السلام عليكم ورحمة الله وبركاته ,
كنت قاعدة أدور بأدراجي عن بعض الكتب , فمصادفة لقيت ظرف لونه وردي ,,
تذكرت فوراً وش اللي بالظرف >>>>>>>>>> تبي تورينا إن ذاكرتها قوية هع
الظرف كان فيه رسائل من طالباتي في أول سنة درست فيها ,,
فتحت الظرف عشان أقرا الرسايل , ياحليلهم طالباتي والله كانوا وناسة ,
مع العلم إن هذيك الرسايل أرسلوها لي يوم عصبت عليهم مرة من المرات >>>>>>>> يوه يا مكثر ماطلعوا لي قرون
خخخخخخخخخخخ, بس والله أحبهم ,
عاد على قولتهم القطو يحب خناقه
راح أكتب لكم شلي بالرسايل مع التعليق على شخصية كل طالبة
1- أنا احبك يا أبلة , وأحب الفصل , حتى البنات اللي بالفصل أحبهم , واللوحات اللي بالفصل حلوة بعد
بس البنات يضحكون كثير>>>>>>>>>> المشكلة إنها كانت دايم تضحك وياهم
الطالبة ( أبرار ) - الصف السادس الابتدائي ..
غريبة شوي , عندها ضغط رهيب من أمها عشان تحفظ وتحفظ ,
كنت أحس البنت مغصوبة غصب على مراجعة حفظ عشرة أجزاء من القرآن إلى جانب حفظ جزئين جديدة ,,
كنت أحس إنها تحب الظهور ,
2- إلى معلمتي الغالية , أنا أحبك كثيراً ..
الطالبة ( زينب ) - الصف الثالث الابتدائي ..
حبوبة , مرحة , كأن الكرسي اللي تقعد عليه فيه دبابيس لأنها ما تقعد ثواني عليه ,
مثابرة , نشيطة ,, ذكية ,,
3- أنا احبك يا أبلة >>>>>>>>>>>>>>> معليش تحملو حب x حب
الطالبة (فاطمة ) - الصف الخامس الابتدائي ,,
أخت المحروسة زينب آنفة الذكر ,,
قريبة من مواصفات زينب , ماتقعد ثواني على الكرسي عدل , نشيطة ,,
لكن تفرق عن زينب إنها كسولة شوي ,,
4- يا أبلة أنا أقدر أحفظ من 5-10 آيات في اليوم >>>>>>>>>> مدري مين طلب منها هالتحديد الدقيق
أنا ما أحب الضحك الكثير , وأنا أذكر كلامك يا أبلة إن الضحك الكثير يميت القلب, الصراحة يا أبلة تراني أبغاك , بس البنات هم اللي ضحكهم كثير >>>>>>>>>> أكفش ياليل التخريطلي الحين أتذكر صوت ضحكتها كانه فار صغيرون يضحك ,,خخخخخخخخخخ
يا أبلة إطرديني برة الفصل بسرعة إذا أنا ضحكت أو شاغبت >>>>>>>>>>>> هع هع لو كنت راح أطبق هذي العقوبة كان كل الطالبات مطرودات نص الدوام خخخخخخخخخخخ,
ويوم تسليم النتايج جابت لي هدية وقالت يا أبلة راح يكون أحسن يوم في حياتك >>>>>>> يا حليلها
الهدية كانت عبارة عن عقد طوييييل من ورد الفل + عطر ,
أكيد اشتاقتوا تعرفون مين هي هالطالبة
الطالبة ( إسراء ) - الصف الرابع الابتدائي ,ذكية , نشيطة , مشاااااااااااااااااااغبة ,
مثابرة , وقبل كل شي برييييييييئة
5- آه وآه
ن ما س لو من الل و ن ..
الطالبة ( بيان ) - طالبة معاقة ,
والله إنكسر قلبي يوم عطتني الورقة وما فهمت أفك الطلاسم ,
البنت كانت غريبة الأطوار , نطقها صعب , لكن تحاول تقرا مع البنات الآيات ,,
حساسة ,
يا رب يشفيها
6- نحنا نحبك يا أبلة <<<<<<<<< ردينا على سالفة الحب
الطالبة ( غفران ) - الصف السادس الابتدائي ,
البنت تصرفاتها أصغر من عمرها ,
شخصية معدومة الثقة , صعبة الحفظ , لكن لاتخافوا في المشاغبة والرجة ما تقصر
7- لا تعجبني شقاوة البنات لما يتكلموا ويضحكوا عالفاضي >>>>>>>>>> لا صج ترى هذي البنت هادية ,,
أخاف يا أبلة تزعلي منا وماعاد تدرسينا >>>>>>>>>. أحلى يالمهم
الطالبة ( مودة ) - الصف السادس الابتدائي ,
هادية , غامضة شوي , حساسة ,
طيوبة ,,
8- أنا أحبك يا أبلة , لأنك أبلة ممتازة >>>>>>>>>> ياليل البكش هع هع ,,
الطالبة ( ريهام ) - الصف السادس الابتدائي ,
جريئة , تحب لفت النظر لها , لسانها طويل ,
تحب تجادل في أمور الدين ,
لكن تجي عليها فترات تنقلب مطوعة في الفصل >>>>>>>>>>. خخخخخخخخخ
9- سلبيات الفصل ,
بسم الله >>>>>>>>>>>> لاحظوا كأنها وزيرة وبتقول خطاب عالشعب
1- تحصل سرقة كثيرة بالفصل >>>>>>>>>>>>> مع إني مالاحظت هالشي
2- طلوع ( إسراء )ونزولها لفصل ابلة .... <<<<<<<<< إسراء من زود المثابرة كانت تداوم أربع أيام يومين عندي ويومين بفصل ثاني , لكن بنيتنا هذي مستنكرة الوضع مو أقول وزيرة هع هع خلنا نكمل
3- وجود ( بيان ) مزعج في الفصل, لأنها أحياناً تسئ التصرف >>>>>> يوووه والله تكسر خاطري بيان ..
إيجابيات الفصل
لا يوجد >>>>>>>>>>>. خخخخخخخخخخخ
البنت مخها حفظ السلبيات وسوا ديليت للإيجابيات ,,
الطالبة ( سمية ) - الصف السادس ,
شخصية قيادية , تحب تعطي أوامر , كانت عايشة بينبع وهذيك أول سنة تجي لجدة ,
تموت في لفت النظر لها , وتبكي على أقل شي ,
أحياناً لها نظرات غريبة , عنيدة وهذي بشهادة أمها ,,
لكنها طيوبة , حنونة ,,
أذكر لها موقف طريف ,
كنا بدرس تفسير , فجأة قطعت الموضوع وقالت يا أبلة أخيراً اكتشفت الفرق بين ( كولن باول ) و( شارون )
قلت لها أوف وش هالاكتشاف ؟
قالت لي : ( كولن باول ) اللي راسه طويلة
و( شارون ) اللي راسه مدورة ,
>>>>>>>>> مو قلت البنت سياسية خطيرة هع هع ,,
والله خوش اكتشاف يا كونان ,,
10 - مالها ورقة ,,
الطالبة ( إسراء عنبر ) - الصف الاول المتوسط ,
كانت عايشة في بريطانيا , غامضة , هااااااااااااااااااادية ,
تناقش كثير عن أمور الأخلاق وووو
والفرق بين السعودية وبريطانيا ,
من زود حبها فيني جت السنة اللي بعدها لقتني غيرت المدرسة ورحت أدرس في مدرسة ثانية ,
قالت ماني دراسة هنا مادام أبلة مزون مو موجودة >>>>>>>>>> مدري أنا بعد كنت أحبها حيل ,,
هذا فصلي اللي درسته أول سنة ,
ولي عودة عشان أتكلم عن فصلي هذي السنة ( فصل الكتاكيت) لأنهم ضغااااااار أغلبهم بالصف الأول أو الثاني الابتدائي ,,
بس أول أبي أعرف رايكم في هذيك التشكيلة اللي فوق ؟
خخخخخخخخخخ,
رد مع الاستدلال
الروابط المفضلة