الـخير بــــقدوم الــحبايــــــب وارد .. والسمحة خلت بالي دايما شارد
أصــــلو الفرح للمهــــموم طـــــارد .. تــــعالوا اتلمو أنا عندي ضلا بارد
وراجياكم قلوة وبخور .. فناجين أبو نجمة .. وحكاوي


إزايكم كيفينكم بنات بلدي السودان و بنات وطني العربي
ياريت لو نتلم هنا نتونس و نحكي و نفيد و نستفيد نفرق شويه على بعض
طبعا أنا عارفه أخواتي العربيات في كلام هنا مامفهوم ليكم لانو سوداني أنا قاصدة كدة عشان دايرة كلنا نتعلم لهجات وكلمات بعض وعادات وتقاليد بعض يعني تقدرو تسألو عن أي كلمة مافهمتوها حنواريكم ليها ونحنا كمان حنعمل نفس الشئ ولا رايكم شنو
حبابكم عشرة تاني في بيتكم السوداني

السودان
السودان بلد المليون ميل مربع
بي الكرم والخير مشبع
فيك نجوم في سماك تسطع
بي القران تنور كل مسمع
فيك حنان وفيك مودة
بين شعوبك انت اجمع
في داخل المليون ميل مربع
يا سودانا عدن النيل فيك خضره
وجمال ونخيل
فيك شموخ التاكا وجمال توتيل
فيك ريحة أجدادنا الاسسوك قبيل
انت الطيبة والتحنان
فيك الكرم موجود في كل مكان
فيك البكرم الضيفان
كم كتب فيك شاعر
وكم غني ليك فنان
مني ليك ألف تحية وشوق وحنان
يا وطني يا السودان