مراجعة آل عمران كل يوم ربع

إن شاء الله هبدأ من يوم الإربعاء 21 / 11 مراجعة آل عمران لمده 16 يوم يعنى نخلص يوم 6 / 12 إن شاء الله بمعدل كل يوم ربع والخميس مراجعه ما تم مراجعته طول الأسبوع والجمعة أمتحان
فياريت اللى يعجبها الجدول ويناسبها تسجل عشان نبدأمن يوم الإربعاء أن شاء الله

جدول المراجعة
الإربعاء 21 /11 : ربع ( الم )
الخميس 22 /11 : ربع ( قل أؤنبئكم )
الجمعه 23 /11 : امتحان
السبت 24 /22 : ربع ( إن الله اصطفى )
الاحد 25 /11 : ربع ( فلما أحس عيسى )
الاثنين 26 /11 : ربع ( ومن أهل الكتاب )
الثلاثاء 27 /11 : ربع ( كل الطعام )
الاربعاء 28 /11 : ربع ( ليسوا سواء )
الخميس 29 /11 : مراجعه
الجمعه 30 /11 : امتحان
السبت 1 /12 : ربع ( وسارعوا )
الاحد 2 /12 : ربع ( إذ تصعدون )
الاثنين 3 /12 : ربع ( يستبشرون )
الثلاثاء 4 /12 : ربع ( لتبلون )
الاربعاء 5 /12 : مراجعه
الخميس 6 /12 : امتحان

مع ملاحظة ان الامحان تراكمى يعنى كل امتحان هيكون فى اللى قبله كله مش الاسبوع بس عشان نكون فى الاخر امتحنا فى السوره كلها

أختي ذكريات
البرنامج حلو بس أنا رأيي أن كل أسبوع أمتحان في نصف حزب
لأنه كل واحده منا عندها مشاغل
وأنا لسه براجع البقره معاك ومع الأخوات
وكنت عامله حلقه لحفظ سورة التوبه لأنه هدفي أحفظ السبع الطوال
خلص يوم الأربعاء بنبدأ حفظ
أنشاء الله
الله يوفقك ويملأ وقتك وحياتك بالقرآن

معلش حبيبتى ايمان شدى حيلك عشان المراجعه لازم تكون اسرع من الحفظ عموما جربى لو ما نفعش
أعملى ليكى جدول مراجعه مش لازم تكتبهولى بس ابقى قوليلى انتى عايزه تمتحنى فى ايه وانا امتحنك وانتى امتحنينى على هذا الجدول
وجزاكى الله خيرا على المشاركه
والله المستعان

خلص أختي بامتحنك ولما أخلص المراجعه باقولك علشان تمتحنيني
وشكرا لك والله يشد همتك أكثر

جزاكى الله خيرا أختى ايمان

السلام عليكم انا بسجل معاكم بس يمكن الاربعاء اتاخر عليكم شوي
وجزاكم الله خير

أهلا بيكى أختى صديقة الأشجار معنا
معاكى يا حبيبتى الاربعاء والخميس فى أول ربعين وأول ربع مش كامل عشان سورة البقرة واخده منه صفحه يعنى قدامك وقت إن شاء الله والامتحان هيكون موجود يوم الجمعه ممكن تمتحنيه يوم السبت بس حاولى ما تخليهوش يضيع وقت من مراجعة الربع الجديد بتاع يوم السبت
والله الموفق

سلام عليكم أخواتى ايمان وصديقة الأشجار
يارب تكونوا بدأتوا النهارده إن شاء الله ، كنت عايزه اذكركم بالنيه عشان يكون القرآن شاهدا لنا ولا يكون شاهدا علينا إن شاء الله
وعايزه كمان اقولكم وسيله بتسهل الحفظ والمراجعه هى قراءة التفسير بجد بتسهل الحفظ أوى( تفسير السعدى مبسط جدا هتستفيدوا منه كتير) .
وكمان اوعوا تنسوا مراجعه البقره مع آل عمران انا حاطه كل يوم 5 صفحات فى كل صلاه صفحه واحده إن شاء الله بالطريقه دى هتكون سهله ونكمل كده لغايه ما ندخل معاها آل عمران إن شاء الله
ولا تنسوا الدعاء لبعض بظهر الغيب وياريت تدعولى بالذريه الصالحه
وجزاكم الله خيرا
سلام عليكم

سلام عليكم أختى ايمان واختى صديقة الاشجار
اختى ايمان واختى صديقة الاشجار انا لسه مش عارفه انتوا هتمتحنوا فى ايه كنت عايزه اعرف ابتديتوا واللا لسه .
انا جاهره للامتحان فى الربع الأول والتانى ان شاء الله
سلام عليكم

أختي العزيزه شو رأيك
أكتب الأمتحان في أول ربعين