****قصته مع الكلب المسعوووور****
أولا" مرحبــــــــــا بكل وحدة شرفتني بوجودها هنا ...
ثانيا" هذي قصة ((( منقولـــــة ))) إطلعت عليها في منتدى..
وأعجز وأنا أقولكم إيش قد ... إيش قد ... إيش قد
ضحكت من كل قلبي
وكلما أقراها أضحك من جدييييييد
بصراحة شفت خفة دم زي كذااااااا ماشفت
المهم لاأطولها عليكم إسمعوا القصة من كاتبها:
أنا بوسارة... شاب مستقيم ساكن في بيت الوالد ومقيم مع الأهل من 19 سنة
بصراحة أغلب وقتي في الإستراحة مع الشباب ... متقاطين 7 شباب في الإستراحة
والإيجار له 3 شهور مطوفينه وكل يومين متلاقطين مع الكفيل (تراااني سعودي)
أقصد مع راعي الإستراحة...
سميناها إستراحة الأنس .. تقع خلف الطريق العام .. خلف البقالة اللي ماتبيع تتن ..
يحدها جنوبا" هايلكس موديل 77 منقلب (الوصف أعتقد واضح)
الإستراحة هذي عزيزة علي .. 23 ساعة ونصف يوميا" فيها .. لاطفشت من دنياي عسكرت فيها ..
وإذا حدتني ظروف الحياة وبغيت أنقلب لجأت لها بعد الله وزال همي ياعمي..
خلوني بداية" أعطيكم نبذة عن ربعي في الإستراحة مع تعريف صغير لكل واحد:
سطام (( رومانسي ويسمع عتاب ))
سعد (( ولد نعمة ويتروش يوميا"))
بوفهيد (( أعزهم على قلبي والأقرب لي في هالعالم كله ))
بوخدرة (( مسوي عربجي ))
عبدالغني (( أسمراااااني نلقبه كرنتينا .. أحيان يتقبلها وأحيان ينصرع ويطنقر))
حمود (( قروي أبرز هواياته جمع الطوابع والعملات النادرة والحش في خلق الله))
والسابع محسوبكم بوسارة زعيم الجلسة
كلنا أعمارنا 19 ماعدا بو 22 سعد هو الوحيد اللي عمره 26 سنة
كل ماسبق توطئة قبل مانتوطى في أم الحكاية اللي راح أسردها لكم..
ذاك اليوم لابارك الله في ذاك اليوم..
رجعت البيت الساعة 3 الفجر.. لقيت الباب مفتوح .. إستغربت من اللي فاتحه هالوقت
دزيت الباب ودخلت .. وتوني جاي أديووور (ألف) وأصك الباب
هجم علي الوالد من خلف النخلة .. وبحركه من بتوع جاكي شان .. سدد لي وحده بالصدر ..
خلتني ألصق في الباب .. وأصكه بظهري ..
وقف قدامي .. ومعه معصاد الجريش .. وقال: جاي بأنصاف الليالي وريحتك بلوت ؟!
قلت : روووقنا الله يجزاك خير لاتفضحنا .. فك وأفك ..
قال : شايفني بيبسي بو نص ريال ؟!
مسكني من شعري وتلني وخلاني أوقف قدامه زي الألف أ أ أ ..
قال : هماني قايل لك إحلق شعرك .. أنا أوريك ..
وحط راسي بين سيقانه .. ومسكني من بطني ورفعني فووووق عالي السحب ..
متأثر بهالمصارعة في دبي الرياضية
ثم رماني على الأرض وآآآآآه ياظهري
قمت ألقَط وجهي وبوكي وجوالي وسبحتي وقلت :
الشرهه ماهيب عليكم .. الشرهه على اللي جاي يشوفوكم ..
وطلعت زهقاااااان .. وعلى ين يابوسارة على وين ..
مابدهاااااش .. ماإلك إلاهيفاااء .. الإستراحة طبعا"..
جيت الإستراح .. ولقيت حمود وبوخدره يشخرووون
قمت أفرفر في القنوات وأناظررسايل هالمراااهقين وأتحمد ربي :
(( محمد وحشتني إفتح جوالك ودق ترى بموت .. حبيبتك لمى ))
(( سعود الرياض : أبي أتعرف على وحده رومانسيه وتسكن شرق سكاكا ))
(( ميسون الخبر : إرجع ياكل الحب إرجع ياخلوووودي ))
طفشت منهم .. فريت على الفضائيات الحكومية .. وأثر البرامج الدينية تدهر بهالفجرية !!
لاصحوا الناس حطوا أفلام وأغاني ..
وإذا ناموا حطوا برامج قتاوي وأحاديث !!!
بيني وبينكم الدش مو صافي .. يقطَع ..
والشاشة تروووووح وتجي .. أشرت لها عيت توقف
صكيته وأخذت لي غفوة ..
جاني الهندي لقمان حق الإستراحة معه كيس صامولي يصي فيني :
بابا سارة بابا سارة .. قوووم ((( سئووور يجي )))
رفعت الكاب عن وجهي .. صكيته طراااق .. قلت إطلع من سماي موناقصك
قال : والله سئووور يجي ..
ناظرت الدريشة : النور بدا يشقشق والدجاج يبقبق
قلت له : من اللي جااااي هالحزة ؟!
قال : سئووور كبير أسود
قلت : تكلم زين وش بك كأنك ملحوووق .. عاد علي نفس الجملة ..
قلت في نفسي : الله يرجه .. أكيد هالأسمراني جارنا منصور الدب ..جاي يبي زي العادة :
سلف ملح .. ماجي .. صلصة ..
قلت أطلع أشوفه .. وأنا طالع صكيت باب الإستراحة بالغلط ..؟؟
يمين ... يسار ..
مالقيته .. وين راح منصور ؟!
قلت أكيد أبطيت عليه ورجع إستراحتهم .. بروح له قبل لايجيني ..
وهنا بدأت الحكااااااااية
مشيت..!!
مشيت ..!!
وفجأة ..
وقفت ..
ثم مشيت ((أخ ياااااإثارة هوليود ياأنا))
وأنا في الطريق سألت نفسي :
وش جايبه منصور هالصبحيه.. ؟
هو وربعه مايجون إلا المغرب ويمشون 1 الليل .. غريبة ..
وصلت إستراحتهم .. لقيتها مقفله ولافيه أي سيارة عند الباب ..
قلت : الله يرجك يالقماااااانووووووه ماعمرك جبت العلم الصحيح ..
وقلت أرجع لأني نعساااااان
وأنا مديوووووور .. لمحت زوووووول أسود كبيييير !!!
حلوه..؟!
ودكم أكملها لكم ..؟!
وتشوفون بوساره إيش سوا مع الكلب المسعوووووور ..؟؟
رد مع الاستدلال
؟؟ ووووووووين التكملة 
؟
وإبشري ياعيوني راح أنتبه المرة الثانية 
) لمحت زوووول أسود كبيييير..؟!!!
الروابط المفضلة