ران لو سمحتي أدخلي شوي

**ام الصقور** · 26-09-2003, 11:01 AM

اختي العزيزه شفت تصاميك وعجبتني

وانا عندي مطبخين

وابغاك تصممينها اذا ماعليك كلافه

الاول وهو بالدور الارضي

وعرضه = 4.80 سم

وطوله = 5 متر

والباب بالزاويه _ا >>>>>>> مثل كيذا بالزاويه اليسار

وفيه شباكين من الجهتين

مقاسه عرضها ا متر و60 سم >>>>>>> اعرف كبيرة بس زوجي غاوي شبابيك كبار خخخخ

وطولها 90 سم تقريباً

_______________________________

والمطبخ الثاني :

بالدور الاول .

وعرضه = 2 متر و 90 سم

وطوله =4 متر و 90 سم

وفيه شباك واحد

والباب من زاويه

ولا ابغاه مفتوح ابيه مسكر

وشكرا مقدما

ويخدمك المال والبنون ان شاء الله.

**ran-2000** · 27-09-2003, 02:19 PM

إن شااااااااااااااء الله يا ام الصقور

شوفي هذي الصورة عبارة عن كروكي بسيط لكلا المطبخين أحتاج منك توضيح
ـ موقع النوافذ في المطبخ الأول على الجدار رقم كم ؟؟
ـ موقع الباب على الجدار رقم كم أيضاً ؟؟
ـ حوض الغسيل على أي جدار ؟
ـ في أي جدار ترغبي في وضع الثلاجة والفرن ؟
ـ هل هذا المطبخ تحضيري أم أساسي , وهل هو مفتوح على الصالة ؟
................................
بالنسبة للمطبخ الثاني ..
ـ هل هو خاص بالقلي والشوي ؟
ـ النافذة والباب على الجدار رقم كم , وكم مساحة النافذة ؟
ـ أين موضع حوض الغسيل ؟

بانتظااااااارك

**ام الصقور** · 27-09-2003, 04:46 PM

بالنسبه للمطبخ الاول

موقع النوافذ على الجدار ( 1 _4 )

علما ان الجدار رقم 4 جهه الجنوب

والباب على الجدار رقم 3 جهه رقم 2

وحوض الغسيل على الجدار 4

الثلاجه في الجدار 3

والفرن 1

وهو مطبخ اساسي وغير مفتوح على الصاله

***************************************

اما بالمطبخ الثاني

لا ليس خاص لا للقلي ولا للشوي فقط بوفيه بالدور الثاني

والباب على الجدار رقم 3

والنافذه على الجدار رقم 1

وحوض الغسيل على الجدار رقم 1

*********************************

والله يسلم غاليك لك .

**ام الصقور** · 27-09-2003, 09:43 PM

بس موقع الفرم محيرني

بالمطبخ الاول

ودي احطه بواحد

وودي احطه بالزاويه 1 و 4

ؤماادري والله محتاره

احطه بزاويه ولا بجدار 1

وودي تشيرين علي

والله يسلم لك غاليك

**ran-2000** · 28-09-2003, 08:12 AM

أنا بالفعل اندهشت لما قلتي إن الفرن في الجدار رقم ( 1 )
كيف تحطي الفرن عند النافذة , من ناحية ديكورية مو حلو
وكذلك من الناحية العملية راح يتعبك , لأن أبخرة الطهي بتتراكم لك على النافذة
إضافة إلى أن وجود الفرن عند النافذة راح يحرمك من وضع مروحة شفط أعلى الفرن

أنتظر ردك عشان أكمل لك التصميم

**ran-2000** · 28-09-2003, 10:04 AM

ام الصقور حبيت أعرف بالنسبة للمطبخ الثاني كم عرض النافذة ؟؟
كذلك الباب أقرب للجدار رقم (2 ) أو ( 4 ) ؟؟

**ام الصقور** · 28-09-2003, 03:06 PM

هلا فيك ران

لا ماابغيه عند الجدار 1

وابيك تشورين علي بالي تشوفيه عدل

****************************

بالنسبه للمطبخ 2

عرض النافذه 1 متر و 20 سم

( ماقلت ابو الشباب غاوي شبابيك كبار )

اما الباب فهو بزاويه 3 * 4

ويسلم لك غاليك يارب