السلام عليكم ورحمه الله وبركاته
بداية الموضوع عجبنى وشاهدتة باحدى المنتديات واكيد الكلام اللى
هتقرائوة دلوقت سمعتوة كتيرررر او هيفكركو بذكريات معينة
عجبنى الموضوع من هنا للصين عشان كدة نقلتة لكم ....
واى حد من مصر هيقرا الكلام دة هيحسة قوى .. اكيد سمعتها من
والدك او والدتك وكنت اوقات تتنطش او تقول طيب طيب من باب انك
تريحهم يعنى كانت مواقف بتمر عليكم ووقتها بتسمع الكلمات دى
يالله اتركم مع الكلمات التالية ... ونسيت اقول اول مرة اكتب هنا
انت فاكرنا لاقين الفلوس ديـــ في الشارع
ما تتكلمش بصوت عالي في الحمام
والله ما انت فالح .. وادي دقني أهه
ما تنمش غير لما تغسل سنانك
ما تلزقش في التلفزيون كده .. نظرك هيضيع
سلم على عمك كويس يا ولد
يا ابني محدش هينفعك
ما تطلعش ايدك من الشباك
قصة الغريق الكاذب اللي كل مره يقول الحقوني ... لحد ما غرق بجد
ربنا يرزقك بعيل يوريك اللي ورتهوني
ما تطلعش على الملايه النظيفه و رجليك متوسخه كده
نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟
طلع ايدك من جيبك و انت بتكلمني
ايه الا مبالاه و الاستهتار اللي انت
عايش فيهم دول
قوم اقرا لك كلمتين ينفعوك
وطي المدعوق ده شويه
انت فاكرنا نايمين على ودانا ؟
يا ابني انت مسطول ولا ايه ؟
ما تلبسش القميص على اللحم زي العيال الصايعه
بلاش أكل بره
كلمنا لما توصل
عيـــب ... لازم تحترم اللي أكبر منك
لو شفت خناقه ما لكش دعوة بيها
لازم تأكل سلطه
اوعى تكدب عليا كده تاني مرره
اوعى حد غريب يديلك حاجه تاكلها و تشربها و تاخدها منه
يا ابني كلم خالتك العيانه اسأل عليها
بلاش لعب في الشارع
ما تعليش صوتك
وانت فاكر احنا مستنيين منك حاجه
المسلسل مش هينفعك ...قوم
ما تقعدش قدام المروحه وانت مستحمي
كفايه رغي في التليفونات
بلاش وقفة الشبابيك و البلكونات
اوعى تقول لحد هات لي حاجة
كل على مهلك .. وامضغ كويس ... وما تكلش
وانت واقف .. وكل من قدامك ما تحفش
اطفي التلفزيون وقوم ذاكر . أو اطفي التلفزيون و خش اوضتك
ربنا يهديك ربنا يهديك ... وأحيانا .. انك لا تهدي من أحببت
صليت العصر ؟!
ما تمشيش حافي في السقعة دي
ما فيش مذاكرة على المزيكا .. أو .. بتذاكر إزاي و البتاع ده شغال جنبك
افرد ظهرك
ما تتأخرش بعد المدرسه و تقعد تصيع مع أصحابك
بص كويس و انت بتعدي الشارع
ومالها الكتب بتاعة الوزاره ؟!
اللي بيشيل قربه مخرومة بتخر عليه لوحده
لو مش فاهم حاجه ارفع ايدك و قول للأستاذ مش فاهم .. متتكسفش
تقعد في أول صف قدام السبوره
ما تردش عليا
مش عايز اسمع صوت
مالكش دعوة بالسياسة .. وماتمشيش في مظاهرات
و أخيرا
ضرب
امثلة تشجع على الكفاح و أشهرها أحد الأقارب اللي كان بيذاكر على لمبة جاز
أو على عامود النور الي في الشارع و نجح وخد الدكتوراه وسافر أمريكا
مش دا بردة ال بيتقال ولا ايه
ولا فى حد كان بيتقاله كلما غير دة؟؟
المقدمة من كلامى
اما الموضوع شاهدتة بمنتدى
سلامى
محمد
الروابط المفضلة