعهم للخير ولله وللفايده لكل الناس يساعدوا الناس ويحبوا الناس وميحقدوش على حد ولا يبصوا للى فى ايد حد ..
اسفه جداّ على التطويل ...يارب يرزقك بلزوج الصالح يارب انتى واختى واخوات خطيبى وكل البنات يارب.
ومرسيه جداّ على الموضوع لجميل اللى يخلينا نعرف بعض اكتر..

السلام عليكم ورحمة الله وبركاته
انا ادرس محاسبة
عمري 24سنة متزوجة من ثلاث سنين وعندي ولد واحد عمرة سنتين
لم اكمل دراستي بعد بسبب الزواج ولكني احاول
الان انا مفيمة بامريكا وزوجي في موطني الاصلي اعتدت ان احضر ننا كل ستةشهور وارجع لزوجي حتي اجدد اقامتي هزا هو حالي من وقت ما تزوجت ولزلك تاخرت في دراستي كما اني احس بعدم استقرار

um bader اولا مشكوره على اهتمامك بالمشاركه فى موضوعى
واسمحيلى ازر عمرك كام بس متزعليش لو طلع اكبر من الحقيقه ............. 30 سنه صح
وبعدين وظيفتك دى احلى وظيفه فى الدنيا وكل البنات تتمنى تشتغلها الله يعينك
وبالنسبه للتعليم انا مش قادرهافهم بالظبط هل هناك فرق بين الكليه والجامعه احنا عندنا فى مصر الاتين لهم نقس المعتى واتمنى انى اعرف بلدك الاصلى
مشكوره

فتاه تحب الله اولا انا فرحانه جدا انى اتعرفت عليكى ومن كلامك حسيت انك انسانه طيبه جدا وقنوعه وحاسه انك فيكى شبه منى ومبروك على الخطوبه وان شاء الله يارب تكتبى كتابك فى يوم عيد ميلادك هتبقى حاجه جميله اوى
ربنا يتمملك على خير ان شاء الله
وعايزه اسالك شوية اسئله بعد اذنك
هو انتى هتكملى 25 يوم 30\6
وهل انتى تجاره انجليزى
وهل ليكى طموح فى الشغل ولا عادى حاجه تسلى بيها وقتك وخلاص او كمصدر للمال فقط
ويا رب مكنش تقلت عليكى

amora83 انا سعيده بمشاركتك فى الموضوع
بس والله لسه صغيره على الشقى ده يعنى انا فى عمرك بس اعتقد انى مقدرش اسافر لوحدى وبلد اجنبى كمان وخصوصا انك معاكى ابنك وكمان بتدرسى الله يكون فى العون
وكان نفسى اعرف انتى من اى بلد
وما هى امنياتك فى المستقبل هل تتطمحين الى العمل ام لا وما هى وظيفة زوجك
وبعدين هل انتى اللى تدرسى فى امريكا ام زوجك هو اللى يعمل هناك
ومشكوره

أهلا فيك vet_basbosa

Um bader اولا مشكوره على اهتمامك بالمشاركه فى موضوعى
واسمحيلى ازر عمرك كام بس متزعليش لو طلع اكبر من الحقيقه ............. 30 سنه صح

العفو حبيبة قلبى
موضوعك حلو وخفيف ومنشان هيك أن شاركت...
يعنى قربتى من عمرى زيدى أربع سنوات كمان يطلع عمرى الحقيقى
بس سر,,, ماتقوليش لحد..؟؟؟؟

وبعدين وظيفتك دى احلى وظيفه فى الدنيا وكل البنات تتمنى تشتغلها الله يعينك

فعلا أنا كثير سعيدة بمهنتى هذه و أتمنى من الله أن يرزقها للجميع.

وبالنسبه للتعليم انا مش قادرهافهم بالظبط هل هناك فرق بين الكليه والجامعه احنا عندنا فى مصر الاتين لهم نقس المعتى واتمنى انى اعرف بلدك الاصلى
مشكوره

يا ستى العزيزة أقصد بالكلية هنا فى كندا,,,
يعنى دبلوما دراسة سنتين بس
أما الجامعة فأربع سنوات دراسية بكالوريوس يعنى...
وأما عن جنسيتى فأنا من سوريا
وسعيدة جدا بمعرفتك و أسئلتك
ولك منى أطيب تحية
,,,,,,,,,,

أولا انا اللى مبسوطه وفرحانه انى اتعرفت عليكى لانك بجد انتى اللى عجبتينى وحسيت انك فعلا طيبه بجد مش مجامله .
وانا انشاء الله لسه هتم 25سنه فى 30 \ 6 اللى جاى
وانا ياسيتى متخرجه من تجاره عربى مش انجليزى
اما الشغل ربنا يعلم انى كانت طموحاتى كبيره اوى فيه ابل ما اتخرج لدرجة انى كان نفسى اكون معيده لاكن للأسف محصلشى نصيب ونجاحى كان بمقبول بس بردوا كان عندى طموح وواثقه جداّ انى فى اى مكان لازم اثبت نفسى فيه وخصوصاّ لو مكان هكمل فيه شغل بعد الجواز اكبر نفسى بس مش على حساب خطيبى إللى إنشاء الله هيكون جوزى ولا على حساب تربية اولادى انشاء الله فى المستقبل .
اما انا دلواتى لو بدور على شغل فلأنى عاوزه البخ نفسى شويه ومفكرشى كتير عشان بتعب اوى من التفكير فى المستقبل خصوصاّ انى انا وخطيبى بقلنا 7سنين مع بعض تخيلى .
وبينى وبينك اهلى مش فى دماغهم موضوع كتب الكتاب دا إلا ابل الفرح بيومين. رغم اننا بقلنا 3سنين مخطوبين بس اعمل ايه نصيبى كدا نفسى اوى البخ نفسى فى حاجه تلهينى عن خطيبى شويه.
لو عندك اى سؤال تانى إسألى ياسيتى براحتك.
اسفه انى طولت عليكى.