دورة اعداد محفظات ...وتحفيظ وتجويد .....من تتسابق؟

لسلام عليكم

أخواتي في الله
وحشتوني
ووحشتني الدروس
ايه رأيكم لو نبدأ من جديد باذن الله
طبعا التحفيظ والتجويد كان توقف في الفتره الاخيره بسبب الامتحانات وظروف السفر
ياترى بقا مين هتبدأ معايا من جديد في المجموعات الجديده
وطبعا لو واحده نفسها تكون محفظه تقول وباذن الله نعملها دورة مكثفه تتعلم أحكام التجويد ونديلها الخطوط اللي تمشي عليها في التحفيظ
ولو أخت من الاخوات في المجموعات القديمه عاوزه تكمل هنكون سعداء جدا بيها
كل اللي عليها تعمل ايميل على السكايبي
وتحمل البرنامج من هنا www.skype.com
وتبعتلي ايميلها عالسكايبي على الخاص لاني مش مسؤله عن اي معاكسات لو حطت ايميلها هنا
وبالنسبه للأخوه الرجاله فباذن الله هدبس البوسطجي " اخويا الصغير"في مجموعه بس انتوا اتجمعوا
هااا الهمه يا شباب هما يادوب تلات شهور اجازه
عاوزين نخرج منهم حافظين كام سوره

الموضوع كله عباره عن ساعتين في الاسبوع عاوزينهم ورا بعض ماشي
عاوزينهم على مرتين ماشي
ونخرج من الاجازه بثواب وحاجه تنفعنا في الاخره
وملحوظه
هنحفظ على النت بالصوت كأننا مع بعض في المسجد
وكل درس عباره عن مقدمة عن الجزء اللي هيتحفظ وقراءة الجزء بالتجويد و تعلم حكم من أحكام التجويد وتفسير الجزء اللي بنتدارسه في اليوم ده ولو تبقا وقت بيكون فيه جزء خاص بمناقشة المشاكل الاسريه والاجتماعيه
منتظره ردكم

معقوله ولا رد ؟
ماحدش محتاج للدوره ولا ايه؟

لا كيف أختي أكيد الكثير محتاجها !!

جزاك الله خير وبارك الله فيك

ولو في عضوة جديدة ما تقدر تراسل ترسل لي وأكون واسطة خير بينهم

وباكون سعيدة جدا

بس أبيكم تدعون لي لو اجتمعتوا ....

ربنا يجازيكي كل خير
واذا اجتمعنا او لا اكيد بندعيلك باذن الله ولكي الاجر والثواب من الله

اعلان هام : باذن الله في حلقة تحفيظ الساعه 8 مساءا على السكايبي
https://skypecasts.skype.com/skypecasts/yours
ده عنوان الغرفه
بتدوسوا عليه وتعملوا تسجيل دخول في الميعاد " الساعه 8 مساءا وبتلاقوا عنوان الغرفه وجمبه join this skype cast بتدوسوا عليها
بس بتكونوا اصلا فاتحين برنامج السكايبي
هتلاقوه بيعمل اتصال لوحده برقم الغرفه
وهتدخلوا باذن الله
بعد موافقتي طبعا
والتحفيظ بكره باذن الله للبنات والسيدات
مافيش رجاله بكره يعني
ماحدش يتأخر يا جماعه
واللي لسه ما حملش البرنامج يحمله من هنا
www.skype.com
و خدوا بالكم من اختيار اللغه في اثناء تسطيب البرنامج في خيار لغه عربيه من تحت ممكن تختاروه عشان يسهل عليكم التعامل
وبعد كده تدوسوا مستخدم جديد وتكونوا حساب عليه
في انتظاركم وماحدش يتأخر