السلام عليكم ورحمة الله وبركاته
اليوم جاييتكم بطلب مستعجل نوعا ما وبتمنى المساعدة من الخبيرين وما شاء الله ما أكثرهم .. الأخ المعماري أو سمو المجد أو حبيبتنا بي هابي أو أي حد عنده خبرة واعذروني اذا ما ذكرت أسماء
القصة باختصار انه زوجي عم يدرس فكرة بناء عمارة اله هو واخوانه بحيث يكون الطابق الأرضي ديوان لحمولتهم (يعني مكان اقامة الاجتماعات والعزاء وغيرها)... و هاد لأنه لجنة الديوان هي اللي اشترت الأرض لكن ما في ممول فزوجي اقترح انه يبني الديوان و يكون اله السطح وبالتالي بيبني عليه هو واخوانه.
المطلوب تصميم للديوان والشقق اللي فوقه اللي رح تكون بالترتيب التالي:
الأرضي: ديوان مفتوح على بعضه وفيه صف مغاسل و صف دورات مياه (3 مثلا)
الأول: شقة بمساحة الطابق كامل مقسمة الى 3 غرف نوم و صالون منفصل مع مساحة للطعام + صالة معيشة + مطبخ كبير + حمام ضيوف، حمام عادي وحمام في غرفة النوم الرئيسية.
الثاني نفس الأول
الطابق الثالث رح يكون شقتين منفصلين و كمان 3 غرف نوم لكن باقي التفاصيل حسب المساحة .. يعني ممكن حمامين بس أو المساحات أصغر.
المساحات: الأرض مساحتها تقريبا 540 متر والمسموح البناء على 48 بالمائة منها ... يعني بدنا نحكي كل طابق مساحته 250 متر مربع ...
طبعا انا ما بعرف اي شي بتفاصيل البناء عشان هيك يا ريت مخطط موضح ومفصل شوي بيبين مثلا المساحة المطلوبة لدرج العمارة والمدخل الخارجي يكون منفصل عن مدخل الديوان.. الخ
واي اقتراحات بناء على خبرتكم ومعرفتكم مشكورين عليها مقدماً
الروابط المفضلة