السلام عليكم ورحمة الله وبركاته
اشحالكم .. شو مسوين .. با قول لكم شو حصل لي هذا الاسبوع وشو بيحصل .. هو شوي طويل بس إقروؤا
انا ماشاء الله علية خشمي طويل .. وكل ربيعاتي يقولون ياااي خشمج حلو .. ياااي خشمج طويل ..وبعضهم يقولون ماشاء الله وبعضهم لا .. لين يوم الاربعاء 29 / 6 / 2005 حصل لنا حادث.. كنا راجعين من الشاطئ ( شوفوا توقيعي >> يمكن اغيب عن المنتدى لمدة شهر.... ) تعرفون ليش باغيب ؟؟ عشان في الاجازة الناس يسيرون الصيفي صح ؟؟ وانا بعد باسير .. المهم .. يوم كنا راجعين من الشاطئ حصل لنا حادث في الباص >> دعمنا شاحنة بقوووووووووووة وانا اتعورت في خشمي وطلع شويه دم >> البنات حسدوني علية .. وفي بنت رقبتها انكسرت .. وفي بنت ايدها انكسرت وكانوا بيسون لها عملية بس بعدين غيروا رأئيهم .. وفي ولد كان قاعد جنب راعي الباص وطاح الزجاج علية وطلع شوية دم على ويه يعني خدوش بس .. وراعي الباص انكسرت ريلة وطلع دم .. وفي بنت داخت .. والمشرفة اللي معانا طاحت على الدرج مال الباص وانكسرت رقبتها .. وفي حديدة جنب الباب انكسرت ويوم كنا نبي نطلع من الباص ماقدرنا الا بصعوبة عشان الباب صار ضيق وما يقدرون يفتحونة .. والكراسي مالت الباص راحت لقدام يعني صارت مو مستقيمة .. وكانت حالتنا حالة .. بس الحمد لله صرنا بخير ..
والشي الثاني اللي بيحصل لي هذا الاسبوع يوم الاربعاء الجاي 6/ 7 / 2005 :
باسافر السعودية >> اول مرة في حياتي اسير السعودية .. يا فـــرحــــتـــي بنروح عند الكعبة والمدينة .. بس مانعرف حد في السعودية .. بس عادي بنسير الفندق خخخخخ .. حد تبيني ادعي لها بشي ؟؟
وشـــــــكـــــــــراً
الروابط المفضلة