رسالة عاجلة لكل متميزه في هذا المنتدى

**سنا البرق** · 16-10-2002, 11:09 AM

السلام عليكم و رحمة الله و بركاته
أخواتي صاحبات الأفكار الرائعه و المتميزه0000
أول أعرفكن على نفسي أنا مشتركه جديده في المنتدى وما عرف كل الأفكلر التي طرحتموها و ما عندي و قت أشوف كل الأفكار لأن بصراحه كل وحده فيكم مبدعه أكثر من الثانيه و أفكارها تجنن يعني لو جلست اليوم كله ما أمل من كثر من أشوف و أتأمل في الأفكار الرائعه و الحلوه لكن تعرفون المتزوجه مش مثل البنت عندها و قت 0000000
المهم ما أطول عليكم أدخل بالموضوع 00
أنا إن شاء الله راح أنتقل بيت جديد و أبغي منكم تتحفوني بأفكاركم المتميزه لتصميم غرفة النوم أتعرفون غرفة النوم أهم شيئ تفكر فيها المتزوجه

شروطي هي:
1- أن تكون الفكره لم يسبق وأن طرحت في المنتدى..أو ممكن تكون طرحت بس يا ريت لوكانت الفكره موجوده تقولون لي وين و باسم منو علشان يسهل علي ما أقعد أدور
2- يا حبذا لو تعطوني أقتراحاتكم و آرائكن في اللون المناسب للغرفه -الي يخلي الغرفه أكثر شاعريه و رومانسيه -
المهم أد ري أني ثقلت عليكم و السموحه منكم لكن و الله يا أخوات لولا أن أفكاركم جننت فيني ما طلبت منكم .
و ادري انكم ماشاء الله عليكم قلبكم طيب و ما تدردون محتاج ابدا

**ام يوسف** · 16-10-2002, 12:38 PM

حيك اختنا الغاليه:
ننتظرك في قسم الديكور
فهناك الملايين من الصور والافكار لتاثيث
المنازل

**ديـــم** · 16-10-2002, 09:36 PM

هلا اختي سنا البرق وتسلمين على هالكلام الحلوو

ياليتك وضحتي اكثر عن نوعية الفكرة اللي تحتاجينها !!
طيب الان انتي غرفة النوم عندك جاهزة او ماشريتها لحد الان وايش اللون عندك او مفكرة تاخذينه اقصد الاثاث او الخشب ؟؟
اذا كنتي الى الان ماخططتي

وش رايك بالستايل الهندي ........الصراحه ياسنا البرق من يوم شفت المفارش اللي وضعتهم الاخت لمى الله يعطيها العافيه وانا داخله راسي هالفكرة

يعني :
شوفي هالغرفة مفرش روعه هو وحده يسوي لك ديكور وبعدين لاحظي الفوانيس وطريقة الستارة فوق السرير والخرز اللي فيها يعني بصراحه رووووعه ..والالوان ايضا ..ولاحظي لون الجدار متناسب مع المفرش يعني تفاحي لونه حلو جدا ..

وشوفي هذا ايضا وطريقة الشمعدانات فيه :

**ديـــم** · 16-10-2002, 09:37 PM

وممكن تعملين اكسسورات الغرفة كلها هندية الصراحه تعطي فخامه:
مثلا علب وصناديق للمجوهرات :

الشمعدانات :

مرايا:

**ديـــم** · 16-10-2002, 10:10 PM

شوفي هالرابط للأخت ران عرضت فيه مجموعه من الغرف :
كيف تجهز العروس شقة الزوجية ؟؟؟؟؟؟؟

كيف تظهر حواء إبدعااااااااااااااااااااتها الديكورية في غرفة النوم ؟؟؟

وهذا لسفيرة الذكرى
http://www.lakii.com/vb/showthread.p...753#post262753
وسوي بحث في الركن وراح تلاقين مواضيع حلووووه للأخوات تشمل غرف النوم ...

بالنسبة للألوان للجدران انتي تفكرين باللون اللي تفضلينه وتشوفين مناسبته للون الاثاث والمفرش :
والان صاير الأحمر والعنابي بدرجاتهم الاختيار الاول لغرف النوم عند الأغلبية..

طبعا ماهو شرط تتقيدين بهاللون شوف اللي ترتاحين له واختاريه بس ابعدي عن السماوي لأنه من الألوان الباردة ..
عندك ايضا البنفسجي بدرجاته حلو والزهري والمشمشي ...

**ام وديمه** · 16-10-2002, 10:18 PM

اقووووووول اختي انا رحت برج العرب وينيت على الافكار روحي السايت مالهم وشوفي...
وادخلي سايت فرساتشي افكاره روووووووووووووعه تجنن......
وفكرتيه هي انج تصبغين الغرفه باللون البيج...اللي يكون لونين مثل القديم؟؟؟؟
وتسوين اعمده عند مكان السرير يعني بدل ما يكون السرير فيه اعمده انت تكونين مسويه اعمده رخام ومن فوق السري على السقف تحطين مرايا اللي تكون مقسمه ( شفت هذه الفكره في برج العرب روووووعه)
يعني وانت نايمه تشوفين نفسج ههههههههههههههه
واهم شي يكون مفرش السرير من مفارش الف ليلة وليلة ......
وجيبي رسام يرسم حلو وخليه يرسم لج عند المدخل غصون ووردو اشياء رقيقه؟؟؟؟؟
ومبرووووك المنزل الجديد ......عقبالي يا رب

**سنا البرق** · 17-10-2002, 04:07 PM

جزاكم الله أخواتي و فعلا ما قصرتوا و كنتوا عند حسن ضني بكم 0000
و بصراحه يا أخت ديم الافكار تجنن 00
و أنتي يا عزيزتي أم و ديمه أنا و ين و برج العرب و ين لكن تسلمين على الفكره 000
عموما يا أخت أم يوسف أنا عرفت أني غلط بالعنوان المفروض اروح قسم الديكور لكن بعد ما كتبت 0000
و دمتم شموعا يضاء بكم المنتدى 00000