الحلقة الثانية من الدهان المخملي في الجزيرة :) (( صور))

**السيدة وقار** · 23-05-2007, 03:01 PM

السلام عليكم

كيفكم ديكوريين

وأخيرا تم صبغ الصالون بالدهان اللي كلمتكم ووريتكم هو من فترة

والصور عبارة عن قبل الصبغ وبعدين تدرج الايام
اخد من المعلم 3 أيام عشان يخلص الغرفة دي بس

هو ما طلع نفس العينة اللي في الجزيرة بالضبط بس صراحة عجبني
وانتظر رأيكم وبدون مجاملات

ولا تنسو لو عجبكم
قوله صلى الله عليه وسلم: ((إذا رأى أحدكم من أخيه أو من نفسه أو من ماله ما يعجبه فليبرك ))

ولو ما عجبكم
اتقبل النقد بصدر رحب

أولا هذي صورة الصالون قبل بداية الدهان صبغته من 3 سنوات اول ما سكنا وقعد فاضي
واللون كان عاجبني اياميها بس لأن المعلم طلع أي كلام فما صبغ زي الناس
ومشي بعد ما اخد فلوسه ولا كمل شغله
ولا عاد شفنا وجهه>>> جيبي الصور وخلصينا
المهم حكيتكم قصة حياتي

مبين تحت التكيف عيوب الدهان

طيب نجي للخطوة التانية
خليته يصبغ السقف سكري

اليوم التاني صبغ اللون العودي الطبقة الاولى
معليه الصورة معووجه

وأخيرا وليس آخراااااا
اليوم الثالث
عتق بالمادة المخملية اللي عجزت اعرف اسمها
دي الصورة من بعيد ومعليه طلعت غامقة بس الصور الجاية بإذن الله اوضح

ودا شكل التعتيق من قريب مرررررررررررة

ودي واضح فيها شكل التعتيق مع الجبس كمان معتق كأنه خشب قديم

وبسسسسسسسسسسسس

باقي تأثيث الغرفة
والله يعين

**lugein** · 23-05-2007, 03:46 PM

السلام عليكم و رحمة الله و بركاته.....
جزك الله خير علىانك وريتينا الدهان الجديد اكتسبنا معلومة و ممكن كنا نتخوف نجرب نوع جديد من الدهان لكن بعد افادتك لنا عرفنا شكله الجميل و تعتيق الخشب كمان بشكل قديم و ذهبي روعة عجبتني جدا و يا ريت لو الفرش يكون بيج او سكري و الاكسسوارات فيها دهبي و عودي اعتقد هتبقى الغرفة روعة...طبعا انا مش متخصصة .وا كيد اساتذة الركن هيفيدوكي اكتر .....و مبروك عيكي...

**السيدة وقار** · 23-05-2007, 03:53 PM

غاليتي لجين مشكورة على مرورك
وفعلا الكنب بيج والاكسسوارات حتكون بإذن الله زي ما تفضلتي

**شمعــ نهـارــة** · 23-05-2007, 04:12 PM

ماشاء الله

عارفه كان نفسي في هذا اللون لغرفة النوم بس برضو طلع اللون حلو الحمدلله انتظر يكمل البيت وانزلكم الصور ان شاء الل
الف مبروك حبيبتي وعساه بيت عامر يااااااارب

**nhnh** · 23-05-2007, 05:31 PM

ماشاء الله غاليتى شكله جميل
بس كان من الاحسن انك تصبغى حائط او اثنين فقط بدل كل الغرفه لانه بيعطى ضيق للمكان
لكن هذا لايمنع انه شكله رائع مبارك عليك الدهان الجديد

**ابراج الراجحي** · 23-05-2007, 05:34 PM

اختي العزيزه انا راح اصبغ بيتي رحت دهانات الحزيره واخترت الالوان بس انا ابغى اللون الاحمر نفس الدرجه حقتك ياليت تقولين رقم اللون وبعدين ويش الخامه مخملي او شامواه او ايش تعتيق ياليت تساعديني

**alsuror** · 23-05-2007, 08:10 PM

شكرا لك أختي العزيزة على ماقدمتيه لنا ....... وهل ممكن تساعديني على اختيار لون جميل للفيلا من الخارج لأنه وبكل بساطة محتارة أي الألوان أحط وشكر لك مقدما 0000رأيك يهمني

**فرولاية جده** · 23-05-2007, 10:20 PM

وعليكمـ السلامـ

ماشاء الله الله يبــــــــــــــارك لك ياقلــــبي
روووووووعه قليله فيـــه

ياللا أنـــــــــا أول وحده بدخل الصالون أول مايكتمل أثاثه "إن شاء الله "

**برمانه** · 25-05-2007, 02:00 AM

جميييييييل اللون اختيار موفق الله يهنيكم

**طيابني** · 25-05-2007, 02:34 AM

يسلمو على هالذووووووووووووق

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الحلقة الثانية من الدهان المخملي في الجزيرة :) (( صور))

أدوات الموضوع

العرض