هلا عزيزاتي بغيت احكيلكم سالفتي و اذا ممكن تساعدوني بافكاركم اكون شاكرة لكم..
انا و زوجي جاعدين نبني بيت العمر..ولان انا وزوجي ما نعرف وايد في البيوت اخترنا استشاري من شركة معروفة
بس للاسف بعد ما خلصنا الطابق الارضي ..صدفة اكتشفنا انا المقاول غشنا مثلا االاعمدة اللي مفروض تنصب ب اسمنت ما مستوية بشكا مستقيم وهذا ياثر في شكل البيت و اذا حاول يعدل فية لما يسوي البلاستر ممكن يتشقق بعد فترة و شي ثاني انه خلط مع الاسمنت ورق و غيره من البلاوي اللي اكتشفها احد من الاهل لما شاف البيت بالصدفة...فما ادري شونسوي و كيف ممكن نعدل عشان ما يكون شكل البيت ما اوكي...في مهندس صديق للعائلة خبرنا انه هالشي ما بياثر في قوة و متانة البيت بس بياثر في الشكل وحنا الحين ننتظر صاحب الشركة اللي ما خذين الاستشاري منها عشان نقدم شكوى ضد الاستشاري لان عارف بكل هاالبلاوي و ما انتقد اي شي منها sid

الله يصبرك ،،،
أنصحك بأن لا تعتمدي على الكلام و انتظري حتى تطلع النتيجة و بعدين احكمي و أن شاء الله خير بس ما تكملي بنا قبل النتيجة

مشكورة اختي دعاء فلسطين واحنا موقفين البناء الحين بس ما اعتقد ان هذي المشكلة لها حل و انا و زوجي منحبطين وايد وخصوصا انا حاطين اللي ورانا وللي قدامنا في هالبيت وقاعدين نبنيه بقرض.....

هلا اختي... بصراحه الله يكون في عونكم... ونحن بعد نبني بيتنا... واخاف نطيح في نفس المشكله...فاذا ممكن تخبرينا اي شركه تسوون عندها... على الاقل عشان ننتبه وجزاك الله خيرا...

السلام عليكم ورحمة الله وبركاته

أهلاً بك أختى الغالية .. و أن شاء الله بيت مبارك عليكم بأذن الله

اكتشفنا انا المقاول غشنا مثلا االاعمدة اللي مفروض تنصب ب اسمنت ما مستوية بشكا مستقيم وهذا ياثر في شكل البيت و اذا حاول يعدل فية لما يسوي البلاستر ممكن يتشقق بعد فترة و شي ثاني انه خلط مع الاسمنت ورق و غيره من البلاوي اللي اكتشفها احد من الاهل لما شاف البيت بالصدفة...فما ادري شونسوي و كيف ممكن نعدل عشان ما يكون شكل البيت ما اوكي

بما أنك تأكدتم أن الخلط لا يقلل من الامان و سلامة البناء فبأذن الله لكل شىء حل

و لكن عزيزتى هل تقصدى بالأعمدة الغير مستوية داخل أم خارج المنزل ؟ و هل ما تريدينه حل يجعلها مستوية ؟؟؟؟

فلو هذا قصدك غاليتى .. الحل مع عامل الجبس و الكرانيش

من خلال تسويتها بخليط الجبس و جعلها مستوية و هو أمر هين بأذن الله و بعدها يتم الدهان و لا يظهر عدم الأستواء

و لو لم تحبى أن تكون الأعمدة بالدهان .. فبعد تسويتها بخليط الجبس ممكن أن تغلفيها بالرخام كشكل جمالى .. أو بالحجر بألوانه الجميلة .. فالحلول الجمالية كثــيرة جدا و لكن تأكدى أن سلامة البناء ليست بخطر من خلال أكثر من مهندس غاليتى

هلاااااا أختي ...

أنا رأي انك تشتكين لصاحب الشركة ..

لأن مهما كان فإن الإستشاي قاعد يغشكم ..

حتى ولو كان مافي خطر ..

لأنكم دافعين الثمن ..

ولو سكتوا عنه في هذي السالفة هو بيقول عاادي ما قالوا شيء و بيغشكم في أشياء ثانية ...

و نحنا بعد قاعدين نبني بيت يديد .. و سكتنا عن الإستشاري في شي كان مسوية غلط ..

وما شاء الله علييه مب مقصر كل شيء يختاره على راحته بدون ما يسأل .. ليييش لأن نحن سكتنا عنه في البداية ..


اقوووووول ..

ممكن اتقولين اسم الإستشاري .. لأن يمكن يكون نفسه .. أو على الأقل نحذر منه ..

أختك ...

فراشة دبي .

مشكورين خواتي على ردودكم وانا انصح كل وحدة تبني بيتها انها تتاكد من كل سي و ما تامن في اي استشاري عشان ما تندم بعدين...انا وزوجي الحين قاعدين نننتظر صاحب الشركة لانه مسافر و ما راح نسكت لين يلاقون حل ل هذي المشكلة اللي تسبب فيها استشاريهم.. والمشكلة انة ما معترف بخطئة بس احنا بنشتكيع و بنشتكي المقاول بعد في البلدية

الله يكون بعونك اختى العزيزه ففكرة ان نجد اخطاء في البناء بعد ان نضيع مجهودات كبيره في التصور و التخطيط وكذلك مبالغ طائله في الانشاء تسبب احباطات كبيره و خيبة امل وغضب

الا ان الموضوع كما قلت لا يمس امن المنزل و متانته فباذن الله كما اوضح الاخوات المشكله حلها هين وبسيط

اقتراحات بوسي جميله ......
و بالنسبه للعواميد الغير مستويه اقترح لو كانت بشكل مستطيل ان تعطيها شكل دائري بان يضع المقاول الاسمنت حول العمود بدعامات دائريه و الاسمنت حولها مما سيعطيها شكل جمالى ويخفى العيوب


و كما قالت فراشه لا تتركي حقك و اوقفوا مثل هذا المستهتر عند حده

الله يقويكم ويصيركم ان شاء الله