السلام عليكم ورحمة الله وبركاته

لو سمحتم يابنات كنت عاوزة اسالكم على حاجة

انا مخطوبة و فرحى باذن الله اخر السنة دى وطبعا بوضب شقتى دلوقتى وبشوف الوان الفرش والعفش وكدة

فانا محتارة مش عارفة اعمل الشقة مودرن ولا كلاسيك انا عاوزة اجيب صالون مش انتريه وانا هحطه فى الريسيبشن والصالون طبعا كلاسيك

بس انا بحب اللون الاحمر ونفسى ادخله فى العفش وبفكر اعمله فى حجرة المعيشة لانها الوحيدة اللى اقدر اعمل فيها اللون ده وممكن اجيب انتريه صغير او كنبة و اتنين فوتيه فيها واللون الاحمر ده مودرن والصالون كلاسيك

فهل ينفع تبقى الشقة شاملة المودرن والكلاسيك ولا ماينفعش وهيبقى عك ؟؟؟

ولا لازم ياما الشقة تبقى كلها مودرن يا اما كلها كلاسيك

ياريت اللى عنده افكار يساعدنى ويفكر معايا يعنى دى شقتى وعاوزاها تبقى احلى حاجة طبعا فياريت تساعدونى

وجزاكم الله خيرا

السيدة الفاضلة ... تحية طيبة
طبعا وممكن جدا جدا ومافيهاش اي مشاكل ولكن .... بدقة وتفكير قبل الاختيار
ولكي ان تعلمي ان المزج ما بين الاستيل والمودرن له مدارس وفن وكثير من الناس يتفنون في تنفيذ هذه الجزئية.... فمثلا
- في حالة ريسبشن مفتوح من الممكن ان تجعلي الصالون ستيل(كلاسيك) بنوعه ونجفته وسجادته وتابوهاته وومكن بالقرب منه في الريسنشن تعملى ركن او انتريه او صالون آخر مودرن مع مرعاة ان تجعلي اكسسوات الصالون او الركن الاخر برضه مودرن مثله وفي نفس الوقت تجعلي هناك كيمياء ما بين الصالونين وهنا تظهر براعة الذوق والتي تختلف من شخص لآخر وتناسق الالوان يلعب الدور الاساسى في هذه الكيمياء.... ونفس الشىء ينطبق على حجرة السفرة لو اردتي ان تجعليها مودرن مع صالون كلاسيك إو (ستيل) في نفس الريسبشن فسوف تطبقي نفس القاعدة
- اما لو عندك غرف مغلقة فلكي الحرية ما تشاءين في تنسيق كل غرفة على حدة عن الاخرى ولا تبحثي عن كيمياء بينهم لانهم منفصلين وكل منهم في وادي

أولا ألف مبروك يا قمر
تانيا إنتي دوووووووووق دوووووووووووووق دووووووووووووووووووووق
يعني إلي تختاريه يكون رووووووعه زيك
http://www.lakii.com/vb/showthread.php?t=533763
ممكن تستعيني بالرابط دا
بالتوفيق قمر
أحووووووووووووووووووووووووووووووووووووووووووبك

اهلا بك ايمان

الاخ essamsk قدم المميز والمفيد بارك الله فيه

وشكرا للاخت ريحانة على المساعدة

ممكن الخلط بين المودرن والكلاسيك حتى بنفس الغرفة الواحدة لكن باتقان ولمسات مدروسة
وطالما اخترت كل غرفة بستايلها الخاص فالأمر سهل ولن يحتاج للتعب بالتأثيث

مبارك عليك الشقة
أسأل الله أن يبارك لك فيها وأن تقضي فيها اسعد أيامك ..
اهلا بك

جزاكم الله خيرا وبارك الله فيكم
وجزاكى الله خيرا ياسومة ياقمر على الرابط فيه حاجات حلوة اوى تسلمى ياعمرى

وياريت اللى عنده افكار تانية يشاركنا

اهلاً بكِ اختى

فهل ينفع تبقى الشقة شاملة المودرن والكلاسيك ولا ماينفعش وهيبقى عك ؟؟؟

بالتأكيد ينفع هذا الدمج كما قال الاخ الفاضل ولكن تحتاج الى دقة ونوع من التناسق اما مسألة الذوق فهى تختلف بإختلاف الاذواق

انا عاوزة اجيب صالون مش انتريه وانا هحطه فى الريسيبشن والصالون طبعا كلاسيك

بس انا بحب اللون الاحمر ونفسى ادخله فى العفش وبفكر اعمله فى حجرة المعيشة لانها الوحيدة اللى اقدر اعمل فيها اللون ده

من الممكن استخدام اللون الاحمر فى الصالونات ولكن بحذر كما تلاحظى

هنا صوفه من المخمل الاحمر 3 قاعدة ومعه كرسى ابيسون وتلاحظى اندماج اللون الذهبى مع الاحمر فى الكرسى لكسر حدة هذا اللون

وهنا صالون خشب بفرش احمر ولكن لابد من كسر حده لونه باكسسوارات ذهبية
او بيج

اخلطي بين المودرن والكلاسيك..

شذى العطور
اميرة النواعم
جزاكن الله خيرا حبيباتى على نصيحتكم
بس هل ياترى السيراميك كمان بيقيد الموديل
يعنى انا مختارة سيراميك الحجرات زى الباركيه فهل ممكن اعمل حجرة مودرن مع الباركيه ولا مش فارقة السيراميك بالوانه

يعنى انا مختارة سيراميك الحجرات زى الباركيه فهل ممكن اعمل حجرة مودرن مع الباركيه

ليس له علاقة ولكن دائما الباركيه يعطى ايحاء بالدفء وهذا يغلب على الطابع الريفى والكلاسيك

ولا مش فارقة السيراميك بالوانه

لابد من تناسق الوان السيراميك مع دهان الحوائط ولون الفرش والاثاث