هالموضوع قديم متجدد .. وكل فتره ينضمون للمنتدى عضوات جدد .. وكل عضوة لا بد يكون عندها شنطه
شو رايكم يا حلوات تخبرونا شنو في بشنطكم
أنا عن نفسي توني بعد هوشه مع زوجي عشان بنرد لديرتنا اكتشفت في شنطتي بلاوي
مناديل كلينكس لين تقولون بس
ميداليه فيها مفاتيح السياره و البيت و غرفتي و صندوق مجوهراتي ( كلهم 4 سلاسل و حلق وخاتمين )
ميداليه فيها مفاتيح سيارة زوجي و مفتاح مكتبه في العمل و مفتاح صندوق البريد
لزقات جروح ( عشان بناتي )
حلاوه مصاص (عشان بناتي و أبوهم )
قراطيس علك من سنة كل واسكت
بالونه مفقوعه
شباصات شعر
نظاره شمسيه
فواتير من شهرين حقت مجمع إيتون
الجوال
بوك فيه (بطاقتي الشخصيه و بطاقة المستشفى و خرده قروش و صور زوجي و بناتي و أبوي و أخواني الصغار و عيال اختي و أخوي و حوالي 320 $ كندي و بطاقات البنك )
بطاقات السبواي او الأندر جراوند
بطاقات الباص
ولا تغركم الزحمه ترى شنطتي صغيره و مرتبه بس منتفخه
أما ألحين بديرة اهلي فشنطتي مافيها غير الجوال و البوك و بناتي اخليهم كل وحده تحمل شنطة ظهر صغيره
فيها عفستها
هذي اللي بشنطتي ... فشنو فيه بشناطكم ؟؟
الروابط المفضلة