بهذه الوريدات الجميلة استقبلكم في بيتى المتواضع واتمنى منكم الدخول بكثرة
لان الموضوع السابق فانه استغرق ايام كثيرة لكي يغلق هذا ان دل على شىء انما يدل على عدم دخولكم بكثرة .
فاتمنى ان يكون موضوعي فال خير واجد كل الحبائب ملمومة
تفضلوا البيت بيتكم

صباح النور يا عزيزاتى يسعدنى كثيرا ان اكون انا السباقة لكي اصبح على الجميع لكي يكون اسم على مسمى ههههههه
اتمنى ان يكون دخولنا هذا اليوم بكثرة وان يتم اغلاق هذا الموضوع بوقت قياسي كالمواضيع السابقة
اننا اصبنا بركود غريب ومفاجىء بعدما كانت مواضيعنا دائما الاولى ..اصبحنا اذا اردنا الدخول نبحث في الاخر لنجد موضوعنا

نيسا اغفلى اليوم على شغلك قليل وادخلى ..لنعرف احوالك انت وسي بدر والبنات .
نعناعة نورينا ابدخولك راك مولات الدار ..باه نعرفوا اخبار لليرجي امعاك امزلت المحرمة فيدك يا ام كلتوم غنيتى الاطلال النونو ههههههه.
امال اليوم احكمي الدار وقوي المشاركة
ام بثينة وينك لزم اتزورينا اليوم المنتدى ابلى بيك راو صامت هيا برك ..واش احوال العائلة الكريمة
زوينة اليوم دورهالهم روبا فروا اخطيك من الكسرة والطياب راك اعييتى ..واش العائلة الكريمة.
راضية اليوم لزم تلقاي وقت اكثر ودخلى رانى امعولى اعليك
سهاد راك ابدتى تجبدي بطرف واش وصلاتك العدوى ارواحي نعطيك لزنتيبيوتيك باه اموت الفيروس ههههههه
واشها مريامة اخوتها بدون ان انسى الاب الكريم
مازينة وينك يا احبيبتى حتى انت راك محتاجة شوي انتاع المضدات الحيوية
سلمى شوفى انت ماالديري حتى سبى راك مزلت حرة لولاد فراسك لا اعجوز امسيطرةاعليك لزوج اعيط ايربط اعليك البيبان ادخلى هههههههه
لميس انت احكمى اشويالدار راك اصراتلك اكثر من النحلة من وردة الوردة اليوم كتدخلى عندي انا الى انسكر الباب اندي المفتاح
المهاجرة خص غير اندير نداء فيى برنامج وكل شيئ ممكن
نورة انت معذورة يا احبيبتى ربي يشفيك اترجعى امنورى المواضيع يا وجه الخير اتدعينا كيما ملهى ربي اخفف اعليك يا رب اللهم اشفيها وعافيها يا ارحم الراحمين
كوثر انت فين واين اراضيك يا بنت ابلادى راكى معروضة عندي اليوم
ام رائد رانا نستناو فيك اليوم عندك لمتخليش اذا مجتيش نعرف بلى راك متحبنيش
ام انس ..ام معاذ ..ام الاحمدين اعلاه قررتوا ان اتقاطعونا امتدخلوش كاش مغلطنى بدون قصد عووووودووووووااااا
اخواتى العربياتى الى انسيت اساميهم معذرة واخواتي العربيات مرحبا بكم اليوم وسائر الايام فيى بيتكم الثاني نورونا ابحضوركم
صبيحة اليوم ما ديريش حتى سبى انتاع لخياطة لزم انت تحضري تستقبلى المعازيم

رانى ذرك رايحا انهيلكم القهوى والتاي والراديو غناي واشوي انتاع لقريوش ادرت لبراج انحطلكم اشوي انرجع راو السني اكون امتول
البيت بيتكم ولو موجدتونيش امام الباب ادخلوا ختى نرجع باي باي

اهلا اهلا اهلااهلا باعز الحبايب

يا بنات جوزوا قربوا متحشموش
راه ماهيش اول مرة اتجيو عندي البيت بيتكم

صباح عليك صبوحه المربوحه وصباح الخير على جميع لبنات

ان شاء الله الموضوع الجديد ينفتح بالسعاده والهناء على الجميع

كتبت بواسطة ام الاحمدين

صباح عليك صبوحه المربوحه وصباح الخير على جميع لبنات

ان شاء الله الموضوع الجديد ينفتح بالسعاده والهناء على الجميع

صباح الانوار يا لعزيزة تسلمى على طلتك الباهية والمفرحة فى نفس الوقت كيف احوالك واحوال العائلة
لعقوبة للبنات الاخريات
وكون هذا الموضوع يجلب السعادة والبشرى الخيرة للجميع

السلاااااام عليكم و رحمة الله ...صبااااااااااااااااااااح الخيرات على احلى بنااااااااااااات...توحشتكم بزاف
ماعليش سامحوني ماقدرتش نطل عليكم ...بدر عندو الخدمه بزاف هاليامات و ما قدرتش نطلب منو الكومبيوتر ...المهم واش راكم ؟؟؟؟
صبووووحه الله يسلمك انتي و لي سقساو عليا
فاتني بزاف؟؟؟؟

و الله جاب الفرحه في قلبي كي لقيتكم راكم هنا...ام الاحمدين واش راكي حبيبتي واش الحمل معاك سافا ...هونيها تهون ان شاء الله و كولي مليح