ألو .. ممكن مساعده

** امرأة القوس ** · 05-09-2004, 11:18 PM

السلام عليكم ورحمة الله وبركاته
اخواتي عندي طلب صغيرووون

....
اختي بتسكن بيت قريب...ونوع سلم المنزل خشب ساده غامق....
يعني كأنه شبك....المشكله ان هذا السلم يصير ظهر الصاله ...
وهي تبي ديكور حلو تغطي فيه جموود السلم...
اغلبهم يلفون غصن به اوراق في هذي المشابك.بس هذي فكره تقليديه. اهي تبغي فكره جديده ومهضوومه .
الي عندها افكااار.تشرفنا بمعرفتها
والي عندها صور بعد..لها خالص الشكر ....
لالالالالالالالالالالالالالالاتنسوووني مابي الردوووود(صفر)

جزاكم الله خيرا

**عسل الجنه** · 06-09-2004, 08:21 AM

أهلا فيك حبيبتي
أفا عليك ليش تتوقعين الرد وود أصفار بس المسألة وما فيها يكون بعض الأخوات يبحثون لك عن طلبك أو اللي ماعندها فكرة
أول حاجه مبروك مسكن أختك الجديد وجعله الله منزل السعادة
ثاني شئ أنا جاء في بالي 3أفكار:
الفكرة الأولى:هو تعليق شموع داخل فوانيس شكلها جميل ومرتب
الفكرة الثانية:وهي أن تقوم أختك بطلاء السلم بلون فاتح ثم بواسطة عجينة السيراميك تشكيل أشكال مختلفة مثل
أوراق شجر صغيرة وتثبيتها على سياج السلم...سيتغير شكل السلم ويصبح أكثر اناقه
وهذا رابط لطريقة عمل عجينة السيراميك على فكرة تلون بألوان الزيتيه العصارة لكي لا تتلف مع الماء
إصنعي بيديك.... ورود وأزهار للزينة! (للأخت ريم يونس)
عجينة وأوراق نباتات رائعة صنع يديك! (للأخت ريم يونس)
الفكرة الثالثة:وهي تعتيق السلم بواسطة الاسفنجه بأي لون مناسب يندمج مع اللون الموجود بالسلم...
على فكرة كل الأفكار السابقة سهله ويمكن عملها شخصيا...
وإذا حضرتني أي فكرة ابشري...

** امرأة القوس ** · 06-09-2004, 10:40 PM

مشكوووره عسل الجنه على الرد انا اشهد انك عسل ...............
وافكارك حلوه وذوقك احلى ..........

**دندون** · 07-09-2004, 04:11 PM

عزيزتي.....في فكرة انا قد نفذتها في بيت وطلعت روعه......
وكانت عبارة رسم من بداية الدرابزين وحتى نهايته مع اضافة القليل في الجوانب
وطلع الدرابزين روعه واحسن من الستيل
ويالتوفيق لكِ غاليتي وبيت مباركِ لاختكِ

**strawberry** · 13-09-2004, 10:29 AM

صباح الورد

ماشاء الله الأخوات ماقصروا ...

بس ماقلتي ... شو هو اللي خشب وكأنه شبك

قصدك الدرابزين؟؟

ولا السلم نفسه؟؟؟

أنا عندي ايمان كامل انه السلم هو قلب البيت ... يعني اذا بتهتمين فيه راح يتوج بيتك ويطلع تحفه فعلا...

فيه سؤال كمان...

ظهر السلم واضح ؟؟

ولو تعطينا صوره يكون افضل ...

>>> ودها تساعد