ساعدونى ضرورى عايزه اشترى نجف

السلام عليكم ورحمة الله وبركاته

عايزة اشترى نجف واريد ان اعرف احسن اماكن فى مصر انا سمعت عن درب البرابرة

وعايزة اعرف ايه الموضه فى النجف واحسن الانواع والاسعار فى حدود كام



وعايزة برده اسأل ........انا عندى نجف قديم كريستال بقاله 20سنة جهاز ماما

هو طبعا عليه طبقة صدأ فهل ممكن يتنظف ويتلمع ويرجع زى الاول ولا ايه

ثانيا الشقة عندنا مفتوحة علي بعض واخدة ثلاث صالونات واثنين انتريه فممكن نحط النجفتين مثلا عند الصالونات ونجيب جديد للباقى ولا شكلهم هيبقى بلدى ومش حلو نظرا لان الهول مفتوح على بعضه

معلش انا طولت بس ممكن تجاوبونى على كل الاسئلة دى لاننا ان شاء الله عاوزين ننزل يوم الخميس نجيب النجف

فأرجو الافاده

وعليكم السلام ورحمة الله وبركاته

الف مبروك اختى

عايزة اشترى نجف واريد ان اعرف احسن اماكن فى مصر

كان نفسى افيدك ولكنى لست من القاهرة ان شاء الله مها او نهنه يفيدوكِ فى هذه النقطة

وعايزة برده اسأل ........انا عندى نجف قديم كريستال بقاله 20سنة جهاز ماما

هو طبعا عليه طبقة صدأ فهل ممكن يتنظف ويتلمع ويرجع زى الاول ولا ايه

الذى بفبدك فى هذه النقطة بائع النجف فهو على دراية اكثر بالامكانية ام لا والاماكن والورش التى تقوم بذلك

ثانيا الشقة عندنا مفتوحة علي بعض واخدة ثلاث صالونات واثنين انتريه فممكن نحط النجفتين مثلا عند الصالونات ونجيب جديد للباقى ولا شكلهم هيبقى بلدى ومش حلو نظرا لان الهول مفتوح على بعضه

هذا يعتمد على شكل النجف فمن الممكن يكون شكل النجف الخاص بوالدتك افخم وارقى من الجديد فى هذه الحالة اذا امكن تلميعهم ضعيهم فى الصالون اما بالنسبة للانتريه فيفضل النجف العادى وليس الكريستال نظرا لانه يعتبر غرفة للمعيشة تتسم بالبساطة اكثر من الصالون

واحب اعطيكى نصيحة فى حالة عدم استطاعتك تركيب تكييف فى الوقت الحالى ستكون امامك مشكلة الحر فحاولى تنسيق الديكور بحيث يمكنك فى المستقبل تركيب مراوح او تكييف

بالتوفيق

اهلا بك اختي

عايزة اشترى نجف واريد ان اعرف احسن اماكن فى مصر انا سمعت عن درب البرابرة

ايوا درب البرابرة بجوار العتبه والموسكي في انواع نجف كثيرة واشكال

متعدده والسعر كويس جداااا

يعني ممكن تلاقي من اول 200 جنيه الى اعلى

لكن اذا اردتي شيئ فخم و يعيش و كريستال تمام عليكي

بكريستال عصفور في شبرا الخيمة

او قنديل في ركسي

وعايزة اعرف ايه الموضه فى النجف واحسن الانواع والاسعار فى حدود كام

انا بقالي كثير مشترتش نجف لكن من معلوماتي ان اذرع الثعبان هي الموضه

والكريستال القليل في النجفه

والمعروش ان شاسيه قنديل و كريستال عصفور

يكونان تناسق رائع

ولكن السعر غالي

وعايزة برده اسأل ........انا عندى نجف قديم كريستال بقاله 20سنة جهاز ماما

هو طبعا عليه طبقة صدأ فهل ممكن يتنظف ويتلمع ويرجع زى الاول ولا ايه

طبعا ممكن تنظيفه واعادة طليه وتلميع الكريستال

اخلعي النجف عن طريق كهربائي وخذيه لمحل نجف مضمون

سيضعه في حوض يحوي مواد منظفه ثم يقوم بطليه بالذهب

وبالعيار اللى انت عاوزاه

فعلنا هذا مع نجف والدتي

ثانيا الشقة عندنا مفتوحة علي بعض واخدة ثلاث صالونات واثنين انتريه فممكن نحط النجفتين مثلا عند الصالونات ونجيب جديد للباقى ولا شكلهم هيبقى بلدى ومش حلو نظرا لان الهول مفتوح على بعضه

لا شكلهم مش هيكون وحش ولا حاجة

وطبعا ضعي كل اثنين متشابهين متجاورين في نفس المحيط

مرسى اوى behappy .. شكرا على ردك وشكرا على الفكرة بتاعه التكييف مكنتش واخده بالى منها

ومرسى ليكى .شذى العطور ... ان شاء الله هاسأل على حكاية تنظيف النجف دى و الف شكر على كل المعلومات الحلوة دى

ربنا يجازيكم الف خير ويا رب يوفقنى فى المهمة دى .....................