مرحبا يا شله الفلسطينيه كيفكو اليوم

مرحبا اميره يلا حبيبتي فتحت صفحه جديده بس الحين الموضوع بيختلف شوي وهو عن الامثال كانت ستي الله يرحمها كتير بتحكي امثال بتضحك وامثال تبكي منها من كتر مهي جايه علي الجرح
والسنه الي فاتت كنت ناويه اكتب الامثال بس ما صار نصيب كانت تعبانه وانشغلنا بالافراح

المثل الي عندي كتير بيضحك وهو
(وعدتني بالحلق خرمت انا وداني)
وهادا المثل بينطبق علي زوجي العزيز كان بيوعدني كل ما ينجح
ويجيب A يعطيني ميت دولار(دولار كندي مش امريكي) ويعزمني بمطعم وللحين خلص الماستر وقرب يخلص الدكتوراه وانا بحلم بالهديه والله اعلم متي تيجي

كتير حابه
تكون عندي شويه امثال وخاصه من اهلنا هناك

بيسعدني أكون أول المشاركات بموضوعك لينا حبيبتي
بس شوفي اذا بتقدري تعملي تعديل اكتبي العنوان أهلا بالفلسطينيات يالله نجمع أمثال لتحلى الدردشة
شوفي حبيبتي بتروحي على الموضوع وبتعملي تعديل تحت بالصفحة على الشمال وعدلي العنوان
المثل اللي عندي
(اقلب الجرة على ثمها بتطلع البنت لأمها)
بس راح أجيبلكم أمثال أحلى انشاء الله
وشكرا للفكرة الحلوة لينا

مش عرفه اعدلو
علي الشمال مكتوب اقتباس الرد اقتباس متعد رد سريع
علي اي واحد اضغط

صباح الخير يا بنوتات فلسطين

شكرا يا لينا علي البيت الجديد
مبارك الكم يا فلسطينيات البيت الجديد

منوره الدردشه لينل وكتير حلوه فكره المثال

وهلا ام صائب اول الزائرات للبيت الفلسطيني

انا عندي مثل(جاجه حفرت علي راسها عفرت)
(اجت الطل فاقت الكل)

اتزكرت مثل ( ازا كان نصيبك عظم قرقطه)

صباح الورد والفل لاحلى صبايا
اجى على بالي المثل اللي بيقول(اللي عبال ام حسين بتحلم فيه بالليل)
لانكم جيتو على بالي قلت اشوف شو عملتو يسلموا ايديكي لينا حبيبتي وبتقولي مش عارفة تختاري اسم شو بدك اروع من هيك مشكورة عيوني كثير اعجبني الموضوع

كمان في مثل اذكرته(قليل البخت بلاقي العظمة بالكرشه)
بتمنى الله يبعدكم عن قلة البخت

(وين رايحة يا الجديدة رايحة اعمل للعتيقة بخت )
الجديدة يعني العروس الثانية وفهمتوا الباقي

(الحلو حلو لو قام من النوم والشنع شنع لو غسل كل يوم)

(البيت معمور وصاحبتة بالدور )

(على شغيلي مالي حيلي وعند الصوخرة زي المهرة)

(ريحة الام بتلم )

(العم مولا والخال مخلى)

(صحيح لا تقسم ومقسوم لا توكل وكل لا تشبع )

(ابن العم بنزل عن الفرس )

العروس في مجلاها ما بتعرف مين بتولاها )

الحماة وهي بتلعب في ولاد ولادها بتقول
(ابن الحبيبة عدى وخلاني وابن العدوة عدى وعداني)
يعني ابن بنتها لما وصلو طريق صعب مر وتركها اما ابن كنتها يعني ابن اببنها مر واخذها معه (الحبيبة البنت والعدوة الكنه )
امثال عن الاشهر


(شباط بشبط وبخبط وريحة الصيف فيه )
(اذار ابو 7 ثلجات كبار) (اذار ساعة شمس وساعة امطار)
شباط بيقول لاذار(اذار يا بن عمي ثلاثة منك واربعة مني ونخلي العجوز وخربوشتها بالواد تغني )
(مية او مطر نيسان بتحي الزرع والانسان )
(تموز بتغلي الميةفي الكوز)
(اب اللهاب)
وبعدين بكمل معكم ان شالله