ساعدونى فى اختيار الوان العفش

ازيكم يا بنات انا محتاجه اعرف رايكم فى حاجه مهمه .. انا دلوقتى الحمد لله قربت اختار الوان حاجات فى عفش البيت لانى عروسه جديده بس محتاره فى الوان الدهانات بفكر بجديه انى ادهن اوضه السفره والأنتريه بنى والشغل اللى فيها يكون دهانه دهبى ومش عارفه هل ادهن برده باقى العفش بنفس الالوان ولا اخلى كل اوضه ليها لون مختلف وخاص بيها وكمان الوان دهانات الحائط محيرانى يعنى بفكر ادهن حيطان اوضه السفره اورانج او نبيتى وأحط فيها مصابيح صغيره على جانبى البوفيه ونفس الشئ فى الأنتريه مش عارفه كده هتبقى غامقه وخاصه ان العفش نفسه بنى ولا ايه بصراحه محتاره وكمان هل اخلى حيطان الشقه كلها لون واحد ولا كل اوضه بلون مختلف ... يا ريت تفيدونى برأيكم واسفه انى طولت عليكم

نسيت اقولكم انى بحب الجو الرومانسى اوى فى البيت يعنى بتمنى ان الوان العفش مع دهانات الحائط والاضاءه يكون ليها طابع رومانسى فى كل مكان فى البيت زى اوضه النوم والانتريه لان دول اكتر مكانين بيكون فيهم الجلوس وكمان السفره وخاصه لو كانت عباره عن ارج مع الانتريه عشان يكون ليهم نفس الطابع ويكون بينهم تناسق .. وللمره التانيه اسفه انى طولت عليكم بس حبيت اعرفكم كل شئ يمكن ده يساعدكم فى الرد

حبيبة قلبى اولا الف الف مبروك وزاج مبارك بأذن الله 000انا مش هقدر افيدك فى لون الشقه وخصوصا انه مسيطر عليا اللون الروز فى كل كل شقتى وبصراحه هو لون بيبهجنى كتير اما بالنسبه للعفش فانا انصحك انه يكون بنى بلون الخشب الطبيعى يعنى لون الشيكولاته الامع00وانا معاكى منتظرة رأى اخواتنا0000والف مبروك مرة تانيه0(ارجوكى ما دمتى رومانسيه يبقى لازم تهتمى بالاضائه والاباليك الرقيقه)

شكرا ماجى مون على اهتمامك وردك وربنا يبارك فيكى .. ومستنيه اراء باقى اخواتنا

مرحبا ياقمر الف مبروك وان شاء تتهني انتي وزوجك

بالنسبة للعفش ان شاء الله الإخوة والاخوات المتخصصين يساعدوك أكثر

يعني اذكري الالوان اللي تحبيها و مساحات الغرف و .. و

تفضلي بعض الصور ان شاء الله تفيدك

بصى يا عسل انتى ممكن تحطى فى عرف معينة ورق حائط وهو رجعت موضتة تانى خلى اوضة كدة واوضة تانية مثلا نبيتى وجهة سادة والتانية مقلمة والتالتة بيج بصى هقولك هرفعلك صورة لدهان غرفة فى بيت اهلى..على فكرة عشان الصور متكبرة فحاسة انها باهتة انما الالوان دى على الحيطة تحفة

توتاتاتا وأم يزن بجد الف شكر ليكوا وجزاكم الله كل خير