ابغي رايكم من فضلكم

السلام عليكم .. كيف حالكم شخباركم

الموضوع الي ابغي رايكم فيه هو: صار لي مده وانا ادور كونسول مناسب ولكني لم اوفق في الاختيار يعني احصل اشكال يا انها ما تناسب شقه او انها يعني ما تعجبني .. او ان سعرها خيالي ... اخيرا فكرت ان اروح هوم سنتر واخذ لي منظره(( مرايه )) مع كونسول يناسبها يعني كل قطعه بروحها بس يكونوا متناسقين مع بعضهم..يعني ان شاء الله فهمتوا قصدي ... فما هو رايكم وهل بيطلعوا حلوين ...علي فكره هم من خشب ...وجزاكم الله خير

انتِ اللي تقدرين تعرفين ان كانوا مناسبين اولا يانخله
لأنك اكيد شفتيهم على الطبيعه ..
وممكن انك تختارين مرايه وكونسول كلا على حده لكن راعي :
ان درجة لون الخشب تكون واحده عشان مايكون فيه تنافر بينهم ..
ان عرض المرآة يكون مناسب لعرض الكونسول بحيث تكون أقل من عرض الكونسول .وممكن تكون دائريه .
و عندي اقتراح لك ممكن تركبين شمعدان جداري في الجهتين راح يعطيه منظر حلو ..

شكرا لك مرتين .. اولا لسرعه ردك وثانيا لذوقك عزيزتي اكيد سوف اخذ بملاحظاتك وحلوه فكره الشمعدان .. ان الفكره من طرحي للموضوع ابغي اعرف لاني متردده انه ما يكون حلو ولا بكون موضه قديمه يعني تعرفين الحريم وسواسيات في هالشغله يعني ..

وعليكم السلام ورحمة الله وبركاته :

حياك الله أختي ..

نعم اختي مثل ماقالت ديم ..انتي تشوفين اذا متناسقين مع بعض او لا ..

ومو مشكلة تكون كل قطعة لوحدها ..أهم شي لون الخشب لازم يكون نفس الدرجة ..

وبامكانك مع اضفاء بعض اللمسات البسيطة ..خلق الجمال في منطقة الكونسول ..

وهذا الرابط يساعدك في أخذ فكرة عن الاكسسوارات والتحف المناسب وضعها على الكونسول

وحوله ..

الكونصول....؟؟؟

وان وجدت صور مناسبة وضعتها لك باذن الله ..

السلام عليكم.. والله ما قصرتوا يالغاليات كفيتوا ووفيتوا.. جزاكم الله خير..

عزيزتي شماليه غربيه الصراحه عجبني وايد الرابط .. ياريت اعرف المحل واذا موجود في الامارات الاشياء كثير ناعمه وحلوه حتى عجبت زوجي ..


عزيزاتي بالنسبه لتناسق انا طبعا حاطه هذا الشي في بالي .. وعن الاكسسوارات تراني مجهزتهم بس مو محصله الكونسول المناسب .. بس الحين حطيت الكونسولات الموجودين في الرابط في بالي .. ان شاء الله احصل مثلهم .. ياريت لو تعرفون مكان يبيع مثل هذه الاشياء الناعمه في ابوظبي تخبروني ولكم تحياتي وتمنياتي لكم بالسعاده وقوه الايمان..مع السلامه

وعليكم السلام ورحمة الله وبركاته :

لاشكرعلى واجب عزيزتي ..

راح أضع لك المزيد من الصور للكونسولات ...

وإن شاء الله الاخوات من الامارات يساعدونك ..

تفضلي أختي ..

اخواتي ..مداخل لو سمحتوا

ديم وشمالية قاموا بالواجب معك أختي النخلة
وأنا ما راح أضيف شئ على اقترحاتهم وملاحظاتهم المميزة
لكن مثل ما قالوا لك مو شرط انك تأخذي الكنسول مع المرآة طقم واحد , وانما يمكنك
التنسيق بديكور مناسب يشمل القطعتين
مع إضافة بعض الاكسسوارات حول المرآة في حالة رغبتك في ذلك
أو استخدام أكثر من مرآة وتثبيتها بشكل متناغم

عزيزتى

بالنسبه للمحلات الى ممكن اتلاقى فيها الكنسول وباسعار معقوله
حول الامارات فيه اثاث متنوع باسعار رخيصه وفى منتهى الروعه
وايضا فى هوم سنتر شغلات حلوه ورائعه وممكن اتنسيقين بين القطعتين
وفيه ايضا محل اسمه مارلين على ما اعتقد ايضا اسعاره رخيصه
ارجو ان اكون افدتك عزيزتى

انا مع راي باقي الاخوات يا نحله
وتعرفي كمان ممكن تضعي سجاد حائطي بدل المراه لو كنت محتاره وبيكون شكله جميل جداااااا