ساعوني في تزيين طاوله الطعام

**Joodi** · 29-09-2005, 11:54 AM

السلام عليكم ورحمه الله وبركاتة
يا ليت تساعدوني في تزيين طاوله طعام تكون لعشاء رومانسي ياليت تكون بالون الأحمر
الأني توني متزوجه وما أفهم شيء في الديكور
يا ليت بسرعه وبإضافت الصور لو تقدرون

**عسل الجنه** · 29-09-2005, 02:15 PM

اول شئ الف مبروووك حبيبتي والله يوفقك يارب

بالنسبه للزينه اللي تبيها على طاولة الطعام وخصوصا انك تبيها حمراء

وممكن بس اقترح عليك من ذوقي ليش ماتحاولي انك تدرجي الطابع الهندي اقصد الاكسسورات الهنديه عليها وخصوصا انه اكثر الاكسسوارات الهنديه فيها الوان حميميه مثل الاحمر

يعني مثلا بحامل المناديل ماتحطي منديل فيه لا حطي وشاح احمر صغير من الساتان او الاورجانزا مزين اطرافه بالترتراو الريش

مثل كذا قصدي

ومفرش الطاوله يكون من اللون الاصفر على ذهبي عشان اي شئ تحطيه بالطاوله ينطقه اللون مثل هالقماش

المهم الشموع البيضاء العريضه عرفتيها طبعا لو حصل لك تلقي الشموع الذهبيه اللون العريضه مررة قومي بلمساتك والصقي عليها كلفه باللون الاحمر او دانتيل باللون الاحمر او اذا لقيتي شموع مثل الكاسه الحمراء هذي اللي بالوسط كما تفي بالغرض بس الشموع الكبيرة احلى بالشكل لان الدانتيل معروف انه فيه ثقوب وفتحات فراح يطلع لون الشمعه الذهبي على الاحمر لون الدانتيل مثل هالشكل راح تصيرروعه

وهنا جدا رائعه لو لقيتي

هذي الشموع احلى شئ لها انك تحطي مثل السلطانيه زجاجيه شفافه طبق فتحته واسعه لكنه مو عميق كثير وتحطي فيه مويه وتنثري عليه ورد احمر لو المجفف اللي بايكيا احلى لانه راح يصبغ المويه بالاحمر فيعطيها جو حلو وتحطي الشموع هذي تطفو على المويه تصير روعه وهذا شكلها

وتحطيها بمنتصف الطاولة

اما الكاسات عليكي بشرايط ساتان السخيفه مررررررة مثلا اجمعي 3 الوان (الاحمر _الذهبي_البنفسجي )وخلي طولهم واحد واعملي باخر الكاسه عقده وبعدها فيونكه وخلي الشرايط طايحه ونفس الحال مع الملاعق والشوك والسكاكين حتى المغارف تبع الاكل او بدل الشرايط الحبال مثل هذي

حتى الهدايا اذا كنتي بتقدمي هديه اعمليها بنفس الستايل الموجود بالصورة

ماادري اذا كان نقصت انا شئ

على فكرة الشموع وهالاشكال ممكن تلقيها بهوم بلازا وايكيا السلطانيه الزجاج راح تلقي فيها وكذا شغله كمان والورد المجفف

قولي لي لو بغيتي زيادة

الله يوفقكم ياربي ويهنيكي وتعملي احلى طاولة...

تحياتي...