اريد مساعده فى تصميم شقه

انا رجعتكلم لانكم بجد عندكم زوق رفيع انتو ساعدتونى فى عمل مطبخى اجو منكم مساعدتى هذه المره ايضا ساعدونى فى تصميم الشقه انا عاوزه افتح الصاله على الحجرة 1 والحجره 2 هل هيكون شكلها حلو والا ايه رايكم ممكن تصمصولى الشقه هيكون شكلها ايه وانا حط انتريه وصالون وسفره خططولى احط كل غرفة منهم فين والشكل النهائى ايه بس بسرعه فى اسرع وقت ممكن متخلونيش استنى كتير لو سمحتم رجاء التصميم يكون واضح

السلام عليكم ورحمة الله وبركاته

ليه مافيش حد بيرد عليا فين المشرفين والمصممين

أولا أنا مش مصممة ديكور ولا حاجه بس هقولك بناءا على احساسي

شقتك فيها شبه كبير جدا من شقتي بس هقولك أنا فضلت اني افتح الصالة على اوضة واحده اللي عندك حجرة 1 وفضلت ان حجرة 2 تفضل مقفوله علشان يكون عندي كذا مكان للاستقبال وضروري جدا يكون في مكان مقفول افرضي زوجك جاله ضيوف في نفس الوقت اللي عندك فيه ضيوف مش حلو تكونوا مكشوفين على بعض الرجال والنسا لذلك افضل جدا انك تبقي حجرة 2 مغلقه ومستقله بذاتها وانا بالنسبالي عملت كده وهحط فيها الصالون ان شاء الله وعندي الصاله وحجرة 1 مفتوحين على بعض وهيكونوا ريسبشن مفتوح على بعضه وهحط فيهم الانتريه والسفره وبذلك تكونوا اديتي المساحه اتساع وحافظتي على مكان مغلق هتحتاجيه وتستفيدي بيه جدا في المستقبل ان شاء الله ..أخو زوجي شقته زي شقتنا بالضبط بس فتح كل الأوض على بعض ورجع ندم لأن الاستقبال بقى مكشوف على بعضه جدا ولو في نساء ورجال في وقت واحد هضطر زوجته تدخل مع النساء لغرفة المعيشه وهي فكره غير مستحسنه .ده رأيي وشوفي اللي يناسبك

معلش فى اخطاء فى الرسمه بتاعتك انا حططهالك على الرسمه ياريت توضحيلى اكتر
وتحددى مكان المناور والغرف وياريت لو كمان تعطينى المساحه طول وعرض ومكان الفتحات مظبوط
وربنا يكرم باذن الله

انا هقولك ده بيتنا كله وده الدور الثانى فيه الشباك الى فى الصاله احنا سيبنا منور من غير ما نعمله صبه عشان الصاله مالهالش مكان للتهويه اخدنا منها متر وعملناه منور وشباك المطبخ على المنور صح والبلكونه فى غرفه النوم الصغيره انا هشيلها اصلا واعملها شباك سيبك منها البلكونتين على الشارع

لو فى اى استفسارات تانيه انا موجوده

ما فيش حد رد عليا ليه ريوش انتى فين انا قولتلك على كل استفساراتك ماردتيش ليه