السلام عليكم ورحمة الله
اخواتي انا محتاجة استشارة
انا انتقلت على بيت جديد والصالة عندي صغيرة
3،5 في 6 متر .. المهم بالصدر في باب بلكونة (شوي عاليمين)
انا انسانة جدا محتاارة .. رحنا على الف محل مفروشات
وما عجبني شي
بالاخير رحنا على محل تفصيل كنب زوايا وقررت نفصل كنب زاوية
بيج وبني على النمط الأمريكي بيشبه هالموديل شوي

من طرف اله يد (مسند) ملفوف ومن طرف تاني اله باف
بس انا حسيت اني لازم اسكر الزاوية فطلبنا يفصلولنا كنبة صغيرة
اضافية على نفس النمط ............

وبعد ما وقعنا ودفعنا وطلعنا من المحل زوجي قلي انا مو مقتنع
وما رح يطلع حلو والكرسي الاضافي مالو داعي ....... وكان زعلان وانا
زعلت كمان وقلتلو ما حد قلك تدفع ازا مو مقتنع بس هو وقع مشان يخلص
مني

المهم انا حابة اخد رأيكم هل فعلا الكنبة الصغيرة الاضافية ما رح تطلع حلوة؟
علما انو رح نستلم الكنب السبت ان شاء الله .... وانا رسمت رسمة توضيحية بالمرفقات

شكرا

السلام عليكم ورحمة الله وبركاته ..
أخيتي توكلي على الله وألف مبارك .. أنت تقدري أن تضيفي بعض الأكسسوارات بجانبه وتعديل منظره إن لم يعجبكم تماما ..
ولكني أعتقد أنه سكون جميل والآن العديد من هذه الموديلات يكون معها كنبه أو اثنتان حسب المساحه.. فمبارك مقدما وتفائلي ولا تزعلي ..
أتركك مع بعض الصور القريبة مما قلتيه.

وعليكم السلام ورحمة الله وبركاته
اهلاً اختي سمر
حبيبتي شكلها هيكون جميل
و الكنب الصغير دة ممكن وضعه مع الكنب الزاوية اذا وجد مكان له و بيكون طقم

وعليكم السلام ورحمة الله وبركاته
ماشاء الله يجنن

الف الف شكر اخواي الحبيبات والله طمنتوني واكرر شكري الجزيل لك اختي ام غيث لاني فتلت النت كلو مشان الاقي هيك صور وما لقيت وصراحة انت جبتيلي طلبي تمااااااااااااااما واتفاءلت انو رح يكون حلو باذن الله الله يسعدكم

تسلم ايدها ام غيث ،، ما في منها ،،
حبيبتي ،، الان بيجي فنك بالاكسسوارات ،، رح يطلع الصالون حلو كتييييير

لا مع الترتيب راح يطلع عندك حلو وخصوصي انتي الصالة حسب الرسم كتير صغيرة ومش راح يناسبها غير هذا الموديل

ماشاء الله الكنب حلو
و الغاليه ام غيث ما قصرت و اعطتك المفيد جزاها الله خيرا
مبارك حبيبتى