~~~~~الملتقى الأردني الجديد~~~~~~~~~

[فيوليتا]

نظراً لإغلاق الملتقى الأخير لاكتمال عدد صفحاته ،

يسرني أن أستضيفكن أخوات وصديقات عزيزات من الأردن وخارجه ، وإن شاءالله اكون مضيفة جيدة لضيفات محبوبات

اعلم ان الصورة كبيرة بس شو اعمل ؟ ساعدونييييييييي
الصورة من جبل القلعة في عمان القديمة وتظهر جبال عمان السبعة
اترككم الآن مع قصيدة من اروع ما كتب في عمان واهلاً وسهلاً بكن :
أرخت عمان جدائلها فوق الكتفين
فاهتز المجد وقبلها بين العينين
بارك يا مجد منازلها والاحبابا
وازرع بالورد مداخلها باباً بابا
وازرع بالورد مداخلها باباً بابا

[meemo80]

فيوليتا حلوووووووووووووووووو كتير انو هالمره احنا بضيافتك

بس وين هيه الضيافه جعبالي فنجان قهوه من اللي بيعدل المخ

والأكل مو مشكله أي شئ

[اسير الحريه]

فيولتا وميمو كيف الحال
شكرا فيولتا عالصوره الكتييير حلوه وكبيره
انا كمان بستنا للضيافه

[ام صائب]

محبا يا حلوين
ومبروك الدردشة الجديدة
شكرا فيوليتا على الصورة الرائعة
وعلى أبيات الشعر

تحياتي للجميع

[فيوليتا]

يا هلا والله بميمو ورشا
ضيافتكم عندي بس بدون صور لانه بالحجم اللي عم تطلع فيه بنخلص الملتقى عالصور هههههههه
باضيفكم اول شي عصير فواكه لذيذ وطبيعي من البرتقال والليمون والتفاح والموز
وبعدين تفضلوا عالغدا والاشياء اللي بتزبط معي اولأ شوربة فريكة وفتة مكدوس وسلطة يونانية وسلطة خيار بلبن واقراص سبانخ وصفيحة وصرر أوزي ومسخن
بعد الغدا تفضلوا اشربوا الشاي مع النعناع الأخضر
وثم للحلويات : كيكة نسكافيه ، حلاوة الجبن ، سلطة فواكه وطبقات الجيلي بالكريما
وبالأخير قهوة عربية من بن العميد مع حبات شوكولا

[جنتي بيتي]

مرحبا اختي فيوليتا .. وشكرا على الصورة
انا ايضا من الاردن ... لذالك لن ارضى ضيافة بغير المنسف البلدي

[فيوليتا]

ولو جنتي بيتي بنعمل منسف وبجميد كركي كمان واهلين وسهلين

[TABOO]

صباح الخير بنات كيفكم
تسلمي فيوليتا الضيافه بتشهي
يلا و بنستنى باقي البنات يشاركونا الدردشه

[ام صائب]

فيوليتا شوفي مركز التحميل هاد وبعد التحميل للصورة شوفي خيارات تحت 3 أحجام للصورة اختاري حجم الصورة للمنتديات ويمكن تزبط معك
يمكن مو أكيد لأني لسا مو كتير بالكمبيوتر

http://9q9q.com/index.php

[#جاردينيا#]

اهلا صبايا كيفكم اليوم والله اني اشتقت لكم