فكرة وعجبتني مين الي جربها

السلام عليكم ورحمة الله وبركاته
شفت فكرة في المطبخ وعجبتني وقلت اخذ رايكم فيها ..
فكرت اني اصبغ المطبخ كله واحط سيراميك بس بين الدواليب الي فوق وتحت 10في 10 ..
وفي الارض طبعا ..
انتوا شرايكم وهل يأثر الطبخ على الصبغ ..
وايش الالوان المقترحة اذا كان الصبغ اوكي اذا كان المطبخ لونه خشبي ..

وعليكم السلام ورحمة الله وبركاته :

حياك الله اختي ..

انا ايضا مطبخي ..بين الدواليب العلوية والسفلية سيراميك ..لونه أبيض

ولون دواليب المطبخ ...قريب من درجة اللون في الصورة التي رسمتها ..

وصبغت الحائط بلون (مشمشي غامق )

ولم يتأثر السيراميك لدي من الطبخ ...ولي اكثر من ثلاث سنوات ولله الحمد ..

حاولت ارسم شكل تقريبي ..

عزيزتى ام سارونا الحلوة..
انتظرنى هذه اليومين راح انزل اكبر تشكيلة مطابخ...
ومنها النوع الذى ذكرتيه

شمالية غربية تسلمي على الرد وحاطة في بالي المشمشي بس حبيت اخذ رايكم ..
ياكروانه عجلي بالمطابخ عشان ناخذ افكار حلوة ..تسلمي على الرد ..

فكرة جميلة .. وشكلها حلو فى التنفيذ ..

لكن أعتقد أن الصبغ مع الوقت بيتأثر خصوصا لو بتحبى الطبخ كتير

اهلا يابوسي انا مابحبش الطبخ كثير يعني طبخي عادي جدا غدا بس هههههههههه..
يعني طبخي مش تقيل ..

طالما أنت زى حالاتى ............. أتوكلى على الله وأعمليها بصراحة شكلها يجنن

سارة تجنن , الله يخليها ويحفظها لك
خاااااااااااااااااااااااااااالف تعرف ران لا تؤيد الفكرة إطلاقاً
لأسباب كثيرة جمالية وعملية
والخلاف لا يفسد للود قضية

يسلموا وترى مهرها غالي ههههههه..
وياستاذا خالف تعرف ممكن تذكري الاسباب الجمالية والعملية ..
لان على كلام المصمم انا رحت المحسن الي في سيهات تصاميمه عجبتني وقالي السيراميك يأخذ بحدود 10سم من مساحة المطبخ ففكرت اعملها ...

شوفي يا ام ساره
من ناحية ديكورية أحس إن المطبخ راح يكون مبقع , يعني ما فيه إنسجام
ثم إن الطريقة هذي صرعة سرعان ما ينتهي رونقها
من ناحية عملية : ما تضمني إن الصبغ يقاوم معاك أبخرة الطهي ورطوبة المطبخ
بعدين إنتِ ممكن تقللي من المساحة إلا راح ياخذها البلاط عن طريق
لصق قطع السيراميك بواسطة مادة اسمنتيه ما تاخذ غير 5 ـ 6 سم

أوه نسيت قبل لا أروح
أي بيت من لبيوت الا مقابلة البلال بيكون بيت أهلك ؟؟
عشان أرسل لك نسخة من إعلان مشروعي , حق تتوصي بالدعاية لي