LinkBack URL
About LinkBacks
غيرت غرفتي صارت رووووووعة
سلام بنوتات
من اسبوعين غيرت في غرفتي وحبيت اقولكم عشان اللي تبغا تستفيد ممكن تاخذ افكار اذا فيه شي عجبكم او كمان اللي عندها افكار تفيدني
كنت اتمنى احط صور بس ماعندي سكانر للاسف .....
اول غرفتي كان الجدار بيج والموكيت اخضر فاتح وبصراحة كانت كئيبة قمت غيرت الجدار خليته ازرق فاتح مايل عالرمادي والموكيت كحلي والستائر ازرق رمادي وفيه رسمات اواني بيج واللي جوا "الستارة اللي جوا" نفس النقشة حق اللي برا بس شفافة ....
طبعا الغرفة 4 جدران جدار فيه الباب والجدار اللي قدامه فيه شباك وفيه كمان الجدار الثالث فيه شباك واخر جدار مافي شي
الجدار اللي فيه باب اشتريت مكتب وجنبه دولاب ارفف طويل لونه كحلي .....
والجدار اللي فيه شباك مو اللي قدام الباب لا الثاني حطيت السرير على الشباك وجنبه طبعا الكومودينو حاطة فوق الكومودينو صورتي وانا مدلعة فيها
وعلى الركن من نفس الجدار حاطة دولاب صغير "بابين بس" هذا الدولاب فيه اغراض الكلية حقتي "لاني في قسم التربية الفنية"
نجي للجدار اللي قدام الباب حاطة فيه تسريحتي وفي الركن حاطة طاولة مفرشها انا عاملاه "واعوذ بالله من كلمة انا"طابعاه بالوان الحرير وهو قماشته حرير وفيه كرانيش في اطرافه طبعا الوانه متموجة بين الازرق الفاتح والكحلي والبيج وفوقه حاطة شموع باشكال مختلفة وشمعدانات صغيرة ومزهرية قزاز لونها ازرق وحاطة فيها ورود وطبعا بين فترة وفترة اغير الورود وجنب الطاولة حاطة نبته خضرا كبيرة شوية .....
وفي وسط الغرفة حاطة سجادة صغيرة من ايكيا درجات الازرق وفوقها مخدتين وحدة ازرق فاتح على رمادي ووحدة كحلي .....
نجي للجدار اللي مافيه شي حاطة فيه دولاب ملابسي وهوكبير فماخذ تقريبا ثلاثة ارباع مساحة الجدار وحاطة عند ركن الدولاب كمان نبتة حلوة وخلف الباب حاطة "اعزكم الله" الجزامة اللي نحط فها الجزم "اكرمكم الله" .....
اما بالنسبة للجدار ملصقة الورق حق الجدران بس مو اللي على كل الجدار لا اللي يعطي بس اطار مااعرف اسمه اذا له اسم ....ان شاء الله تكونا عرفتوه
اما الباب انا لونته بنفس اللون حق الجدار ورسمت نفس الاشكال اللي في الستارة وطبعتها بالاستنسل .....
نيجي للدولاب الارفف حاطة فيه مابين بعض اعمالي في الكليه واللي اراعي فيها انها تكون بدرجات الازرق عشان تناسب غرفتي ومابين صوري وانا صغيرة وانا كبيرة
وفووووووق مو اول رف لا اللي فوقه حاطة صورتي مكبرتها كثيييير يوم تخرجي من الثانوية
وجنبها دبدوب وسط
وفوق الدولاب الصغير حق الكلية حاطة دبدوب كبيييييييير ابيض واحمر
وجنب المكتب في نفس الجدار فيه فراغ كبير معلقة عليه لوحة بريشة الفنانه amaly
وطبعا فيه سلة زبالة "وانتوا بكرامة" وحق المناديل من اعمالي بس عاملتها بالمعدن مع صندوق صغير حاطاه فوق التسريحة وجواه اكسسواراتي
بس عندي سؤال والشاطرة اللي تجاوب عليه عندي استيريو كبير وين تتوقعون حاطاه.؟؟؟؟
وياليت اذا عندكم تعليق او نقد لاتبخلون علي
اختكم
amaly
لالا لا لا يمكن على المزهريه أو الورد
للللللللللللللللللللااا أكيد على الشمعدان 
الروابط المفضلة