السلام عليكم ورحمة الله وبركاته

أنا أختكم بوينا تشيكا .. بما أنى متزوجة من حوالى 3شهور ونص .. وبما أنى أستاذة طبيخ
وحاسة إن كتير من البنات المتزوجات جديد أو متزوجات من زمان كانوا أساتذة طبيخ بالذات فى سنة أولى زواج

دايما فى سنة أولى زواج بتحصل للواحدة مننا فى مطبخها الجديد شوية مواقف تجنن .. تفطس من الضحك .. وبتبقى ملبوخة ومحتاسة .. حتى لو كانت متعودة على القيام بأعمال المطبخ فى بيت والدتها
بس فى بيتها الجديد .. بتكون مشغولة شوية فى أعمال تانية .. وكمان المطبخ الجديد وأدوات المطبخ الجديدة بتحسسها إنها مش عارفة تعمل حاجة
أنا مش عارفة كلكم كنتم كدة ولا أنا بتكلم عن نفسى .. أنا عن نفسى حسيت بكدة
أنا مش هضحك عليكم وأقولكم إنى فى بيت أهلى كنت طباخة بريمو .. يعنى كنت نص نص
بس فى حاجات كنت بعرف أعملها كويس فى بيت أهلى .. بس فى بيتى الجديد لخبط فيها .. يعنى أنا طول عمرى بعمل رز ومتعودة عليه جداااا .. بس أول رز عملته لزوجى كان محروق .. بس بصراحة أنا إتهمت الحلة إنها هى السبب .. حسيت كدة
المهم أنا عايزة كل واحدة منكم تكشف لنا عن مواقفها المضحكة مع المطبخ فى سنة أولى زواج
وأول موقفين هيكونوا من عندى إن شاء الله علشان أشجعكم
بس على شرط أوعوا محدش يشترك هحس إنى انا الوحيدة إللى خايبة فى المطبخ متكسفونيش

السلام عليكم ورحمة الله وبركاته
إليكم أول موقف فى الموضوع .. إهداء منى ليكم

تعرفوا الرز المعمر .. أكيد المصريات عرفينه كويس
هو عبارة عن رز بيتعمل مع اللبن فى الفرن ... أنا بقى حبيت أعملها مفاجأة لزوجى إنى أعمله الرز المعمر فى الفرن وأوريله شطارتى .. مكنش موجود فى البيت وأنا مديتلوش خبر إنى بفكر أعمله رز معمر .. روحت جبت الرز وغسلته كويس وأضفت عليه اللبن وقطعة زبدة زى ماأنا كاتبة فى كراسة الطبيخ بتاعتى ( كتبتها قبل زواجى وأخدتها معايا فى بيت الزوجية ) المهم زى ما مكتوب فى كراستى حطيته على النار شوية لحد ما اللبن بدأ يغلى
وبعد كدة دخلته الفرن وهديت النار خالص زى ما مكتوب فى الكراسة .. وبعد شوية ببص عليه لاقيت الرز ماتشربش اللبن مش عارفة ليه .. ولاقيت اللبن تحول إلى طبقة غليظة وسميكة فوق الرز كان شكل الجبنة كدة
واللبن نشف خلاص والرز مازال جامد .. يعنى خلاص مفيش أمل إنه يستوى .. أنا يأست بقى وقولت خلاص مفيش فايدة أنا هرمى الرز فى الزبالة وأعمل رز عادى .. وكأن مفييييييش حاااااجة حصلت
لسة بطلع الصينية من الفرن علشان أفرغها فى جردل الزبالة .. لاقيت باب الشقة بيتفتح لاقيت زوجى وصل .. وهو متعود إنه بيدخل عندى على المطبخ على طول علشان يسلم عليا وطبعا لو شافها هيسألنى إيه ده وهيعرف إنى خايبة.. بصراحة الصينية كانت سخنة مكنش فى وقت إنى أفرغها فى الزبالة ..... قومت عملت إييييييييييييييييييييييييييييه











بسرعة .. بسرعة






























رميت الرز بالصينية فى جردل الزبالة
وبعدين دخل وسلم عليا .. وأختكم بقى كأن مفيش حاجة حصلت

قالى الأكل خلص .. قولتله معدش غير الرز بس يااااااااحبيييييييييييييييييبى ثوانى ويكون جاهز إن شاء الله .. وعملت رز عادى وعدت الليلة ولسة لحد دلوقتى ميعرفش الحكاية دى ده سر بقى يا بنات ماشى

مش هقولكم الموقف التانى غير لما حد يشارك فى الموضوع يا إما هزعل منكم

[COLOR=DarkRed]السلااااااااام عليكم

بصراحة كنت داخلة المنتدى طفشانة وموضوعك رجعلي ذكريات حلوه

بس لأني لسه بطيئة بالكتابة رح اكتفي بموقف واحد الان

بعد الزواج بفترة< تعرفون الوحدة اول الزواج دلع ما تطبخ > بعد الزواج بأسبوعين اخذني زوجي لبيت اخوه

في مدينة ثانية وطبعاً اختكم وقتها ما تعرف شي بالمطبخ

بس الظاهر ابو الشباب ماخذ مقلب ومفكر زوجته طباخة فكاشخ الرجال قدام الاهل

وبكل ثقة يقولي المحاشي الي ذقتها من ايدك مافي مثلها << طبعاً كانت هذيك ايدين الوالدة الله يحفضها >>

ايش رأيك تسويلنا اليوم ومنها تعلمين زوجة اخوي كيف تطبخها

وانا وقتها زي ما يقولون دوروني ما تلقوني

وقلتله حاضر وتركت امري لله .......والحمدلله شكل زوجة اخوه ما اعجبها ان طبخي حلو

واصرت ان هي الي تطبخ

وبعدين من رجعنا للديره خليت الوالدة تعلمني اكثر الطبخات .....

طبعاً زوجي لاحظ وقال غشيتوني بس انا اقول كل الحق عليه ليه ما سأل من الأول

شكلي ما كتبت طرفة شكلي طفشتكم

بس يمكن ارجع buenachica شكراً على الموضوع الحلو [/COLOR]

هههههههههههه ضحكتيني والله يا بينو ..
بس ليه بس الموضوع ده عايزة تفضحينا في وسط المنتدى ولا ايه ??
عموما يا ستي هحكيلك انا كمان عشان ماتزعليش..بما اني انا كمان زيك متجوزة من 3 شهور بس ..
لان انا سني صغيرة 17 سنة بس كانت المشكلة اكبر بالنسبة لي ..
فانا كنت دلوعة قوي في بيت بابي وماماي >>>>ههههههه
وماكنتش اعرف اعمل اي حاجة خالص ولا حتى الرز .. بس قبل اسبوعين من الجواز رحت اتعلمت شوية حاجات بسيطة زي الرز والطبيخ العادي وصينية الفراخ في الفرن وكده يعني ..
بس للاسف كل مرة اعمل مثلا رز او اي اكل يطلع لامحروق .. لمعجن في بعضه.. لمالح قوي .. كده يعني كل ماازبط حاجة حاجة تاني تبوظ وفضلت كده لحد الجواز وانا مافيش اكلة زابطة معايا >>>>> كانوا بيدعولي ربنا يصبر جوزي علي اكلي هههههههه
المهم يا ستي بعد الجواز كان اول اختبار .. واول يوم اطبخ فيه .. كانت عزومة لحماتي عندي في البيت طبعااا... واخ من العزومات .. وخصوصا انها لحماتي .. يعني لازم الاكل يطلع مية مية والا مش هتديني شهادة التفوق والامتياز ..وهتحطني في البلاك ليست >>>>ههئهئ ههههههه
قعدت من بليل اجهز في الفراخ وحطيتلها الخلطة السرية بتاعتي اللى تخليها تهبل .. وجهزت كل حاجة من بليل عشان الصبح اقدر اعمل على طول مش اقعد افكر واحوس في المطبخ بقى ..

تاني يوم الصبح افتكرت انها هتيجي على الغدا يعني .. راحت جاتلي من الصبح ?!! بس الحمدلله انها جت بدري .. تعرفي ليه ? هقولك بعدين ..
المهم اناعملتلها الاكلة الوحيدة اللى اعرف اعملها حاليا وهي صينية بطاطس وفراخ في الفرن ..
وشافتي وانا بجهز وبعمل .. واخييرا الاكل استوى ..
قعدنا على السفرة وانا قلبي بيعمل كده >>> بم طق بم طق بم طق
ومعايا حق طبعا ..
اول لقمة داقتها كانت من الرز >>> يا خرابي ..
بس داقت وقالت >> اممممم بجد نجحتي في الاختبار .. وتاخدي بوسة .. الرز مظبوط ولا هو مالح ولا محروق ولا حاجة خالص ..!!!!!!!!!!
الحمد لله جت من رب السما النجدة ههههههه
وبعدها داقت الفراخ بتاعتي اللى بحطلها خلطة سرية ماحدش يقدر يقول عليها اي حاجة خالص راحت قالتلي .. اول مرة في حياتي ادوق فراخ بالروعة والجمال ده كله .. دي قليلة عليها كلمة لذييييذة وطعمة ?!!
اوووووووووف >>> تنفست الصعداء طبعااا
اما ليه بقى كويس انها شافتني وانا بطبخ فده لانها كانت بتشوفني مش بعمل الاكل مع ماما فافتكرت اني خايبة ومش بعرف اطبخ خالص .. وقالت اكيد زوجي هو اللى هيطبخ ... لانه طباخ ماهر >>> طبعا العزوبية اكبر معلم للطبيخ ههههههههه
فزوجي اثناء الاكل وهي معجبة بيه قالها ده انا اللى عامل الاكل ده بهزار طبعا.. قالتله لولا اني شايفاها بنفسي وهي بتعمل من الصبح كنت قلت انك اللى عامله والله !!!
وادي يا ستي موقفي وبسسس .. انا كنت بدعي وبقرا قران لربنا كتير عشان يسترها .. والحمد لله سترها ههههههه
بس للعلم بعد كده اثناء الطبيخ لجوزي لازم الاكل يطلع خايب تاني احيانا ههههههه.. وساعات بكون رايقة وانا بطبخ فبيطلع حلو هههه
اديني كتبت موقف طوييييل عريض .. اتمنى انكم ماتزهقوش منه بس .
يلا سلام يا بينو
اختك
ريهام

ههههههههههههههههههههههه..

والله ضحكتوني..


والله يسترها معاااااااكم على طووووووووووووول.

وبنتظاااااااااار البقييه..





اختكم..

أهلا أختى سالى
الحمد لله إن ربنا عداها على خير كانت هتبقى فضيحة قدام أهل زوجك ربنا سترها .. أنا مش عارفة الواحدة مننا مبتتعلمش الطبيخ فى بيت أهلها ليه وتطاوع أمها .. يلا دى أخرت الدلع .. موقفك جميل بس مستنياكى تانى شكلك لسه عندك كتير

أهلا ري ري ( الساجدة للواحد ) عروستنا الصغنونة ..
انتى معزورة بصراحة أنا فى سنك مكنش عندى أى إستعداد حتى أعمل سلطة .. كويس إنك عملتى كدة .. الحموات برده حاجة تخوف بيبقى إختبار أنا برده حصلى الإختبار ده والحمد لله ربنا ستر ونجحت .. خلى بالك بقى من جوزك أصل الأكل المحروق والمعجن والمالح ده ممكن يأثر على معدته . . خلى بالك منه مطفشيش الراجل

أهلا مزيونة قطر
إنتى داخلة تضحكى علينا وخلاص .. متضحكينا عليكى شوية .. نورتينا يا عسسسسل فى مطبخنا المفيد المليان بالتجارب اللذيذة المفيدة .. شوفتى طبعا الطباخات الماهرات إللى إشتركوا معانا .. عايزينك بقى تكتبلنا إنتى كمان متضحكيش علينا وخلاص

إستنونى بقى أحكيلكم تجروبتى مع الحمااااااااااااااااااااااااااااااااااام المحشى

يـــــــــــاليت.

بس خبرك..توني على هاا السواااااااالف..

امتعتووني بسوووالفكم....
انا في انتظاركم.

اختكم...

واللى مابعد تزوجت هههههههه

أهلا أختى ردود
نورتى الموضوع .. لو عندك مشاركة قوليها .. مش مهم نستنى لما تتجوزى

ههههههههههههههههههههههههههههههههههههه

يعطيكِ العافيه اختي buenachica

ذكرتيني بأيام زمان

والله أنا أول ماتزوجت كان عندي 15 سنه

وكنت ماأعرف غير المعادلات والنحو والتفصيل

وتزوووجت ودخلت للمطبخ يؤ ايش هذا

وقلت خليني اجرررررب واسوي معكرونه تكفي عشر عوائل

وطعمهاااااااا وقلت في نفسي يؤ شسوووي الحين

ومافيه احد عندي اهلي في مدينه وانا في مدينه

بس فكرت شوي وقمت حطيت شوي معكرونه وزينتها بالفلفل واليموووووون

وصار الطعم


ولي عوووووووده بأذن الله أحكيلكم المطبخ مع أول ليالي الزواج