انا محتارة جداااااااااااا ومحتاجة حد يساعدنى

السلام عليكم
انا اول مرة اكتب موضوع بس يارب تفيدونى وتردة علية
انا شقتى صغيرة وعايزة اعمل فيها الوان جديدة للبياض يعنى مثلا فى هعمل الانترية لونة بنفسجى والخددية الانترية هعملها موف فى اللون الغامق بتاعة وعايزة اعمل بياض الحجرة زية الموف الفاتح فى الغمق منة شوية
وبالنسبة للسفرة انا بصراحة محتارة مش عارفة اعمل اية بس بفكر فى اللون النيتى فى الاصفر او الزيتى فى الفاتح بتاعة ووعايزة اعرف رايكم
بالنسبة لحجرة النوم بفكر اعملها فوشيا فى ابيض بس مش عارفة خالص اعمل الحمام لونة اية ولا المطبخ ولا البلكونة ولا الطرقة
انا طولت عليكم جدا بس معلش انتم بردة اخواتى ورايكم يهمنى وانا بجد محتارة جدا وخصوصا ان الشقة صغيرة
ياريت حد يساعدنى

انا شقتى صغيرة وعايزة اعمل فيها الوان جديدة للبياض يعنى مثلا فى هعمل الانترية لونة بنفسجى والخددية الانترية هعملها موف فى اللون الغامق بتاعة وعايزة اعمل بياض الحجرة زية الموف الفاتح فى الغمق منة شوية

كدة احنا بنكلم كلام جميل وراااائع ماشاء الله

وبالنسبة للسفرة انا بصراحة محتارة مش عارفة اعمل اية بس بفكر فى اللون النيتى فى الاصفر او الزيتى فى الفاتح بتاعة ووعايزة اعرف رايكم

لكن هنا معلش انا شايفه ان الالون صعب شويه
ممكن كريمى فى طوبى غامق الى احمر قاتم هيبقى رقيق وشيك اوى خصوصا انك ممكن تعملى معظم الالوان كريمى فاتح وحائط واحد فقط هو الى احمر قاتم
هيبقى بجد شيك
ثم قبل اى شى المهم انك تحددى الالون الاثاث والى هيليق عليه

بالنسبة لحجرة النوم بفكر اعملها فوشيا فى ابيض بس مش عارفة خالص اعمل الحمام لونة اية ولا المطبخ ولا البلكونة ولا الطرقة

حاولى بقدر الامكان توحدى الالوان الشقه مع بعض بمعنى
انى مثلا مش قاعدة فى غرفه اللينفج ولونها فوشيه اخرج مثلا على الريسبشن برة الاقيه اخضر تفاحى فى احمر
كدة هنعمل لنفسى صداع الالوان ومافيش هارمونى او تجانس وتناسق فى الالوان

لكن ممكن جدا عمل لون كريمى مثلا واخرج الاقى درجه من درجات الاورانج الهادى فهمتينى

هذا الموضوع يعلمك ازاااى تختارى الالوان وتعمليلوا تناسق بينه وبين لون الاثاث

ان شاء الله يفيدك واكيد الاخوات هيفدوكى تانى

•,.•´₪ عـالـمــ الألـوان ₪.,¸,• و { ذوقـك و اخـتـيـاراتك لـمـنـزلـك }

انا متشكرة جدا ردك عليك وعندك حق بالنسبة للسفرة هيكون لونها بنى

لو حد يعرف فين تباع استكرات الحائط فى القاهرة واسعارها

لو حد يعرف فين تباع استكرات الحائط فى القاهرة واسعارها

اسعارها مش عارفه لكن الاستيكرات تتباع فى اى محل بيع دهانات زى يوتن
jotun
ولو عاوزة تعرفى العنوان تتدخلى على الموقع وتجيبى الشرق الاوسط وتاخدى عنوانين مصر كلها

http://www.jotun.com/

حبيبتى رورو شيكو
اولا بالنسبه لان الشقه ضيقه يبقى لازم الالوان تعطى ايحاء بالاتساع وده محتاج ان كل الالوان تكون فاتحه
يعنى مش هينفع زيتى ولا فوشيا
ساقترح عليكى عدة الوان
لغرفة النوم ممكن الوردى الفاتح ولو فيه عمود بارز ممكن يكون لونه وردى غامق او فوشيا زى ما انت حابه لكن المساحه الاكبر خليها للون الفاتح
اختيارك بالنسبه للانتريه حلو لكن الاحلى انك تعملى لون مخالف تماما لكن ماشى مع لون الانتريه
عشان تكسري اللون الموف شويه
يعنى ممكن مع الموف يكون اصفر زبداوى او بيج او درجه روز هادى بالنسبه للحوائط واعملى خداديات من لون الدهان ووزعيها على الانتريه لو تحبى تعملى تمازج بين الحائط والانتريه

شوفى الصوره هنا والاوان مقاربه لكلامى

شوفى الصوره ديه كمان

الحائط فيها روز هادى جدا

وبالنسبه للحمام ملك الالوان هو الابيض
معاه ممكن تحطى طقم فوط مثلا احمر هيعطى جو للحمام

وبكره طقم فوط اصفر هيعطى جو تانى وهكذا

ثم ياتى بعد ذلك اللون اللبنى او الازرق الفاتح واللون الزبداوى سواء كل واحد لوحده او ممتزجان ومن احلى درجات اللون اللبنى للحمام درجه تسمى ( بلو براديس) هتعجبك قوى

وصدقينى وعن تجربه ابعدى عن اللون الاغامق فى الحمام
لانه اللون الفاتح الحى ومش بيجير بسرعه زى اللون الغامق وتجدى نفسك محتاجه تغسلى الحمام مرتين او ثلاثه يوميا ده غير انه بيظهر اضيق
شوفى الالوان ديه

لاحظى تداخل الاصفر فوق مع الازرق الفاتح او السماوى والابيض ... ديه نفس درجات حمامى تقريبا

فيه فكره ايضا جميله وهى انه البانيو والحوض وقاعدة الحمام يكونو ابيض وباقى السيراميك يكون لون اخر مثل الزبداوى او اللبنى او البيج ... نتيجتها رائعه
مثلا

هنا اللون المستخدم لحوائط برتقالى اما الحوض او المغسله وقعدة الحمام فلونهم ابيض

وهناك سيراميك يشبه الفسيفساء ونتيجته اياضا جدا رائعه

اما السفره فممكن لون زيتى فاتح جدا او كرومبى غامق شويه او بيج

وطبعا السفره هتكون امتداد للبلكون او الريسبشن عموما
وراعى لون العماره حتى لا يكون كل بلكونخ لون لوحدها

والمطبخ انا شخصيا عملته لون الفينو اى لون الخبز ده بالنسبه للسيراميك اما الخشب فلونه جوزى فاتح والرخامه لونها جراى غامق ( رصاصى)... وعندك مجال واسع فى اختيار لونه وايضا راعى الالوان الفاتحه مع مراعات لون الخشب او الوميتال الخاص بالمطبخ

مثال اخر

مثال اخر

غيرى الالوان فى كل مكان حتى لا تصابى بالملل لكن الوان فاتحه ... لانه لو الوان غامقه متعدده هتعمل صداع واختناق
اتمنى اكون افدتك

اعتقد ممكن الاستيكرز الى يلصق على الحوائط ممكن يكون فى اركاديا مول فى القاهره على الكورنيش

وجه على بالى كمان فكرة ورق الحائط .. ليه ما فكرتيش غرفة النوم تكون ورق حائط ... وكل سنه او سنتين غيريه ... هتحسى بتجديد كبير وبسهوله ومن غير فوضى زى اعادة الدهان كل مره





شوفى مدى جماله



وده كمان


اتمنى اكون افدتك

بالنسبه لغرف النوم فهي تعتبر مكان للراحه ولنوم لذالك يفضل اختيار لالون البارده ك الازرق او الخضر التى تبعث الاسترخاء مع اللون الابيض اولالوان التربيه ابتعدي عن الالون الناريه كاالاصفر وخاصه الاحمر لانه ينبه لالعصاب أعرف وحده كانت صابغه غرفه نومها اللون احمر وكانت كثير ماتتخانق مع زوجها فاخبرها دكتور بالطاقه انا السبب الون وطلب منها تغير اللون الى الازرق الفاتح فتقول الن الاخناقات بينها وبين زوجها خفت كثير لما غيرت الون.

شكرا على ردك ياسلام وبالنسبة للانترية انا فعلا عايزة ان شاء الله هعمل نفس الانترية دة ولون الحائطة كدة وكنت بفكر فعلا فى الورق الحائط لغرفة النوم انتى فعلا ذوقك حلو جدا بس هو اللون البرتقالى هيكون مناسب لو الحمام صغير الحوض و المغسله وقعدة الحمام فلونهم ابيض لانة عجبنى جدا يعنى لو عملت فى السفرة الزيتى الفاتح والانترية اللون الروز الهادى واعمل غرفة النوم الوردى ولا الازراق يكون احسن ومتناسق مع بعضة وشكرا عليكى مرة تانية

مرسى على ردك ياعفلخ لو عاملة اللون الازراق فى غرف النوم يكون كويس