مثل ما هو واضح بالعنوان أنا شقتي لون الصاله أخضر تفاحي فاتح ((الله يهدي صاحب الشقه شالللون )ههههه
يعني أنا من عشاق الأخضر بس عاد عاد مو لون جدار
المهم أنا قريت كثير مواضيع واسشرت ناس لاكن للحين خايفة
أعلمكم شفكرت فيه
أولا ما أقدر احط كنب أخضر وأفرش الأرض أخضر لان بيصير الناتج .......فكرو شوي خخخخ


.
.
بتصير صالتي كأنها نرد (قيس ) للعب لعبة الحية والسلالم خخخخ كلها خضره مو شي
فكرت بالبيج وهو اكثر لون عاجبني لمشكلتي بس مشكلة الوسخراح تظهر بقوة عليه
في اللون السماوي لايق وهادي لكن احس اني شبعت من هاللونين مع بعض حيل
والبنفسجي برضو لايق بس جريء شوي
البرتقالي لايق بس أكثر من اللي قبله بالجرأة
والأحمر أكثر وأكثر

هذي مشكلتي باختصار وأتمنى القى ذوق شميل من وحده شميله ههههه <<<< تساحلكم عشان تردون خخخ
أنا راح اختار ضروري على الاسبوعين الجايين فحابه وحده حكيمه جدا تشور علي قبل ما اتهور واختار لون اندم عليه او يخلي صالتي كأنها مكان تهريج خخخخخ
استنى ردود الأخوات بالمنتدى كل وحده تقرا موضوعي تسدح لي ذوقها الخاص
وشكرررررررررررررا

مرحبا عزيزتي
اول شي مبروك وان شاء الله تتهني

لو انا كنت مكانك، ما حفكر بألوان فاتحة راح تصير الوان الصالة باهتة، بدك لون قوي يكسر درجة البهتان ويبرز جماله التفاحي، ممكن تتختاري الاسود مع الابيض عادة الناس بخلطوا مع هاللون الاحمر او الفوشيا والاصفر وبتوقع الابيض والاسود مع التفاحي راح يطلع تحفة.. وممكن كتير اذا بتخافي من اللون الاسود (لأنه يحتاج جرأة) ممكن تستخدمي الرمادي بدرجاتة وبتدخلي اضافات بسيطة من اللون التفاحي برضه بدرجات، من خلال الوسادات اللي على الكنب او الاضائة الجانبية او حتى حركة خفيفة من خلال اللوحات،، للاسف ما عندي صور، بس ممكن لو في وحدة من الاخوات عندها صور بتدعم هالشي ممكن توضحلك شوي بالصور ..
موفقة ان شاء الله

كتبت بواسطة حنونة الشرق

مرحبا عزيزتي
اول شي مبروك وان شاء الله تتهني

لو انا كنت مكانك، ما حفكر بألوان فاتحة راح تصير الوان الصالة باهتة، بدك لون قوي يكسر درجة البهتان ويبرز جماله التفاحي، ممكن تتختاري الاسود مع الابيض عادة الناس بخلطوا مع هاللون الاحمر او الفوشيا والاصفر وبتوقع الابيض والاسود مع التفاحي راح يطلع تحفة.. وممكن كتير اذا بتخافي من اللون الاسود (لأنه يحتاج جرأة) ممكن تستخدمي الرمادي بدرجاتة وبتدخلي اضافات بسيطة من اللون التفاحي برضه بدرجات، من خلال الوسادات اللي على الكنب او الاضائة الجانبية او حتى حركة خفيفة من خلال اللوحات،، للاسف ما عندي صور، بس ممكن لو في وحدة من الاخوات عندها صور بتدعم هالشي ممكن توضحلك شوي بالصور ..
موفقة ان شاء الله

نسيت أقول لك أني فكرت بهالشي وبصراحة من الألوان اللي راقت لي بس أنا فكرت باللون الرمادي فتخوفت أشوي من بهت اللون .......... ممكن أقول اني الحين اكثر شي دخل مزاجي ( بين الرصاصي و البيج بنفس الفكرة اللي قلتي عنها راح يكون في خداديات بلون الأخضر أو حتى أي لون ثاني مثلا البنفسجي أو الأحمر أو البرتقالي (((حيل عاجبتني فكرة ادخال اللون الحمر مع الكنب الرصاصي ))والبالتالي فرش الأرض بنفس اللون اللي راح اضيفه للون الأساسي مثلا لو اضفت لون أحمر للرصاصي راح افرش الصاله حمره ههههه جريئه المره)بس اثنينهم لهم السلبيات نفسها اللي هي راح يبان فيهم الوسخ
مين الأحلى فيهم (الرصاصي أو البيج)لو صفينا على هالاختيارين...أنا ارشح الرصاصي <<<<<<<<مين طلب رايك......
.......
هههههههههههه
راح يكون لي رد ثاني مدعم بالصور ن شاء الله لأبين وجهة نظري أكثر و أبين سبب عزلي لبعض الألون
.................


برب

السلام عليكم ورحمة الله وبركاته

إن شاء الله تتهني أخيتي (^_^)

شوفي هالصور بلكي تقدر تساعدك وبعدها بحكيلك شو رأيي (^_*) لأنه صراحة ما بعرف شو درجة التفاحي عندك..








هذه الألوان تتناسب معه (^_^)




هذا الكنب جميل ويتحمل دعك أطفال ومتناسق مع التفاحي




أنا ما بحب البرتقالي كتير بس شوفي إنت

غاليتي
مبروك على لون الصالة الجديد
وعموماً ممكن تضعي كنب لونه بني أو أورانج غامق
أو لون الكاكاو الفاتح واللون الفستقي روووعة
يلبق له وتكون وساداته المكملة للكنب لون الحائط
والصور ممكن تعطيكي مجال للأختيار

أرجو إنك تكوني إستفدتي

شكرا جميعا على ردودكم .................صراحه ونااااااااااااااااااااااااااسه ماتحسفت أني سألتكم ون شاء الله بنوصل لنتيجه
المهم صقيقتي (أم غيث) الصور اللي عرضتيها خلتني أقتنع أكثر بالبرتقالي القوي و الأحمر القوي وأيضا
بس ما أدري لييييه خايفه أقول( تم )..... ما أدري احس كأن هالألوان لايقة للمطبخ أكثر <<<<<برا
......
صقيقتي (صاحبة البيت )
صورة الكنب الأخيره اللي عرضتيها خوفتني من الللون الرصاصي مع أنه كان نص عاجبني
فتحتي لي باب (الكنب الأخضر وأنا ما كان ببالي ) طيب لو بحط اخضر ما راح أحط إلا زيتي طيب الأرضية شراح يكون لونها حتى يكسر (الخضار) المنتشر في ارجاء الصالة <<<<عربي فصحة تتكلم الأخت ههه

برب

وراجعه

تقدرو تقولو هذا لون صالتي بس أفتح ب3 درجات .......لغز
(اللي أبي أقوله أنه مش تفاحي صارخ ولا تفاحي فاتح بقوه لدرجة ممكن نتجاهلو ونضيف الوان على مزاجنا )
.
.
.

علمتكم أول شي لون الصاله
والحين ثاني شي <<<<ما افتكيتو من المدرسه جيت لكم انا اعدد (قلبتها حصة جغرافيا )
أعلمكم ذوقي في الديزاين اللي راح نشتريه بأذن الله
......
الكنب اللي راح احطه راح يكون ستايله أوروبي اذا ما خاب ظني كذا يسمونه وراح يكون زاويه وفي طرف وحده من جهاته يكون ممتد مثل السرير اوكي .....
و هذا الستايل هو المنتشر حاليا في أغب محلاث الأثاث (وعاجبني أولا و أخيرا خخ) وأنا اصلا ما أحب الكنب التقليدي مليت منه لا أكثر وحابه التغيير
وهذي صوره تقريبيه للي اشوفه بالمحلات مع فرق التصميم

طبعا راح يكون اكبر للصاله لكن نفس الفكره <<<<<<<< أنا هذره الله يعينكم علي
شوي وراجع

بقول لكم الحين رايي وابيكم تقنعوني بالصح اذا كنت غلطانه
1/زي ما قلت في الرد السابق أني حيل حبيت الاحمر والبرتقالي بس ما ادري ليه مش قادره اقتنع فيهم يكونو لون صالتي
وخايفة ما يقتنع اهلي فيهم لانهم لون جريئ ........أتمنى وحده تقنعني فيهم (ودي بالبرتقالي أن ما صار لون صالتي بسوي مطبخي هاللون (حالفه هع)


2/ البنفسجي والوردي مع لون الجدار الزيتي احس انهم الوان بنوتيه ما تصلح لجلسه عائليه راح يكون متواجد فيها أخوان وأخوات ههههه(مو لايق بالمره )<<<<بس ترا يعجبني الموف مع الاخضر وارد اني اختاره


3/برضو ذكرت قبل شوي اني صرت متخوفه من اللون الرمادي مع اني احسه ستايل مقبول ويساعد اني ادمج الوان ثانيه معه
فيمكن لو كان الموديل اوروبي يطلع حلو بس موديل كنب خليجي مستحيل ما راح اسويه .


4/ راق لي واجد الأسود شوفو الصوره واحكمو ......خيال صراحه
[IMG] [/IMG]
5/ للحين ما هونت عن البيج عشان اضيف عليه كم خدخوده بلون برتقال <<<ذابحتنا بهاللون الا وتحطه خخخخ
شوفو الصوره [IMG] [/IMG]


6/لما شفت هالصوره قلت خلاص ازرق ولاني مختاره غيره ..شرايكم بالسماوي او الازرق يصلحون والا
[IMG] [/IMG]




[IMG] [/IMG]
7 / اي وحده ترشح لي كنب زيتي تقول لي باقي الترتيبات كيف(باقي الستاير والسجاد وكل شي )








............تعبت
ي الله كل وحده ترشح لي اللي تشوف انه الأحلى (الله يعافيكم اختارو لون واحد بس لا تحطوني بحيره انا ما سألت الا محتاره من الأحلى ))
لأن كلهم حلوين صراحه


اممممممممممم شي ثاني تقريبا ما وحده فيكم قالت لي السجاد (فرش كامل الصاله)احطه اي لون ..والستاير بعد


أوكي ...استناكم
واللي تختار لون معين

اختي بنسبة للستائر من الأفضل ان تختاري لون محايد يتماشا مع اي لون تختارينه
لفرش الصالة ولا يوجد افضل من اللون البيج السكري بجميع درجاته
يبقى الموديل و التصميم انت اختاري ما يناسبك .












اما بنسبة للون الكنب جميع ما ذكرت من الوان جميلة
وتتناسب مع اللون الأخضر في الجدار ، ولعلمك اللون الأخضر لون الطبيعه
اي لون يناسب معه و يظهر جميل فلا تقلقي ابدا
من كلامك يظهر انك تفضلي الألوان الراكزه الوقوره لذلك اعتقد ان هذا اللون سوف يكون رائع بنسبة لك
مع اضافة خداديات باللون البرتقالي .



وهذا اللون ايضا رائع





وهذا اللون الأخضر مع اضافة الخداديات المنوعة بألوانها المختلفة .



اما السجاد فبحره واسع جدا ان احببت الرسومات العربيه الإسلاميه
ستجدي ما تريدي حيث ان تنوع الألوان فيها جميل و لا يجعلك تتقيدي بشيئ .




وان كنت تفضلي النقوش الغربيه ايضا ستجدي ما يناسبك اهم شيئ تختاري لون الكنب اول وبعدها تقرري .





هذا اللون رائع مع الأخضر و البيج و مع اغلب الألوان





بتوفيق اختي .