السلام عليكم و رحمة الله و بركاته ..
حبيباتي في الملتقى ..
<<<<<< طبعا حتقولو حبيباتها من و ين و احنا ما بنشوفها إلا من السنة للسنة !!!
لكن يشهد الله إني بحبكم و بحاول اتبعكم دائما لو ما كان بالردود .. بمتابعة المواضيع ..
الموضوع اللي انا جاية فيه اليوم للبنات الأمورات في الجامعات و الكليات ..
و بدي أسألهم ..
شوية أسئلة .. بتدور في بالي من يووووووووووووووووووووووووم ما خلصت توجيهي ..
يعني قبل ما أبدأ دراستي في الكلية ..
يا ريت تجاوبوني و تساعدوني ...
س : هل تعتقدين أنه من الممكن تكوين علاقات صداقة قوية في الجامعة بعد أن كونت صداقات قوية جدا جدا في الثانوية ولظروف ما ابتعدت الصديقات بالمسافة ؟
أقصد يعني بعد ما أنا عندي صحباتي و بحبهم و بيحبوني ... و مع إنو كل وحدة من في جامعة،
ما بيمر يوم .. عن جد و لا يوم إلا نسأل على بعض ..
و أنا بسبب إني حاسة إنو ما رح ألاقي أحد يفهمني زي الصحبة القديمة اللي بيعرفوني من زمااااااان و زي ما بنقول ( عاجناهم و خابزاهم .. و عاجنيني و خابزيني ) ... يعني بعرفهم مزبوط و بيعرفوني مزبوووووووط ...
اللي ساعدوني عالخير - الحمد لله اللي رزقني فيهم و الله يديم صداقتنا - اللي بعرفهم من 6 سنين و أكتر .
و هادا السبب بيخليني أقارن بين كل وحدة أتعرف عليها و بين صحباتي القدماء ..
عشان هيك ملاقية صعوبة كبيرة في تكوين صداقات في الكلية ..
..
أوقات فراغي بقضيها هنا على صفحات المنتدى .. أو في المكتبة .. أو في حلقة القرآن .. لحالي
كل علاقاتي مع البنات مجرد زمالة .. و حاسة إنو بعمري ما حلاقي صحبات
شفتو الحالة اللي انا فيها ؟؟
سؤالي يا بنات ...
اللي دخلو الجامعة و الكلية هالسنة ...
هل لاقيتو صحبات كويسين ؟؟
و اللي في الجامعة من زمان ..
هل كان حالكم زي حالي ؟؟
بليييييييييييييز بنات جاوبوني و احكولي ...
بستناكم .
الروابط المفضلة