وعليكم السلام ورحمة الله وبركاته
هلا بعزّوزة وبمواضيعها الرائعة..
الموقف اللي ذكرتيه صارلي مع قريبتي...
دخلنا المحل مثل ماقلتي ..وإحنا نختار البضايع قعد الموظف يمدح ذوقنا..
آنا عطيته بولبّاس..كِشت فيه..يمكن كنت بطلع لو لقيت اللي أبي في محل غيره..
يوم شافني ساكته..تمادى علينا..
ذاك اليوم تفاجئت من قريبتي ..كانت بنت ال17 أو أصغر بعد..
شوي إلا وإنفجرت فيه وصارت تخانقه وتهزأه وأنا أسحبها أبي الفكّة..وهو بعد تخرّع منها..وطلعنا على طول
وبس هذا الموقف الوحيد اللي مر علي..
--
طيّب شنو ردّة فعلك في الموقف التالي:
ذهبت لزيارة عند جيرانك..ومع الحديث فوجئت أنّ صاحبة المنزل بدأت بالتهجّم على
جارة ثانية وتذكر حادثة حصلت بينهما وتقول أنها فعلت وقالت(أي جارتها ) وتبدأ بشتيمتها..وأنتِ لا حول لك ولا قوّة..
وبعد مدّة زمنيّة ذهبت للجارة الأخرى وذكرت لكم الموقف لكن بشكل آخر..مختلف عمّا ذكرته الأولى..
ولم تتهجّم على الأولى أو تسبّها كما فعلت السابقة..بل تدعو لها بالهداية فقط..
--
برأيكم:
أليس أمراً مغيظ..خاصّة إذا كنت لا تستطيعن قول كلمة وإلا إعتبرت في صف هذه أو تلك..
--
الروابط المفضلة